नेवारी सिर्जनालाई ‘पेज थ्रि’ अवार्ड

आइतबार, २५ भदौ २०७४, १० : २० नागरिक


काठमाडौं- नेवारी भाषामा बनेका गीत, संगीत तथा फिल्मका विभिन्न विधा समेटेर अवार्ड गरिने भएको छ । राजधानीमा शनिबार आयोजित पत्रकार सम्मेलनमा संगीत, म्युजिक भिडियो र फिल्म क्षेत्र गरी तीन विधामा ‘पेज थ्री पिपुल्स च्वाइस अवार्ड’ वितरण गरिने जानकारी आयोजकले दिएका छन् ।

आयोजकका अनुसार अवार्डमा संगीतमा ८ विधा, म्युजिक भिडियोमा ७ विधा र फिल्ममा १८ विधा छन् । संगीतमा गायक (महिला र पुरुष), संगीत, संगीत संयोजन, गीत लेखन, युगल गीत, नवप्रतिभा र एल्बम विधा छन् । त्यस्तै म्युजिक भिडियोमा मोडल –महिला र पुरुष), कोरियोग्राफी, निर्देशन, क्यामरापर्सन, सम्पादन र म्युजिक भिडियो विधा छन् ।

यसैगरी फिल्ममा कलाकार (महिला र पुरुष), नवकलाकार (महिला र पुरुष), कलाकार सह–भूमिका (महिला र पुरुष), कलाकार खलभूमिका, कलाकार हाँस्य भूमिका, बालकलाकार, स्क्रिन प्ले, संवाद, सम्पादन, क्यामरापर्सन, एक्सन, ओरिजिनल साउन्ड ट्र्याक, कोरियोग्राफी, निर्देशन र चलचित्र विधा छन् ।

अवार्डका संयोजक दर्शनवीर शाक्यका अनुसार जुरीले बाल कलाकारको अवार्ड नेपाल भाषाको फिल्म ‘थ्व ला ग्यानपु स्टाइल’का बालकलाकार नस्वाः जो शीलाई दिने निर्णय गरेको छ । ‘एक मात्र बाल कलाकार मुख्य भूमिकामा रहेको कारण यस विधामा मनोनयन आवश्यक नरहने जुरीले निर्णय गरेको छ,’ संयोजक शाक्यले भने, ‘म्युजिक भिडियो विधामा सुरेन्द्र तुलाधर र पवन जोशीलाई  कार्यक्रममा सम्मान गरिनेछ ।’

आयोजकले गायक तथा संगीतकार विष्णु जल्मीलाई ‘पेज थ्री लाइफटाइम एचिभमेन्ट अवार्ड’ दिने भएको छ । अवार्ड आगामी असोज ८ गते राष्ट्रिय नाचघर जमलमा हुँदैछ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...