शंखमूल फुटसललाई उपाधि

सोमबार, २६ भदौ २०७४, १० : ०६ नागरिक


काठमाडौं– किक अफ फुटसललाई पराजित गर्दै शंखमूल फुटसलले अखिल नेपाल फुटबल संघ (एन्फा) ले पहिलो पटक आयोजना गरेको राष्ट्रिय फुटसल लिगको उपाधि जितेको छ ।

 आइतबार बाँसबारीस्थित चउर रिक्रिएसन सेन्टरमा सम्पन्न फाइनलमा शंखमूल फुटसलले किकअफ फुटसललाई ५–४ ले पराजित गरेको हो ।

शंखमूलको जितमा सुरज राउत (१७,२१) ले दुई गोल गरेका थिए । त्यस्तै अभय राना (२०), अनिश श्रेष्ठ(२१) र निर्मल गुरुङ (३६) ले समान एक गोल गरे ।

किक अफका सुमन डंगोल (१५, २९) ले दुई, मणि लामा (२३) र रोजिन पौडेल (४०) ले समान एक गोल गरे पनि टोलीको हार टार्न सकेनन् ।

विजेता शंखमूलले पाँच लाख रुपैयाँ र उपविजेता किकअफले २ लाख ५० हजार रुपैयाँ हात पारे ।
 शंखमूलका सुरज राउत प्रतियोगिताका उत्कृष्ट खेलाडी घोषित हुदा शंखमूलकै अनिश श्रेष्ठ उत्कृष्ट गोलकिपर र प्रकाश परियार उत्कृष्ट प्रशिक्षक भए । त्यस्तै किकअफका रोजिन शाही उत्कृष्ट रक्षक र सामाखुसी फुटसलका विनोद गुरुङ उदीयमान खेलाडी घोषित भए । सबै विधाका खेलाडीले समान २० हजार रुपैयाँ हात पारे ।

शुक्रबार भएको सेमिफाइनलमा शंखमूलले सामाखुसी फुटसललाई ८–२ ले हराउँदै फाइनलमा स्थान बनाएको थियो भने किकअफले फुटसल भिलेजलाई हराउँदै शंखमूलसँगको उपाधि भिडन्त पक्का गरेको हो । 

एन्फाले इरानमा हुने एएससी फुटसल च्याम्पियनसिप छनोट प्रतियोगितामा जाने खेलाडी छान्नका लागि प्रतियोगिताको आयोजना गरेको हो ।

 छनोट प्रतियोगिता अक्टोबर १३ देखि २२ सम्म  हुनेछ । 

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

प्रियंका, रिश्मा र केकीलाई क्रिटिक्स अवार्ड (फोटो फिचर)

प्रियंका, रिश्मा र केकीलाई क्रिटिक्स अवार्ड (फोटो फिचर)

अभिनेत्री प्रियंका कार्की, रिश्मा गुरुङ र केकी अधिकारीले क्रिटिक्स अवार्ड प्राप्त गरेका छन् । बुधबार नेपाल चलचित्र समीक्षक समाज (फिक्सन)...

‘ब्याडम्यान’ मार्फत नेपाल हलिउडमा जोडिदै

‘ब्याडम्यान’ मार्फत नेपाल हलिउडमा जोडिदै

भिलेनको रुपमा ख्याति पाएका बलिउड अभिनेता गुल्सन ग्रोबर नेपालमा सुटिङ भइरहेको अन्तराष्ट्र्रिय फिल्म ‘द म्यान फ्रम काठमाडौं’को सुटिङका लागि हाल...

मैथिलीमा ‘राज्जा रानी’

मैथिलीमा ‘राज्जा रानी’

दाइजो प्रथाको विषयलाई उठान गरिएको फिल्म ‘राज्जा रानी’ मैथिली भाषामा पनि प्रदर्शन हुने भएको छ। आगामी पुस २१ गतेबाट देशैभर...

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...