ब्याटिङ सुधार्ने प्रयासमा नेपाल

सोमबार, २६ भदौ २०७४, १० : २० कमल खत्री  | @kamalkc4


मलेसिया – एसिसी यु १९ एसिया कपको पूर्वी क्षेत्रको छनोट प्रतियोगितामा नेपालले सोमबार थाइल्यान्डविरुद्ध खेल्दै प्रतियोगिताको सुरुआत गर्दै छ । नेपालका प्रशिक्षक विनोद दासले ब्याटिङमा सुधार भएनभएको परीक्षण गर्ने खेल भएको प्रतिक्रिया दिए ।

नेपालको बलियो पक्ष बलिङ र फिल्डिङ हो । विश्वकप छनोट प्रतियोगितामा नेपालका खेलाडी ब्याटिङमा आत्मश्विासी हुन सकेका थिएनन् । प्रशिक्षक दासले ब्याटिङ प्रशिक्षक मन्टे देसाईसँग मिलेर ‘ब्याटिङ एप्रोज’लाई सुधार गर्ने प्रयास गरेको बताए । 

‘हाम्रो ब्याटिङ नराम्रो होइन । खेलाडीले आफ्नो पुरानो ब्याटिङ क्षमतालाई बिर्सेजस्तो लाग्छ । आत्मविश्वासको कमी भएजस्तो देखिन्छ । त्यो डरलाई हामीले हटाउने प्रयास गरेका छौं,’ प्रशिक्षक दासले थपे, ‘थाइल्यान्डविरुद्ध त्यसको परीक्षण हुन्छ ।’ 

नेपाली युवा टोलीले सोमबार पहिलो पटक दीपेन्द्रसिंह ऐरीको कप्तानीमा खेल्दै छ । सिंगापुरमा सम्पन्न यु–१९ विश्वकप छनोट प्रतियोगितामा नेपालको ब्याटिङ सन्तोषजनक हुन सकेको थिएन । ब्याटिङमा कमजोर देखिएपछि नेपालले मलेसियामा हुने प्रतियोगिताका लागि केही साता मन्टे देसाइबाट ब्याटिङ प्रशिक्षण लिएको थियो ।

समूह ‘ए’ मा रहेको नेपालले सोमबार थाइल्यान्डसँग क्लब अमान मैदानमा खेल्नेछ । प्रतियोगितामा नेपाललाई बलियो टोलीको रूपमा हेरिएको छ । नेपाली युवा टोलीका प्रशिक्षक विनोद दासले यहाँको मौसमलाई लिएर आफूहरू केही सजग भएको बताए । वर्षा हुने सम्भावना औंल्याउँदै प्रशिक्षक दासले सकेसम्म छिटो खेल्ने रणनीति बनाएको बताए । उनले अन्य प्रतिस्पर्धी तुलनात्मक रूपमा सहज भए पनि सजग भएर खेल्ने बताए ।

‘प्रतियोगितामा मलेसिया र सिंगापुर बलिया टोली हुन् । तर हामी अन्य टोलीलाई कमजोर मान्दैनौं । क्रिकेट हो, प्रतिस्पर्धीलाई कमजोर ठान्नु गल्ती हुन सक्छ ।’ 

कप्तान दीपेन्द्र प्रतियोगिताले युवा खेलाडीलाई एक स्तर माथि उठ्न सहयोग गर्ने बताउँछन् । जारी प्रतियोगिताले खेलाडीलाई नयाँ अवसर दिलाउने दीपेन्द्रको विश्वास छ ।

‘हामीले प्रतियोगिता खेल्न पाउनु खुसीको कुरा हो । यो प्रतियोगिताले पनि हाम्रो भविष्यको करियरलाई सहयोग गर्नेछ । हामी सबै भविष्यमा सिनियर टिमबाट खेल्न चाहन्छौं । प्रतियोगितामा राम्रो गरे धेरै खेलाडीले सिनियर टिममा स्थान बनाउन सक्छन्,’ कप्तानको रूपमा खेल्दा नयाँ जिम्मेवारी थपिएको बताउने दीपेन्द्रले थपे, ‘पहिला मैले आफ्नो व्यक्तिगत प्रदर्शनमा ध्यान दिएर टिमलाई सहयोग गर्थें । तर अहिले सबै साथीको मनोबललाई बढाएर खेल्नुपर्नेछ । नयाँ जिम्मेवारीलाई राम्ररी सम्हाल्ने प्रयास गर्छु ।’ 

सोमबारको खेलमा प्रशिक्षक दासले पहिलो खेल भएकाले कुनै जोखिम नलिने बताए । 
उनले भने, ‘पहिलो खेलमा हामी आफ्नो सम्पूर्ण क्षमता देखाउने गरी खेल्छौं । सुरुआती खेल भएकाले पहिलो रोजाइका खेलाडीलाई मैदानमा उतार्ने हो । सोमबारको प्रदर्शनले पछिको खेल कसरी खेल्ने भन्ने योजना बनाउनेछौं ।’





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...