मेयर शाक्यद्वारा पुनरावलोकन नगरी नगरप्रहरीको बढुवा

सोमबार, २६ भदौ २०७४, १३ : ३४ खिलक बुढाथोकी  | @KhilakB


संघीय मामिला तथा स्थानीय विकास मन्त्रालयले पुनरावलोकन गर्न दिएको आदेश बेवास्ता गर्दै काठमाडौं महानगरपालिकाले नगर प्रहरीको बढुवा गरेको छ ।

नगर प्रहरी नायब निरीक्षक पूर्णचन्द्र भट्ट र मीनबहादुर थापालाई भदौ २२ गते प्रहरी निरीक्षक (इन्सपेक्टर)मा बढुवा गरेको हो । महानगरले उनीहरूलाई गत चैतमै बढुवा गर्ने निर्णय गरेको थियो ।तर, नियम मिचेर बढुवा गरेको भन्दै मन्त्रालयमा उजुरी परेपछि त्यतिबेला उनीहरूको बढुवा हुन सकेको थिएन । 

नगर प्रहरी नायब निरीक्षक लीलाराज गाछा मगर, धु्रवकुमार भुजेल, किशोरकुमार भट्टराई, प्रकाश पण्डित, चन्दन श्रेष्ठ र रामेश्वर उपाध्यायले बढुवा मूल्यांकन सही ढंगबाट नगरेको भन्दै महानगरविरुद्ध उजुरी गरेका थिए ।
उनीहरूको उजुरीको फैसला गर्दै मन्त्रालयले भट्ट र थापाको बढुवा कार्यान्वयन नगर्न आदेश दियो । मन्त्रालयका सचिव दिनेश थपलियाले जेठ २३ गते गरेको फैसलामा पुनरावलोकन गर्न महानगरलाई आदेश दिएका थिए । 

महानगरका सहप्रवक्ता तथा मेयर शाक्यका सचिवालय प्रमुख नमराज ढकालले भने प्रक्रियागत हिसाबबाटै बढुवा गरेको बताए । ‘मन्त्रालयले बढुवा निर्णय बदर गर्नु भनेको छैन,’ उनले भने, ‘कानुनविपरित भएको लागेमा अन्याय हुनेहरू अदालत जान सक्छन् ।’ नगर कार्यपालिका बैठकबाटै पारित गराएर निर्णय कार्यान्वयन गराएको बताउँदै सबैले चासो लिन नपर्ने धारणा ढकालको छ । 

तर, महानगरले मन्त्रालयको आदेशबमोजिम पुनरावलोकन नगरी पहिला गरेकै निर्णय बदर गर्दै बढुवा गरेको हो । बढुवा भएका निरीक्षकलाई मेयर विद्यासुन्दर शाक्यले सोही दिन दर्जानी चिन्ह (फुली) समेत लगाइदिएका छन् । स्रोतका अनुसार मेयर शाक्यले बढुवाको कानुनी प्रावधान नहेरी महानगर प्रशासनले गरेको पहिलाको निर्णयलाई नै कार्यान्वयन गराएका हुन् । बढुवा मूल्यांकनकै क्रममा प्रशासनले धाँधली गरेको आरोप स्रोतको छ ।

मन्त्रालयकै एक अधिकारीका अनुसार माथिल्लो शैक्षिक योग्यतालाई पनि मूल्यांकन गर्दा अहिले बढुवा भएका इन्सपेक्टरको अंक पुग्दैन । इन्सपेक्टरमा बढुवा भएका भट्ट बिए पास हुन् भने थापा आइए मात्रै हुन् । जबकी, नगर प्रहरी नायब निरीक्षकमा उनीहरू भन्दा धेरै शैक्षिक योग्यता भएकाहरू छन् । 

निष्पक्ष बढुवा मूल्यांकन भएको खण्डमा अहिले बढुवा भएका इन्सपेक्टर तेस्रो र छटौं नम्बरमा पर्ने स्रोतले बतायो । मूल्यांकनको क्रममा प्रशासनले उनीहरूलाई बढी नम्बर दिएर बढुवा गरेको आरोप नगर प्रहरी नायब निरीक्षकको छ । उनीहरू आफूहरूमाथि अन्याय भएको भन्दै न्यायका लागि अदालत जाने तयारी रहेको बताए । प्रशासनले चलखेल गरेर उनीहरूलाई बढुवामा सिफारिस गरेको र त्यसैलाई मध्यनजर नगरी मेयर शाक्यले पनि स्वीकृत गरेको आरोप नगर प्रहरी नायब निरीक्षकहरूको छ ।

महानगरका सहप्रवक्ता तथा मेयर शाक्यका सचिवालय प्रमुख नमराज ढकालले भने प्रक्रियागत हिसाबबाटै बढुवा गरेको बताए । ‘मन्त्रालयले बढुवा निर्णय बदर गर्नु भनेको छैन,’ उनले भने, ‘कानुनविपरित भएको लागेमा अन्याय हुनेहरू अदालत जान सक्छन् ।’ नगर कार्यपालिका बैठकबाटै पारित गराएर निर्णय कार्यान्वयन गराएको बताउँदै सबैले चासो लिन नपर्ने धारणा ढकालको छ । 

यता, मन्त्रालयका सचिव थपलियाले पुनरावलोकन गर्न दिएको आदेशलाई अटेर गर्न नहुने बताए । ‘दिएको आदेश अनुसार पुनरावलोकन गर्नपर्छ,’ उनले भने, ‘त्यसो नगरेको हो भने अदालतमा उजुरी परेका खण्डमा बढुवा बदर हुन सक्छ ।’






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...