महिला व्यवसायी अन्तर्राष्ट्रिय सम्मेलन सुरु, कृषिसहित ४ क्षेत्रमा छलफल

मङ्गलबार, २७ भदौ २०७४, ०९ : ४९ नागरिक


काठमाडौं- काठमाडौंमा सोमबार दक्षिण एसियाली महिला व्यवसायीको दुईदिने अन्तर्राष्ट्रिय सम्मेलन सुरु भएको छ । महिला उद्यमशीलताको विकास गर्ने मूल ध्येयसहित पहिलो महिला व्यवसायी अन्तर्राष्ट्रिय सम्मेलन आयोजना गरिएको हो ।

‘एक्क्रस ब्यारिएर्स- इन्टरनेसनल बिजनेस विमेन समिट’ शीर्षकमा सुरु भएको सम्मेलन साउथ एसिया विमेन डेभलपमेन्ट फोरमले आयोजना गरेको हो ।

कार्यक्रमको पहिलो दिन सोमबारको दोस्रो सत्रमा सार्क क्षेत्रका महिलाको लागि व्यापार अवसर, कृषिमा नयाँ प्रविधि र यसको प्रयोग र पर्यटन र अन्तर्राष्ट्रिय व्यवसाय विषयमा छलफल गरिएको थियो । दोस्रो दिन मंगलबार औद्योगिक विकासमा सूचना प्रविधि (आइटी) को प्रयोग, टेक्सटाइल उद्योग, आधुनिकीकरण र निर्यात विषयमा छलफल गरिनेछ ।

साउथ एसिया विमेन डेभलपमेन्ट फोरम दक्षिण एसियाली सहयोग संगठन (सार्क) को एक अंग हो जसले यस क्षेत्रका महिलाको व्यावसायिक तथा आर्थिक क्षेत्रमा काम गर्दै आएको छ ।

उद्घाटन समारोहमा बोल्दै प्रधानमन्त्री शेरबहादुर देउवाले घर–परिवारदेखि राष्ट्रिय अर्थतन्त्रको विकासमा महिलाको उल्लेख्य भूमिका रहेको बताए । यही महŒव बुझेर सरकारले महिला उद्यमशीलताको विकास र उद्योगमा सहयोग गर्ने नीति लिएको बताए ।

‘नेपालको संविधानमा महिला सहभागिता, समानता र अधिकार सुरक्षित गरेको छ,’ प्रधानमन्त्री देउवाले भने, ‘महिला–पुरुष सँगसँगै भए मात्र देश विकास सम्भव छ ।’

साउथ एसिया विमेन डेभलपमेन्ट फोरमकी अध्यक्ष प्रमिला आचार्यले दुईदिने सम्मेलनले पर्यटन, प्रविधि र कृषि तथा उत्पादनमूलक क्षेत्रमा फोकस गरेर छलफल गर्ने बताइन् । ‘पहिलो अन्तर्राष्ट्रिय सम्मेलनले प्रविधि तथा सीप विकासको आदनप्रदानमार्फत व्यवसायी सहकार्यको प्रवद्र्धन र निर्यात बजारको अवसरमा जोड दिने मुख्य उद्देश्य राखेको छ,’ अध्यक्ष आचार्यले भनिन् ।

सम्मेलनमा दक्षिण एसियाका आठ देशका प्रतिनिधिको सहभागिता छ । विभिन्न मुलुकबाट ८० जना अन्तर्राष्ट्रिय व्यवसायी प्रतिनिधि, विज्ञहरू र १२ जना राष्ट्रिय तथा अन्तर्राष्ट्रिय वक्ताहरूको पनि सहभागिता छ । झन्डै ७० जना नेपाली महिला व्यवसायी सम्मेलनमा सहभागी भएका छन् ।

यस सम्मेलनले सार्क तथा आसियान क्षेत्रबाट सहभागी भएका अन्तर्राष्ट्रिय व्यवसायी तथा चीनबाट सहभागी भएका प्रतिनिधिसँग भेटघाट तथा छलफल गर्ने विशेष अवसर जुराएको आयोजकले जनाएको छ । 

यस क्षेत्रका महिला व्यवसायीका समान समस्या रहेका र केही लैंगिक असमानताका समस्या रहेको सम्मेलनमा बताइयो । सार्क क्षेत्रमा विश्व जनसंख्याको झन्डै २३.४ प्रतिशत बसोबास गर्छन्, जसमध्ये जम्मा १० प्रतिशत महिला मात्र मध्यम तथा साना व्यवसायमा सहभागी भएको कार्यक्रममा जानकारी गराइयो । 

सम्मेलनमा बोल्दै चौधरी ग्रुपका अध्यक्ष विनोद चौधरीले यो महिलाहरूको शक्तिको ‘सेरेब्रेट’ गर्ने अवसर भएको बताए । ‘अहिले विश्वका प्रख्यात कम्पनीहरूमा महिलाहरु नेतृत्व पंक्तिमा छन्,’ चौधरीले भने, ‘नेपालमा पनि एकै समयमा राष्ट्रपति, प्रधानन्यायाधीश, सभामुख र व्यवसायमा पनि महिला नेतृत्व भएको अवसर छ ।’ उनले नेपालका अधिकांश महिला कृषि पेसामा संलग्न भएको भन्दै यस क्षेत्रमा आधुनिक प्रविधिको विकास गरेर महिला उद्यमशीलता विकास गर्नुपर्नेमा जोड दिए ।

उद्घाटन सत्रमा श्रीलंकाकी प्रोफेसर मैथ्री विक्रमासिंघे, सार्क महासचिव अमजाद हुसैन बी सैल र चीनकी मिडिया फोकस ग्रुपकी प्रमोटर तथा चिफ स्टाटे«जिक अफिसर चेन यानले महिला उद्यमशीलता र महिला नेतृत्वबारे बोलेका थिए ।





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...

हाँस्य फिल्म हुर्रेको प्रचारप्रसार तीब्र

हाँस्य फिल्म हुर्रेको प्रचारप्रसार तीब्र

नेपाली हाँस्य फिल्म हुर्रेको रिलिज मिति नजिकिएसँगै प्रचारप्रसारमा तिब्रता दिइएको छ। शनिबार हेटौंडा आइपुगेको फिल्मको निर्माता तथा कलाकारको टोलीले फिल्म...

लेडी डन बन्दै दीपिका, शुटिङ नेपालमा

लेडी डन बन्दै दीपिका, शुटिङ नेपालमा

सञ्जयलिला भन्सालीको ‘पद्मावत’को सफलतासँगै चर्चामा रहेकी बलिउड अभिनेत्री दीपिका पादुकोण अब लेडी डन बन्ने भएकी छन्। ...

सरोजले जिते छमछमी

सरोजले जिते छमछमी

हेटौडाका सरोज राना प्रजा डान्सिङ रियालिटी सो ‘रियो छमछमी सिजन थ्री’को विजेता बनेका छन् । सरोजले दुई लाख ७४ हजार...