न्युरोडकी सिमरनले जितिन् मिस प्लस टुको ताज

मङ्गलबार, २७ भदौ २०७४, १६ : ०९ रोहित राई


धरान—किसोरी छात्राहरुमा आत्मविश्वास एवं व्यक्तित्व विकास गराउने उद्देश्यले आयोजित मिस प्लस २ को उपाधि काठमाडौंकी सिमरन तुलाधरले जितेकी छिन्। धरान ८ स्थित सभागृहमा सम्पन्न भएको ग्राण्ड फेनालेमा काठमाडौं न्युरोड स्थायी घर भएकी सिमरनले पहिलो मिस प्लस २ को ताज पहिरिएकी हुन्। उत्कृष्ट ५ मा परेकी उनले मुख्य निर्णायक एवं पूर्व मिस नेपाल उषा खड्गीले सोधेको प्रश्नमा उत्कृष्ट जवाफ दिदै उनले पहिलो सँस्करणमा उपाधि विजेता बनिन्।

मुख्य निर्णायक खड्गीले ५ प्रतिस्पर्धीहरुलाई ‘हाम्रो समाजमा रहेका सडक बालबालिकाहरुको संख्यालाई न्युनीकरण गर्न के गर्नुपर्छ ?’ भन्ने प्रश्न सोधेकी थिइन्। यसको जवाफमा सिमरनले ‘शिक्षा महत्वपूर्ण हुनेमा जोडदिँदै ती बालबालिकाहरुलाई शिक्षित बनाए उनीहरु आफैँले सही वा गलत छुट्याउन सक्ने र सरकारले पनि सचेतना कार्यक्रम ल्याउनुपर्ने’ धारणा राखेकी थिइन्।

सिमरनले ‘शिक्षा महत्वपूर्ण हुनेमा जोडदिँदै ती बालबालिकाहरुलाई शिक्षित बनाए उनीहरु आफैँले सही वा गलत छुट्याउन सक्ने र सरकारले पनि सचेतना कार्यक्रम ल्याउनुपर्ने’ धारणा राखेकी थिइन्।

काठमाडौं स्थायी ठेगाना भएपनि विजेता सिमरन कक्षा ८ देखि धरानको विष्णु मेमोरियल उच्चमाविमा पढेकी हुन् । उनले सोही स्कुलबाट कक्षा १२ को परीक्षा दिएर बसेकी हुन्। आफ्ना दिदीसँग धरान बसेकी उनी अब उच्च शिक्षा तथा एयर होस्टेजको तालिम लिन राजधानी जाने तयारीमा छिन् । ‘विजेता नै हुन्छु भन्ने चै लागेको थिएन, तर जित्नुपर्छ भन्ने आत्मविश्वास थियो,’उनले भनिन्,‘काठमाण्डौं गएर एयरहोस्टेज तालिम लिन्छु, र पढाईलाई पनि निरन्तरता दिन्छु।’ विजेता तुलाधरले नगद ४५ हजार, क्राउन र ट्रफी हात पारिन् । साथै, काठमाण्डौंस्थित लिटल एञ्जल्स कलेज अफ म्यानेजमेन्टमा ४ बर्षे ब्याचल अफ बिजनेश इन्फरमेशन सिस्टम बिषयमा छात्रवृत्ति, एउटा लाभा मोवाइल, ओपो गिफ्ट ह्याम्पर र बराह ज्वेलरी गिफ्ट ह्याम्पर पनि पाइन् ।

यसैगरी, स्पर्धामा डिपो आदर्श बहुमुखी क्याम्पसमा कक्षा १२ मा अध्ययनरत विलम राई फष्ट रनरअप भइन् भने एम्स एकेडेमीमा कक्षा १२ की छात्रा आरती बस्नेत सेकेण्ड रनरअप भइन् । विलमले नगद २५ हजार, क्राउन र डिपोमा ४ बर्षको ब्याचलर लेभलमा छात्रवृत्ति पाइन्। यस्तै, आरतीले नगद १५ हजार, क्राउन र मेघा कलेजमा ४ बर्षको ब्याचलर लेभलमा छात्रवृत्ति पाइन् । यो बाहेक दुवै विजेताले ओपो गिफ्ट र बराहको गिफ्ट ह्याम्पर पनि हात पारे । यसबाहेक, टाइटल अवार्डतर्फ सगरमाथा मिस फ्रेण्डसिप जानुका राई, धरान इञ्जिनियरीङ मिस डिसिप्लिन विलम राई, पिपल सप मिस ब्युटिफुल र प्रदिप विष्णु वेष्ट ड्रेस सिसम गुरुङ, सुलभ सहकारी मिस फोटोजेनिक ममता राई, सोताङ अग्र्यानिक मिस ट्यालेण्ट र एम्स मिस पर्सनालिटी आरती बस्नेत, नेशनल मिस वेष्ट वाक वसन्ती तामाङ र बुढासुब्बा डेन्टल मिस स्माइल मुनाल राईले हात पारिन्।

विजेताहरुलाई आयोजक बिग इभेन्ट नेपाल प्रालिका अध्यक्ष सन्तोष राई, प्रमुख अतिथि एवं निर्णायक राष्ट्रिय गानका रचनाकार ब्याकुल माइला, मुख्य निर्णाय कउषा खड्गी, धरान उपमहानगरकी उपप्रमुख मञ्जु भण्डारी सुवेदी, निर्णायक एवं नेपाल प्रहरीका डिआइजी ज्ञानबिक्रम शाह, बीपी अस्पतालका डेपुटि डाइरेक्टर डा.पप्पु रिजाल, मुख्य प्रायोजक धराने पानी एवं इजि राइडर बिजनेश प्रालिका अध्यक्ष लोक खापुङ, बिग इभेन्टका निर्देशक दोर्पध्वज राई, शिक्षासेवी खेमकला राईलगायतले पुरस्कार वितरण गरेका थिए।

फाइनलमा कुल २५ प्रतिस्पर्धी छात्राहरु थिए । उनीहरुको प्रस्तुतीको आधारमा निर्णायकहरुले टप ५ छनौट गरेका थिए । जसमा विजेता ३ छात्राबाहेक सुष्मा लिम्बू र मनिमा लिम्बू पनि परेका थिए । 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...