कार्यकारी निर्देशक खड्कालाई हटाउने मन्त्रिपरिषदको तयारी

मङ्गलबार, २७ भदौ २०७४, १८ : ५१ दिलीप पौडेल


काठमाडौं- करिब डेढ अर्ब रुपैयाँ घोटाला आरोप लागेका नेपाल आयल निगमका कार्यकारी निर्देशक गोपाल खड्कालाई मन्त्रिपरिषदको बैठकबाट हटाउने प्रक्रिया सुरु भएको छ। आगामि क्याविनेट बैठकमा प्रस्ताब लगेर खड्कालाई कारबाही गर्ने तयारी आपूर्ति मन्त्री शिबकुमार मण्डलले गरेका छन्।

निगम सञ्चालक समितिका अध्यक्ष रहेका आपूर्ति सचिव कृष्णप्रसाद देवकोटाले तयार गरेको प्रतिवेदनमा इन्धन भण्डारणको लागि जग्गा खरिदमा कैफियत भएको ठहरसहित कारबाहीको लागि सिफारिस गरेपछि आपूर्ति मन्त्री मण्डल कारबाही गर्ने निष्कर्षमा पुगेका हुन् । ‘मन्त्रालयले तयार गरेको प्रतिवेदन सचिवले प्रधानमन्त्री कार्यालयमा बुझाउनु भएको छ,’ मण्डलले भने, ‘क्याविनेट बसेपछि ठोस रुपमा निर्णय आउँछ । ’ मन्त्री मण्डलले घुमाउरो पाराले अब बस्ने क्याविनेट बैठकबाट हटाउने संकेत गरेका हुन्।

उनले निगम नेतृतवलाई कारबाहीको दायरामा ल्याउन तत्कालिन आपूर्ति सचिव प्रेम कुमार राईले असहयोग गरेको बताए। ‘सविचलाई परिवर्तन गरेको रियल हो,’ मण्डलले भने, ‘लुकाउनु पर्ने छैन ।’ ‘दोषी सबैलाई कारबाही हुन्छ,’ उनले भने, ‘निदोर्षलाई दुख दिँदैनौं ।’ ‘एक रुपैयाँ चोरे पनि चोर हो दुई सय रुपैयाँ चोरे पनि चोरै हो,’ उनले भने ।

खड्काले चितवन, भैरहवा, झापा, सर्लाहीमा जग्गा खरिदमा अनियमिता गरेको ठहर गर्दै कारबाहीको लागि अख्तियार दुरुपयोग अनुसन्धान आयोग, आपूर्ति मन्त्रालयलाई सिफारिस गरेको थियो । सोमबारको उद्योग वाणिज्य तथा उपभोक्ता हित सम्बन्ध समितिले चार गुणा महंगो मूल्य तिरेर अनियमितता गरेको प्रतिवेदन पारित गरिसेकेको छ । सो समितिको प्रतिवेदनलाई आधारमान्दा खड्काले विचौलियासँगको मिलेमतोमा प्रचलित ऐन कानुन मिचेर जग्गाधनीले पाएको मूल्य भन्दा करिब एक अर्ब ६७ करोड रुपैयाँ बढि तिरेर निगमलाई चर्को व्ययभार पारेको उल्लेख छ।

 

ह्‌यासट्याग:







यसमा तपाईको मत

सम्बन्धित समाचार


तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘मिस युनिभर्स’मा नग्मा

‘मिस युनिभर्स’मा नग्मा

अमेरिकाको लसभेगासमा आगामी २६ नोभेम्बरमा आयोजना हुन लागेको ६६ औं संस्करणको ‘मिस युनिभर्स’मा नेपालबाट नग्मा श्रेष्ठले सहभागिता जनाउने भएकी छन्...

कँडेललाई ‘मदन’, वात्स्यायनलाई ‘जगदम्बाश्री’

कँडेललाई ‘मदन’, वात्स्यायनलाई ‘जगदम्बाश्री’

मदन पुरस्कार गुठीले ‘धृतराष्ट्र’ खण्डकाव्यका लागि कवि घनश्याम कँडेललाई वर्ष २०७३ को ‘मदन पुरस्कार’ प्रदान गरेको छ भने व्यंग्य चित्रकार...

सोलमा सुनिँदै नेपथ्य

सोलमा सुनिँदै नेपथ्य

प्रसिद्ध सांगितक ब्यान्ड नेपथ्य दक्षिण कोरियाको राजधानी सोलमा गुञ्जिने भएको छ । नेपथ्य ओलम्पिक पार्कमा रहेको ओलम्पिक हलमा आगामी असोज...

दीपिकाका लागि रमेश र प्रशान्तको टक्कर

दीपिकाका लागि रमेश र प्रशान्तको टक्कर

केही महिना अघि राजधानीमा भएको एक कार्यक्रममा अभिनेता रमेश उप्रेतीले आत्मआलोचना गर्दै आफू कलाकार हुँदा निर्मातालाई हरेक कुरामा दिएको दुःख...