साझामा बेथिति

अध्यक्ष शर्मालाई फेरि तीनदिने स्पष्टीकरण

बुधबार, २८ भदौ २०७४, ०८ : २२ वसन्त खड्का  | @bashantkdk


काठमाडौं- साझा प्रकाशनमा अनियमितता प्रकरणमा शिक्षा मन्त्रालयले अध्यक्ष तथा महप्रबन्धक डोलिन्द्रप्रसाद शर्मालाई पुनः तीनदिने स्पष्टीकरण सोधेको छ । स्पष्टीकरणमा ‘तपाईंलाई किन कारबाही नगर्ने ?’ भन्ने प्रश्न सोधिएको छ । मन्त्रालयले साझामा अनियमितता छानबिन गर्न गठित समितिको सिफारिसअनुसार अध्यक्ष शर्मालाई स्पष्टीकरण सोधेको हो । समितिले अध्यक्ष शर्मासहित सञ्चालक समितिलाई कारबाही सिफारिस गरेको थियो ।

यसअघि भदौ १९ को मन्त्रिस्तरीय निर्णयअनुसार मन्त्रालयले अध्यक्ष शर्मालाई स्पष्टीकरण सोधेको थियो । शर्माले २३ गते मन्त्रालयलाई दिएको स्पष्टीकरण चित्तबुझ्दो नभएको भन्दै पुनः तीनदिने स्पष्टीकरण सोधिएको हो । शर्माले करिब एक सय पृष्ठको स्पष्टीकरण मन्त्रालयलाई बुझाएका थिए । पहिलो स्पष्टीकरण चित्तबुझ्दो नभएपछि उनलाई पुनः तीनदिनभित्र अर्को स्पष्टीकरण दिन निर्देशन दिइएको शिक्षासचिव शान्तबहादुर श्रेष्ठले जानाकारी दिए । ‘शर्माको स्पष्टीकरण चित्तबुझ्दो नभएपछि हामीले किन कारबाही नगर्ने भन्दै पुनः स्पष्टीकरण सोधेका छौं,’ श्रेष्ठले भने ।

साझामा अनियमितताबारे नागरिक दैनिकमा समाचार छापिएपछि मन्त्रालयले साउन १२ गते उपसचिव गणेश ढकालको नेतृत्वमा तीन सदस्यीय छानबिन समिति बनाएको थियो ।समितिले साझामा अनियमतिता भएको भन्दै अध्यक्ष शर्मा र सञ्चालक समितिलाई बर्खास्त गर्न सिफारिस गरेको थियो । समितिले कारबाही सिफारिस गर्दासमेत मन्त्रालयले शर्मालाई कारबाही नगरेको विषयमा आलोचनासहित समाचार प्रकाशित भएपछि मन्त्रालयले स्पष्टीकरण सोधेको थियो ।

तत्कालीन शिक्षामन्त्री चित्रलेखा यादवबाट २०७१ माघ ५  मा महाप्रबन्धक  तथा २०७२ साउन १० गते अध्यक्ष नियुक्त शर्माले दुईवर्षे कार्यकाल पूरा गरी २०७३ पुसमा  तत्कालीन माओवादी केन्द्रको कोटामा शिक्षामन्त्री बनेका धनीराम पौडेलबाट चार वर्षका लागि दुवै पदमा नियुक्ति पाएका थिए ।

शर्माले साझाको जिम्मेवारी सम्हालेयता विवादित काम गर्दै आएका छन् । उनीमाथि  सरकारले उपलब्ध गराएको सहयोग रकम दुरुपयोग गरेको, लेखापरीक्षण नगराएको, राजनीतिक दलका नेतानिकट व्यक्ति, पत्रकार र उनीहरूका आफन्तलाई समेत साझामा भर्ना गरेको, वार्षिक आम्दानी, खर्च तथा पुस्तक प्रकाशन विवरण चुस्त नराखेको, नक्कली कागजात बनाएको, साझाको लोगो दुरुपयोग गरेर अवैध रुपमा पुस्तक प्रकाशन गरेकोलगायत आरोप छन्।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...