यौनको भर्‍याङ मा हो प्रेम ?

बुधबार, २८ भदौ २०७४, ०९ : ५९ निरूपा प्रसून


भैरहवा विमानस्थल पुग्न ई–रिक्सा चढेकी थिएँ । चालक अब्ररार हुसैनसँग कुराकानी चल्यो । यसै क्रममा मेरो साथीले जिस्काएरै अब्ररारलाई सोधेको थियो, ‘गर्लफ्रेन्ड छ होला नि, होइन भाइ ?’
‘प्रेम अरूसँग छैन साब ! राति–राति हो बूढीसँग मात्र ।’
काठमाडौँ आइसकेपछि पनि मलाई उनको त्यो जवाफ याद आइरह्यो । मैले यसबारे धेरै सोचेँ, आखिर रातिराति हुने कुरा नै हो त प्रेम ? प्रेम ! यस ब्रह्माण्डमा सबैभन्दा धेरै रुचाइएको शब्द । प्रेम शब्द नै पर्याप्त छ, मनलाई आल्लादित तुल्याउन ।  
प्रेम–सम्बन्ध संसारको उत्कृष्ट सम्बन्ध । उत्तिकै सुकोमल र सुन्दर पनि । हामी कल्पना गर्न सक्दैनौँ, प्रेमविनाको जिन्दगी । प्रेमविनाको त्यो उराठ–उदास जिन्दगी खै के जिन्दगी ? प्रेममा धोका ? विरक्तिएर सन्यासी–जोगी–ब्रह्मचारी बन्ने ?  अहँ !
जब प्रेम एकतर्फी हुन्छ, त्यहाँ पूजा हुन्छ । पूजा पनि प्रेमको एउटा रूप हो । भगवान्सँग हाम्रो एकतर्फी प्रेम, त्यो पूजा हो । प्रेमबारे धेरै बकबक नगरुँ म । यसको महिमा हजार जिब्रो भएका शेषनागले पनि सायद वर्णन गरेर सक्दैनन्, म ज्यादा के बोलूँ ! तर अब्ररारसँगको संवादपछि केही नलेखिरहन सकिनँ ।
अब्ररारको बुझाइमा प्रेम भनेकै यौन सम्पर्क हो । उनले जे बुझे, जे गरे त्यही भने, त्यो निर्दाेष सत्याभिव्यक्ति हो । मैले चिनेका धेरैजसो ‘बुद्धिजीवी’ वर्गको व्यवहारसमेत यस्तै देखेकी छु । प्रेम भनेकै यौन सम्बन्धका लागि भ¥याङ हो, उनीहरूका नजरमा । प्रेम गर्छु भनेर नजिकिन्छन्, तर सेक्स त परकै कुरा, किस नै खान नपाएकै कारण बोल्नै छोड्छन्, चिन्नै छोड्छन् । तर उनीहरूको लेखनीमा सिद्धान्त र आदर्शका कुरा भने बडा ठूलाठूला हुन्छन् ।    
एकथरी प्रेम र यौन बिल्कुलै अलगअलग हुन् भन्छन् । अर्काथरी प्रेम र यौन अलग होइनन् भन्छन् । मलाई शब्दमा भन्दा दृश्यमा विश्वास लाग्छ । यौन र प्रेम एउटै सिक्काका दुई पाटा हुन् कि जस्तो लाग्छ । प्रेममा यौन हुनसक्छ भने यौनभित्र प्रेम नहुन पनि सक्छ । अचेल प्रेमलाई यौनसम्म पुग्ने माध्यम बनाइँदै छ ।
सहरमा युवक–युवती, किशोर–किशोरीभन्दा पनि अधबैँसे महिला–पुरुषबीच विवाहेत्तर यौन बढ्ता देख्छु म । स्वास्नी, छोरा–छोरी भएका पुरुषहरूले बाहिर युवती राखेको प्रतक्ष्य देखेकी छु । धनीमानी अधबैँसे महिलाहरू पनि युवकहरूलाई हायर गर्छन्, यौनसम्बन्धका लागि भन्ने सुनेकी छु, देखेकी चाहिँ छैन । दुवैको राजीखुसीमा हो भने कसैको टाउको दुखाइ किन र ? तर, सेक्समा महिला जहिल्यै तल पर्छन् । पुरुष–पति–प्रेमीको एंगलबाट त्यो प्रेम होला, महिला–पत्नी–प्रेमिकाको एंगलबाट त्यो पीडा । मलाई लाग्छ, हाम्रा नब्बे प्रतिशत यौन सम्बन्ध बलात्कार हुन्, स्त्रीको अनुभवमा ।
म त भन्छु, हर किसिमले स्वतन्त्र हुन महिलाहरू आर्थिकरूपमा आत्मनिर्भर बन्न जरुरी छ । जबसम्म हामी पुरुषको दयाधर्मको जिन्दगीबाट माथि उठ्न सक्दैनाँै, तबसम्म कुनै पनि स्वतन्त्रता र आनन्दको स्वाद हामी सजिलै प्राप्त गर्न सक्दैनौँ । परिवार–समाज सम्हाल्ने ठेक्का महिलाहरूको मात्र पनि त होइन । यो थाहा हुदाँहुुदै पनि म किन सक्दिनँ, समाजको बेमेल संरचना बराबरीमा आउनुपर्छ भन्न ? ‘मर्द’की सात वटी ! कति सजिलो छ है ? ‘नामर्द’की सात वटा ? सात के दुइटै भनौँ त यहाँ कत्रा भुइँचालो जान्छ ?
    लगभग छ महिनाअघिको कुरा । बागबजारको एक कफी पसलमा पचास कटेका एक लेखक । उहाँ रुनुभयो मज्जाले, मेरो अगाडि । आफूजस्तै विवाहित महिला प्रेमिकाले आफूलाई धोका दिई भन्दै । यहाँ पनि अलमलमै परिरहे म । यो के हो ? ती लेखकका अनुसार उनकी प्रेमिकाले सुुरुवाती समयमा भनेकी थिइन् रे, ‘मेरो लोग्नेले सक्दैन ।’ अनि लेखक महोदयले भन्नुभयो रे, ‘मेरी स्वास्नीलाई पनि यसमा रुचि नै छैन ।”
यो त यौन मात्र हो नि, होइन ? यौन पूर्तिका लागि निर्मित सम्बन्धलाई प्रेम भन्न मिल्छ त ? पे्रमका लागि यौन कि यौनका लागि प्रेम ? लेखकको यौन परिपूर्तिपछि प्रेम बस्यो होला । प्रेमले उमेर, परिवार भन्दैन पनि । अब्ररार आफ्नी स्वास्नीलाई प्रेम गर्दैनन् भन्ने छैन । यौनलाई नै प्रेम ठान्ने अब्ररार हुुसैनको त्यो प्रेम, प्रेम नै हो । अर्काकी स्वास्नीसँगको सम्बन्ध टुट्यो भनेर रुने लेखकको पनि प्रेम, प्रेम नै हो, कि के हो ?
म अलमलमा छु । प्रेममा तर्क गरेर साध्य छैन । प्रेम र यौन, यीबीचको सम्बन्धको उठान त भयो, बैठान चाहिँ कहिल्यै कसैगरी सम्भव छैन । प्रेममा अनावश्यक जार्गन, क्वोट, थिसिस ? अहँ, जरुरी छैन ।

 

 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...