प्लास्टिक छाप्रोमा लाखौंको कारोबार

बुधबार, २८ भदौ २०७४, १० : २२ अर्जुन तामाङ


काठमाडौं-काठमाडौंका मल र सपिङ सेन्टरहरुमा चाडपर्वसँगै चहलपहल बढेको छ । उपत्यकाका मलहरुमा विभिन्न अफरका साथ ‘सेल मेला’ पनि चलिरहेको छ । बम्पर अफर र क्यासब्याक जस्ता अफरले उपभोक्ता तानिरहेको छ । यस्तै उपभोक्ताको भीड लागिरहने अर्को ठाउँ हो– भृकुटीमण्डप ।

यही भृकुटीमण्डपमा बिनाछुट सदावहार रुपमा मेलाकै झल्को दिने गरी प्लास्टिकको छानोभित्र १४ सय पसल सञ्चालनमा छन् । सिंहरबारको आँगनमा त्रिपालमुनि सञ्चालित खुला बजारमा दसैं नजिकिएसँगै रौनक छाएको छ । यहाँ न कुनै छुट छ, न कुनै सेल मेला । तर ग्राहकको चहलपहल र भीडभाड उस्तै छ । 

मन्थलीका रामेश्वर उप्रेती मंगलबार यही प्लास्टिक छानामुनिको बजारमा दसैंका लुगा छान्दै थिए । उनले ११–११ सयमा दुइटा पाइन्ट किन्दै सस्तो र राम्रो लुगा पाइने भएका कारण त्यहाँ पुगेको बताए । सिन्धुपाल्चोककी पवित्रा लामा (२१) ले पनि दसैंको लुगा किन्न आएको बताइन् । सस्तो र ब्रान्डेड लुगा पाइने भएका कारण खुला बजारमा आएको उनको भनाइ थियो । 

सामान्य आर्थिक अवस्था भएका उपभोक्तामाझ भृकुटीमण्डपको खुला बजार सस्तो बजारको परिचित छ । पछिल्लो समय व्यवसायीको आर्थिक अवस्थामा यहाँको कारोबारले सुधार ल्याएपछि ब्रान्डेड सामान पनि राख्न थालेको काठमाडौं निम्न व्यवसायी संघले जनाएको छ । संघका अध्यक्ष लक्ष्मीप्रसाद ओलीले देशकै मुटु सिंहदरबारको अगाडि २०४९ पुस २ गते सुरु बजार सर्वसाधारणमाझ लोकप्रिय रहेको बताए । 

‘विगतमा सामान्य रुपमा लत्ता–कपडा र फेसनेबल सामग्री राखेका थियौं । सामान्य ग्राहक नै आउँथे । अहिले धेरैको पुँजी सुधार भएका कारण ब्रान्डेड सामान राखेका छौं । अध्यक्ष ओलीले भने, ‘सर्वसाधारणका लागि खुला र सस्तो बजार भनेको यही हो । यो काठमाडौंमा बसोबास गर्ने मेचीदेखि महाकालीसम्मका सर्वसाधारणको लत्ता–कपडा किन्ने गन्तव्य बनेको छ ।’

२०४२ सालबाट वीर अस्पताल अगाडिको खुला मञ्चमा सुरु गरिएका पसललाई २०४६ सालको परिवर्तनपछि व्यवस्थित गर्ने क्रममा भृकुटीमण्डप सारिएको थियो । तत्कालीन काठमाडौं नरपालिकाको समन्वयमा समाज कल्याण परिषद्ले फोहोरको थुप्रो भएको ठाउँमा अहिलेको बजार राख्ने निर्णय गरेको थियो ।

अहिले यहाँको खुला बजार धेरै खर्च गर्न नसक्ने सर्वसाधारणदेखि अलि बढी खर्च गर्न सक्नेको समेत प्राथमिकतामा परेको अध्यक्ष ओलीको दाबी छ । खुल्ला बजारको १४ सय पसलमा २५ सय हाराहारीले रोजगारी पाएका छन् । यहाँका व्यवसायीले संघमार्फत वार्षिक एक करोड रुपैयाँ जति समाज कल्याण परिषद्लाई भाडा दिने गरेका छन् ।

परिषद्सँग काठमाडौं निम्न व्यवसायी संघले २०६४ सालबाट १५ वर्षका लागि हालको जग्गा लिजमा लिएको संघले जनाएको छ । यो खुल्ला बजारलाई व्यवस्थित गर्न सात क्षेत्रमा विभाजन गरिएको अध्यक्ष ओलीले जानकारी दिए ।

खुला बजारका व्यवसायीले ५० हजार लगानीबाट सुरु गरेको कपडा व्यवसायमा अहिले ५० लाखसम्म लगानी गरेका छन् ।

व्यवसायीहरुले अहिले खुला बजार सहकारी संस्था, भृकुटीमण्डप सहकारी संस्था समेत सञ्चालन गरेका छन् । सञ्चालक समिति तथा संघका अध्यक्ष ओलीका अनुसार थोरै लगानी भएका व्यवसायीको मार्ट हो– भृकुटीमण्डपका छाप्रे पसल ।

भोजपुर घर भएका विशाल गिरी २०५४ सालबाट जेन्टसको पाइन्ट पसल सञ्चालन गरिरहेको बताउँछन् । विगतमा सामान्य रुपमा सुरु गरेको पसलमा अहिले २० लाख लगानी पुगेको उनको भनाइ छ । राज्यलाई भाडा तिरे पनि बर्खाको बेला निकै सास्ती हुने उनको भनाइ छ । त्रिपालभन्दा व्यवस्थित भवन निर्माण भए खुला बजार नमुना हुने गिरी बताउँछन् ।

अर्की व्यवसायी भवानी कोइरालले सात वर्षदेखि कपडा पसल चलाइरहेको बताइन् । ‘दसैंसँगै चहलपहल बढेको छ । कारोबार चाडपर्वकै समयमा बढी हुने हो । सस्तो हुने भएकाले सर्वसाधारणले यहाँको बजार रोज्ने गरेको पाइन्छ,’ उनले भनिन् ।

बजारको आफ्नै नियम

यो बजारको आफ्नै नियम छ । कुनै व्यापारी ग्राहक ठगेको थाहा पाएमा उसलाई तत्काल कारबाही हुन्छ । बजारलाई अनुशासित र मर्यादित बनाउन गलत व्यवहार गर्नेलाई सजाय दिन समिति बनाइएको छ । सुरक्षित व्यापार र गुणस्तरीय सामान दिन खुला बजारले अभियान नै सञ्चालन गरेको व्यवसायीको दाबी छ ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...