१ लाखको कोष खोल्ने सहमतिपछि सुत्केरीको शव उठ्यो

बुधबार, २८ भदौ २०७४, ११ : ५७ महेश्वर चामलिङ राई


उदयपुर – डाक्टरको लापरबाहीका कारण मृत्यु भएको भन्दै लास जिम्मा नलिएपछि २ दिनदेखि अस्पतालमै रहेको सुत्केरी महिलाको शव १ लाख रुपैयाँको कोष खडा गर्ने सहमतिपछि पीडितपक्षले जिम्मा लिएका छन् । पीडितपक्ष र अस्पतालबीच २ दिनसम्म भएको ३ चरणको वार्तामा मृतकका बालबालिकाको शिक्षादिक्षा र पालनपोषणका लागि १ लाखको कोष तत्काल स्थापना गर्ने सहमतिपछि सोमबार विहानदेखि अस्पतालमै रहेको लास आफन्तले मंगलबार साँझ बुझेका हुन्। 

जिल्ला प्रशासन कार्यालय उदयपुरमा भएको सर्वपक्षीय बैठकले कोषको स्थापना गर्ने निर्णय गरेपछि विवाद समाधान भएको हो । जिल्ला अस्पताल उदयपुरमा प्रसुती गराउन ल्याइएकी चौदण्डीगढी नगरपालिका ९ भिमा दनुवारबस्तीकी ३८ वर्षीया रामकुमारी दनुवारको उपचारको क्रममा मृत्यु भएको थियो । सुत्केरी व्यथाले च्यापेर आइतबार राती जिल्ला अस्पताल ल्याइएकी रामकुमारीको प्रसुती गराउने क्रममा सोमबार विहान ९बजे मृत्यु भएको थियो। 

आफन्तले सामान्य अवस्थामा रहेकी सुत्केरीको मृत्यु हुनुमा स्वास्थ्यकर्मीको लापरबाही भएको भन्दै अस्पताल घेराउ गरेका थिए । दोषीमाथि कानुनी कारबाही हुनुपर्ने, टुहुरा बालबालिकाको भविष्य सुरक्षित हुनुपर्ने भन्दै अन्यथा लास नउठाउने अडान आफन्तले लिएपछि ३ चरणसम्म वार्ता भएको थियो । सोमबार मध्यान्हदेखि सुरु वार्ता मंगलबार साँझ मात्र सहमतिमा पुगेपछि आफन्त लास उठाउन सहमत भएको अस्पतालले जनाएको छ। 

मृतक दनुवारका ३ बालबच्चाको पालनपोषण र शिक्षादिक्षामा सहयोग पुगोस् भनेर तत्काल १ लाख रुपैयाँको कोष स्थापना गर्ने र विस्तारै कोषको वृद्धि गर्ने सहमति भएको निर्णय भएको अस्पतालका मेडिकल सुपरिटेण्डेन्ट डा. फनिन्द्र बरालले बताए । उनका अनुसार सो कोषमा ५ दिनभित्र रकम जम्मा गरिसक्ने र थप सहयोग रकम सङकलन गर्दै जाने सहमति बैठकले गरेको छ। 

मृतकका श्रीमान् गंगाबहादुर दनुवारले कोषको खाता बच्चाको नाममा खोल्ने सहमति भएको बताए । रकम सङ्कलन समितिमा जिल्ला प्रशासन कार्यालयका प्रशासकीय अधिकृत कुमार खड्का, कोष तथा नियन्त्रक कार्यालयका १ अधिकृत र सामाजिक कार्यकर्ता सुजना दनुवार रहने गरी एक समिति गठन गरिएको छ । मृतक दनुवारका ३ छोरीहरु रहेको बताइएको छ। 

उदयपुर अस्पतालमा यसअघि पनि सुत्केरी गराउन ल्याइएका २ महिलाको मृत्यु भएको थियो । त्यसबेला पनि आफन्तले चिकित्सक उपर गाली गलौज र क्षतिपूर्ति माग गरेर अस्पताल घेराउ गरेका थिए। दोस्रो पटक सुत्केरीको मृत्यु प्रकरणमा विवाद चर्केपछि तत्कालीन प्रसुती विशेषज्ञ डाक्टर डिएल यादवले एकवर्षअघि अस्पतालबाट जागिर छाडेर निजी अस्पताल सञ्चालन गर्दै आएका छन् । 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...