भिषा र मास्टर कार्डबाट बुद्धको एयर टिकट किन्न सकिने

बुधबार, २८ भदौ २०७४, १५ : ४७ नागरिक


काठमाडौं—हिमालयन बैंकले सञ्चालन गरेको इकमर्स पेमेन्ट गेटवेको मद्दतबाट बुद्ध एयरका कुनै पनि गन्तव्यका टिकट खरिद गर्न सकिने भएको छ। भिषा वा मास्टर कार्ड भएका नेपालीले घर वार कार्यालयमै बसीबसी केही क्लिकका भरमा यात्रुले बुद्ध एयरको आधिकारिक वेबसाइटबाट टिकट किन्न सक्नेछन्।

मोबाइल एपबाट उडान तालिका तथा सस्तो भाडादरबारे पनि लिन सकिने जनाइएको छ। यसअघि यो सुविधा विदेशी नागरिकका लागि मात्र थियो। नेपालीले इसेवा प्रयोग गर्नुपर्ने अवस्था थियो।

भिसा तथा मास्टरकार्ड मद्दतले नेपालसँगै भारतीय नागरिकले पनि टिकट खरिद गर्न सक्नेछन्। नेपाल, भारत, शरणार्थी तथा नेपालमा लामो समयसम्म बस्ने यात्रुले पनि नेपाली रुपैयाँमै टिकट खरिद गर्न सक्छन्। अन्यले भने अमेरिकी डलरमा खरिद गर्नुपर्ने जनाइएको छ। यसरी टिकट किन्दा यात्रुले अतिरिक्त शुल्क तिर्नु पर्दैन।

बुद्ध एयरले २ बीच एयरक्राफ्टबाट ७ एटिआर जहाजबाट मुलुकभर हवाइ सेवा उपलब्ध गराउँदै आएको छ। देशबाहिर भारतको वाराणसी नियमित र भुटानको पारो चार्टड उडान गरिरहेको छ। आउँदो अक्टोबरदेखि बुद्धले सेवा सञ्चालनको दुई दशक पूरा गर्दैछ। 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...