३८ वर्षमा फेरिएन गाउँ, फेरिएन नारा

बुधबार, २८ भदौ २०७४, १९ : ५८ रितेश त्रिपाठी


वीरगञ्ज – स्थानीय तहको चुनाव आएपछि पर्साको महादेवपट्टी गाउँमा चुनावको लहर छ । गाउँमा २०३६ सालको जनमत संग्रहमा बहुदल र निर्दलको निर्वाचन गर्न मतदान गरेको पुस्ता अहिले फेरि पनि मत हालेर आफ्नो प्रतिनिधि चुन्ने गन्थन मन्थनमा छन् । यतिका वर्षमा न गउँ फेरिएको छ, न गाउँपालिकामा उम्मेदवार बनेका बिभिन्न दलका प्रतिनिधीहरुको नारा नै फेरिएको छ। 

‘सबै उस्तै छ, फरक यति मात्र छ, उतिबेला बयल गाडामा उम्मेदवारहरू घुम्थे अहिले गाडीमा घुम्दैछन्, उतिबेला ढोल–तासा बजाएर प्रचार हुन्थ्यो अहिले लाउडस्पिकर छ,’ महादेवपट्टीका महादेव महतोले भने, ‘मेरो पहिलो मतदान थियो त्यो, उतिबेला पनि विकास हुन्छ भनेका थिए, पहिलो पटक मैले विकास भन्ने कुरा सुनेको थिएँ, यतिका वर्षमा विकास हेर्न भने पाइएन, हरेक चुनावमा विकास हुन्छ भन्छन् ।’ उनले साँच्चिकै विकास गर्ने नेता चुन्न चाहेको बताए । ‘जनताको सेवा गर्ने मान्छे चुनियोस्, हामी बिचार गर्दैछौं, उम्मेदवारहरूको कुरा सुन्दैछौं, उनीहरूको विगत पनि हेर्दैछौं।’

उत्तरमा ठोरी गाउँपालिका, दक्षिण धोबिनी, पूर्व जगरनाथपुर र पश्चिममा भारतको सिमानाले घेरिएको महादेवपट्टी जिरा भवानी गाउँपालिकामा पर्छ । गाउँलाई छेकेको जिराभवानी खोलामा २ वर्ष अगाडिमात्र एउटा पक्की पुल बनेपछि स्थानीयलाई आवागमन अलि सहज भएको छ । माध्यमिक विद्यालय, स्वास्थ्य चौकी र राम्रो सडक पाउने गाउँलेको चाहना अझै अपुरो नै छ । स्थानीय मदनजी मुखिया १६ वर्षको लक्का जवान हुँदा २०२६ को जनमतसंग्रह देखेका थिए । भोट हाल्न भने पाएका थिएनन् । त्यसको एक दशकपछि भोट हाल्न पाएका थिए । हरेक पटक चुनावताका ‘अब केही होला’ भन्ने आशा जाग्ने र चुनावपछि भरोसा टुट्ने गरेको उनले सुनाए। 

चुनावमा मोटो रकम लगानी गर्नेले पछि जितेर त्यो पैसा असुल गर्ने उद्देश्यले लिएकाले त्यसतालाई भोट दिनु हुन्न भन्ने नतिजामा उनी पुगेका छन् । ‘ठूला दलका उम्मेदवारले पैसाको खोलो बगाएका छन्, गरीब र अबुझ जनता बहकाउमा नपर्लान भन्ने छैन्,’ उनले भने, ‘म त गाउँमा शिक्षाको उज्यालो ल्याउने उम्मेदवारको खोजीमा छु, अशिक्षा हाम्रो सबभन्दा ठूलो अभिषाप हो, अन्धो सरकारले हामीलाई आजसम्म देखेन, अब गाउँमै सरकार चुनिदैछ भन्दैछन् ।’ चुनावको प्रचारप्रसार बढेपछि समय निकालेर गाउँलेहरू बुधवार भेला भएका थिए छलफलका लागि, कसलाई भोट दिने नदिने, एकराय बन्न सकेन्।

५० वर्षीया मिनादेवी ठाकुर चुनावको कुरा सुन्न आइपुगेकी थिइन, महिलाहरूको समूहमा । ‘विकास सुनेको छु देखेको छैन्, अब केही होस भन्ने लागेको छ,’ उनले भनिन्, ‘छाँटकाट हेर्दा अवस्था बदलिएला जस्तो लाग्दैन् ।’ उनले भनेजस्तै उम्मेदवारहरूले गरेको चिप्लामिठा कुरामा स्थानीय फस्न चाँहदैनन्, नफस्ने कसरी भन्ने थाहा छैन् । त्यही निश्कर्ष निकाल्न उनीहरूले आपसी छलफल थालेका हुन् । गाउँको त्यो चौतारा अगाडि प्रत्येक दिन उम्मेदवारहरू आउने र आफ्नो कुरा सुनाएर फर्किने क्रम एक हप्ता आगडिदेखि छ। 

झण्डा र पोस्टर पम्पलेट गाउँमा जताततै छ । ३० वर्षे रामागामा पटेलको यो चुनावमा भोट हाल्ने पहिलो अवसर हुनेछ । उनी उत्साहित छन् नयाँ अनुभव बटुल्न । नेता गनिएका उम्मेदवारहरू यतिखेर उनलाई महत्व दिन थालेकोमा दंग पनि छन् । आफ्नो मतको महत्व रहेको भान पाएका उनले सडक, सिचाई र स्कूल बनाउने क्षमता भएको प्रतिनिधि छान्न चाहेका छन् । महादेवपट्टी जस्तै पर्साका सबैजसो गाउँमा चुनावको माहोल छ। 

कम समय र लागतमा आउन भ्याउने बाहिर रहेका परिवारका सदस्यहरूलाई घरकाले बेलैमा आउन र चुनावमा भोट हालेर फिर्किन खबर पठाएका छन् । शहरभन्दा गाउँको चुनाव तुलनात्मक रुपमा मर्यादित नै भएको सेढवाका कृष्णमोहन साहले बताए । पर्सामा वीरगञ्ज महानगरपालिका बाहेक ३ वटा नगरपालिका र १० वटा गाउँपालिका गरी जम्मा १४ वटा स्थानीय तहको चुनाव हुँदैछ । परम्परागत रुपमा नेपाली काँग्रेस र एमालेको प्रतिस्पर्धा रहने गाउँक्षेत्रमा संघीय समाजवादी फोरम नेपाल र राष्ट्रिय जनता पार्टी नयाँ प्रतिस्पर्धी भएर टक्कर दिरहेका छन् । केही ठाउँमा स्वतन्त्र उम्मेदवारहरू पनि बलिया देखिएका छन्। 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...