निगम जग्गा निकुञ्ज मध्यवर्ती क्षेत्रमा

बिहिबार, २९ भदौ २०७४, ०८ : ०० रमेशकुमार पौडेल


चितवन- राष्ट्रिय निकुञ्जको मध्यवर्ती क्षेत्रलाई वातावरणीय दृष्टिले संवेदनशील मानिन्छ । निकुञ्जको वातावरणमा असर पर्ने भन्दै मध्यवर्ती क्षेत्रमा उद्योग, कलकारखाना सञ्चालन गर्न निरुत्साहित गर्नुका साथै पुल, सडकजस्ता पूर्वाधार निर्माणमा पनि कडाइ गरिन्छ । तर, नेपाल आयल निगमले पेट्रोलियम पदार्थ भण्डारणस्थल बनाउन भन्दै चितवन राष्ट्रिय निकुञ्जको मध्यवर्ती क्षेत्रमा २३ बिघाभन्दा धेरै जग्गा किनेको छ ।

निगमले निकुञ्ज नजिकैको लोथर खोलाको आडमै २३ बिघा १२ कट्ठा जग्गा किनेको हो । चल्तीको भन्दा धेरै मूल्य तिरेर किनिएको सो जग्गा बाढीको जोखिम र निकुञ्ज मध्यवर्ती क्षेत्रमा परेका कारण इन्धन भण्डारण स्थल बनाउन उपयुक्त देखिँदैन । त्यहाँ इन्धन भण्डारण स्थल बनाइए निकुञ्जका वन्यजन्तुमा समेत असर पर्ने खतरा देखिएको निकुञ्जका अधिकारीले बताएका छन् ।

इन्धन भण्डारण स्थल बनाउन निगमले किनेको जग्गानजिकै राप्ती नदी छ । राप्ती नदी चितवन राष्ट्रिय निकुञ्ज हुँदै बग्छ । ‘मध्यवर्ती क्षेत्रमा उद्योगलगायत भौतिक संरचना निर्माण र सञ्चालनका विशेष प्रावधान छन् । ती प्रावधान पूरा गर्नैपर्ने बाध्यता छ,’ चितवन राष्ट्रिय निकुञ्जका प्रमुख संरक्षण अधिकृत रामचन्द्र कँडेलले भने, ‘कसैले केही निर्माण वा उद्योग चलाउने हो भने मध्यवर्ती क्षेत्रको हकमा वातावरणीय प्रभाव मूल्यांकन (इआइए) गर्नैपर्छ । इआइए हँुदा हामीले धारणा राखौंला । अहिले कसले कहाँ के गर्न लागेको हो भन्ने विषयमा हामीलाई केही जानकारी छैन ।’ चितवन निकुञ्ज विश्व सम्पदा सूचीमा छ । यहाँ दुर्लभ एकसिङ गैंडा, पाटेबाघ, घडियाल गोही र असंख्य चरा बस्छन्।

उद्योगबाट आउने फोहर निकुञ्ज भएर बग्ने खोलामा फाल्न पाइँदैन । ‘निजी जग्गामा विसर्जन गर्नुपर्छ,’ कँडेलले भने । चितवन नवलपरासी क्षेत्रमा निकुञ्जकै कारण ठूला आयोजना सञ्चालन हुन नसकेका उदाहरण प्रशस्तै छन् । त्यसैले मध्यवर्ती क्षेत्रमै निमगले जग्गा किनेर संरचना बनाउँदा निकुञ्जले के गर्छ भन्ने चासो धेरैको छ । ‘मध्यवर्ती क्षेत्रका आफ्नै खालका नीतिनियम छन् । वातावरण संरक्षणमा मुख्य जोड दिएका छौं । निगमले जग्गा किनेको विषयमा हामीलाई पर्याप्त जानकारी आएको छैन,’ लोथर मध्यवर्ती उपभोक्ता समिति अध्यक्ष बाबुराम पाठकले भने ।

निगमले इन्धन भण्डारण स्थल बनाउँदा वातावरणमा नकारात्मक प्रभाव नपर्ने भनाइ राप्ती नगरपालिका मेयर प्रभा बरालको छ । चितवनका प्रमुख जिल्ला अधिकारी नारायणप्रसाद भट्ट जग्गा किन्ने बेलामा निगमबाट कुनै समन्वय र जानकारी लिने काम नभएको बताउँछन् । ‘निजी फर्महरूले पनि अलि धेरै जग्गा किन्नु पर्दा मूल्यका साथै ठाउँ उपयुक्त छ, छैन भनेर सोध्छन् । तर सरकारी स्वामित्वको निकाय निगमले यति धेरै परिणाममा जग्गा किन्दा कुनै सम्पर्क र समन्वय भएन, जसले गर्दा त्यो ठाउँ उपयुक्त हो वा हैन भन्ने विषय राख्नै पाइएन,’ भदौ ८ गते स्थलगत अनुगमनका आएको संसदीय टोलीसँग प्रमुख जिल्ला अधिकारी भट्टले भनेका थिए ।

ह्‌यासट्याग:






यसमा तपाईको मत

सम्बन्धित समाचार


तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...