‘लिली बिली’ खेल्दै प्रदीप

बिहिबार, २९ भदौ २०७४, ११ : ३९ नागरिक


काठमाडौं- जेठमा फिल्म ‘दीपेन्द्र सरकार’को घोषणा हुँदा फिल्मका मुख्य अभिनेता प्रदीप खड्का चार नेपाली सुरक्षागार्डसहित कार्यक्रमस्थलमा आएका थिए । प्रदीपकै अभिनय रहने अर्को फिल्म ‘लिली बिली’को घोषणा कार्यक्रममा पनि प्रदीप उसैगरी चार अफ्रिकी मूलका सुरक्षागार्ड लिएर पत्रकार सम्मेलनमा देखापरे । नेपालमा विरलै देखिने यस्तो अभ्यासले मंगलबार नै बहस निम्त्यायो । घोषणा कार्यक्रमको समाचार लिन गएका पत्रकारले औपचारिक कार्यक्रम लगत्तै प्रदीपसँग सुरक्षागार्डको औचित्यबारे प्रश्न गरे । प्रदीपले सुरक्षागार्ड आफूले मागेको नभई निर्माताले दिएको बताए ।
पत्रकार सम्मेलनमा प्रदीपसँगै नवनायिकाद्वय जसिता गुरुङ र रेबिका गुरुङ पनि सुरक्षागार्डका साथ आएका थिए । निर्देशक मिलन चाम्सले नेपाली कलाकारलाई सम्मान दिन सुरक्षागार्डसहित कार्यक्रममा उपस्थित गराएको बताए ।
प्रदीपले फिल्मको स्क्रिप्ट र काम गर्ने टिम राम्रो लागेकाले ‘लिली बिली’मा अनुबन्धित भएको बताए । ‘यो फिल्मबाट मैले ‘प्रेमगीत’ र ‘प्रेमगीत २’ मा बनाएको छविभन्दा राम्रो छवि बनाउनेछु,’ उनले भने, ‘मलाई कलाकारको ग्रेडिङ र उसले लिने पारिश्रमिकको रेटिङमा बस्नुभन्दा पनि दर्शकको मनमा बस्नुछ । त्यसमा म अवश्यै सफल हुनेछु ।’
फिल्मकी नवनायिकाद्वय जसिता र रेबिकाले फिल्ममा काम गर्न पाउँदा खुसी लागेको बताए । निर्देशक चाम्सले प्रेमकथा ‘कमेडी फ्लेबर’ रहेको बताए । ‘हामी इंग्ल्याण्ड र स्कटल्यान्डमा फिल्म सुट गर्नेछौं । त्यसकारणले पनि दर्शकलाई ती लोकेशन भर्जिन लाग्नेछन्,’ मिलनले भने, ‘मैले यसअघि बनाएका फिल्ममा प्रेमकथा रहे पनि यो फिल्ममा ती कथाभन्दा फरक किसिमको प्रेम हुनेछ ।’
चाम्सको यो छैटौं फिल्म हो । चाम्सका ‘हँसिया’ र ‘वीरबिक्रम’ रिलिज भइसकेका छन् भने ‘ह्याप्पी डेज’, ‘ब्लाइन्ड रक्स’ र ‘बब्बी’ प्रदर्शनका लागि तयार छन् ।
काफिया फिल्मस्, सुदिप खड्का प्रोडक्सन र चाम्स इन्टरटेनमेन्टको व्यानरमा बन्ने फिल्ममा गोविन्द शाही र सुदीप खड्काको लगानी रहनेछ । गोविन्द र सुदीपले फिल्मले युवापुस्ताको प्रेमलाई प्रतिनिधित्व गर्ने बताए । फिल्ममा अनुपविक्रम शाही र हलिउडकी कलाकार जेनी इको पनि अभिनय रहनेछ । फिल्ममा प्रदीप भारद्वाजको पटकथा र कविराज गहतराजको कोरियोग्राफी रहनेछ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...