अदालत सेटिङमा चल्न थाल्यो : ओली

बुधबार, ०४ असोज २०७४, १६ : ३५ रमेशकुमार पौडेल


गैंडाकोट- डेढ वर्षअघि सर्वोच्च अदालतमा न्यायाधीस नियुक्त भएका ११ जनाविरुद्ध सर्वोच्चमा मुद्दा परेको भन्दै नेकपा (एमाले)का अध्यक्ष तथा पूर्व प्रधामन्त्री केपी शर्मा ओली अदालतको भूमिकाप्रति आक्रोशित भएका छन्। बुधबार नवलपुरको गैंडाकोटमा आयोजित पार्टीको आमसभामा बोल्दै अध्यक्ष ओलीले अदालत सेटिङमा चल्न थालेको भन्दै सच्चिन आग्रह गरे।

‘११-११ जना न्यायाधीसविरुद्ध कसैले ल्याएर आएको मुद्दा कुनै कर्मचारीले दर्ता गरेको छ। यो ठूलो षडयन्त्र र तारतम्य हो। अचेल सेटिङ चल्न थालेको छ। यो सेटिङभित्रको कुरा हो,’ पुर्व प्रधानमन्त्री ओलीले अगाडी भने, ‘नेकपा (एमाले)ले यी कुराहरु हेरिरहेको छ। अदालतको एउटा छेउमा बसेर अदालतको कर्मचारी वा कसैले अदालतकै मर्यादा र गरिमाविरुद्ध गरेको यस्तो काम कारबाहीको एमालेले खबरदारी गर्छ।’ 

उनले अदालत पञ्च भेलामा रुपान्तरण हुन थालेको टिप्पणी गरे। ‘एउटा प्रहरीको डिआइजीमाथि भएको अन्याय ठीक हो छ भन्छ। आफूले हार्ने भएपछि गणनाका बेलामा मतपत्र च्यातेको काम पनि ठीक हो फेरि चुनाव गराउनुपर्छ भन्छ। उहिले उहिले गाउँ घरमा पञ्च भन्नेहरु चौतारोमा बसेर भलाद्मी हो भन्दै कहिले काही यस्ता निर्णयहरु गर्दथे। अहिले पनि त्यस्तै हुन थालेको छ,’ ओलीको भनाइ थियो। 

उनले लोकतन्त्रमा न्यायालयले सशक्त भूमिका खेल्नसकेन भन्ने गुनासो गरे। ‘सार्वभौमसत्ता जनतामा आएको र शक्ति पृथकीकरणको सिद्धान्त संविधानले व्यवस्था गरेको मुलुकमा न्यायालय स्वतन्त्र हुन्छ। हामी चाहन्छौं न्यायालयले त्यस अनुसारको भूमिका खेलोस्,’ ओलीले आग्रह गरे। लोकतन्त्र बलियो हुनाका लागि न्यायापालिका स्वतन्त्र र सशक्त हुनुपर्छ भन्दै उनले कार्यकारीको छायामा परेको न्यायालयले लोकतन्त्रको मर्यादा जोगाउन नसक्ने बताए। 

‘मलाई अन्याय पर्यो भनेर मान्छे अदालत जान्छ तर कठैबरी नेपालको अदालत इन्साफ दिन चुक्दै छ,’ ओलीले भने। अदालतले स्वतन्त्र न्यायापालिकाको गरिमा कायम राख्न सकोस भन्दै उनले थपे, ‘अहिले दशैं आउन लागेको छ दुर्गा भवानीले अदालतको स्वतन्त्रता र स्वाभिमानको रक्षा गरुन्। श्रीमान जीहरुलाई पनि त्यसको हेक्का कमसेकम दिमाग हाल्दिउन। अदालत अदालत जस्तो होस यही हो हाम्रो चाहना।’






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...