फास्ट ट्र्याकमा ९९ वटा पुल, १.३५ किलोमिटर सुरुङ

बिहिबार, ०५ असोज २०७४, १२ : २९ प्रकाश तिमल्सिना  | @prakashujyalo


काठमाडौं- नेपाली सेनाले निर्माण गर्न लागेको राष्ट्रिय गौरवको आयोजना काठमाडौं–तराई मधेस द्रुतमार्गमा ९९ सय वटा पुल बनाइने भएको छ ।

द्रुतमार्गका कुल ७६.२ किलोमिटरमध्ये पुल ९.६ किलोमिटर र सुरुङ १.३५ किलोमिटर रहने सेनाले जनाएको छ । सेनाले व्यवस्थापिका संसद्को विकास समितिसमक्ष सो जानकारी गराएको हो । सरकारले गत वैशाख २१ गते सेनालाई उक्त मार्ग बनाउने दिने निर्णय गरेपछि सेनाले लगत्तै काम थालेको थियो ।
सेनाका इन्जिनियरिङ विभागका प्राविधिक उपरथी योगेन्द्रबहादुर खाँडका अनुसार पाँच ठाउँमा शिविर स्थापना गरेर फास्ट ट्र्याक निर्माण गर्न थालिएको बताए । ‘तत्कालका लागि पाँच स्थानमा शिविर खडा गरेर काम सुरु गरिसकेको छौं । त्यसका लागि एक सय ७३ वटा उपकरण प्रयोगमा ल्याइएको छ,’ खाँडले समिति बैठकमा भने, ‘सातवटा पुल ठूला हुनेछन् ।’ उनका अनुसार गंगटेदेखि रातमाटेसम्म १.३५ किलोमिटरको सुरुङ बनाइनेछ ।
सेनाले मख्खुबेसी, कुलेखानी, लेनडाँडा, बुदुने, वागदेव (निजगढ) गरी पाँच ठाउँमा शिविर खडा गरेको छ । सडक निर्माणका लागि ‘कन्सल्ट्यान्ट’ नियुक्ति र ठूला पुल निर्माणका लागि प्रावधिक छनोट प्रक्रिया सुरु भइसकेको नेपाली सेनाले जनाएको छ ।
रक्षामन्त्री भीमसेनदास प्रधानले छनोट प्रक्रियामा सकेसम्म नेपाली प्राविधिकलाई प्राथमिकता दिन निर्देशन दिएका छन् । ‘विदेशमा पनि उत्कृष्ट कार्यसम्पादन गरिसकेका नेपाली प्रावधिक देखिएका छन् ।  उनीहरूलाई स्वदेश भिœयाएर प्राविधिक सल्लाह लिन सकिन्छ, यसमा बढी जोड गर्नुहोस्,’ मन्त्री प्रधानले भने ।
ललितपुरको खोकनादेखि बाराको निजगढस्थित महेन्द्र राजमार्गसम्म दु्रतमार्गको कुल लम्बाइ ७६.२ किलोमिटर रहनेछ ।  काठमाडौंमा चार किलोमिटर, ललितपुरमा ७.९ किलोमिटर, मकवानपुरमा ५६.७ किलोमिटर र बारामा ७.६ किलोमिटर रहनेछ । मैदानी भूभागमा २५ मिटर र पहाडी इलाकामा २३ मिटर चौडाइ रहनेछ । दु्रतमार्ग चार वर्षमा निर्माण सम्पन्न हुने लक्ष्य छ ।
सेनाले योजना अवधिभर १० वटा शिविर निर्माण गरेर काम सक्ने सेनाको योजना छ । चालु आर्थिक वर्षमा मुआब्जा वितरण, आवश्यक थप उपकरण, औजार र बन्दोबस्तीका सामग्री उपलब्ध गराइनेछ । यसका लागि एक अर्ब ३५ करोड विनियोजन गरिएको छ ।
काठमाडौंका छैमले, सोखेल, फर्पिङ, भीमसेनस्थानको मुआब्जा वितरण गरिएको तथा चोभार र भूतखेलको बाँकी रहेको छ । यसैगरी ललितपुरको घुसेलमा शतप्रतिशत, सैंबुमा ३५.५ प्रतिशत, खोकनामा १५.७ प्रतिशत, बुङ्मतीमा १९.९ प्रतिशत र डुकुछापमा ४८.३ प्रतिशत मुआब्जा वितरण गरिएको छ ।
मकवानपुरका नम्बरी जग्गाको ९० प्रतिशत मुआब्जा वितरण गरिएको र ऐलानी तथा घरगोठको मुआब्जा निर्धारण गर्न बाँकी रहेको सेनाले जनाएको छ ।
विकास समितिका सभापति रवीन्द्र अधिकारीले द्रुतमार्ग निर्माणका लागि कार्यतालिकासहितको कार्ययोजना १५ दिनभित्र पेस गर्न सेनालाई निर्देशन दिएका छन् । ‘कुल रकम कति लाग्ने, कहाँकहाँ कुनकुन शीर्षकमा खर्च हुने र कसरी काम गर्ने भन्ने बारेमा बुदाँगत रूपमा पेस गर्न निर्देशन दिन्छौं,’ अधिकारीले भने ।
कुल एक हजार ९७ किलोमिटर सडक बनाएको नेपाली सेनासँग ३४ वटा पुल निर्माण गरेको अनुभव छ । यस्तै सेनाले हाल ६ सय एक किलोमिटर सडक निर्माणको जिम्मा लिएको छ । अग्ला पुल बनाएको अनुभव सेनासँग नभएको भन्दै समितिका सांसदहरूले चिन्ता व्यक्त गरेका छन् ।
भौतिक योजना तथा यातायातमन्त्री वीरबहादुर बलायरले काम गर्दै जाँदा सेनाले अनुभव हासिल गर्दै जाने बताएका छन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...

दुलही बन्दै एमी

दुलही बन्दै एमी

क्रिकेटर बिराट कोहली र अभिनेत्री अनुष्का शर्माको विवाह सन् २०१७को सबैभन्दा चर्चित विवाह रह्यो । यो साल भने सोनम कपुर...

खानासँगै संगीतको स्वाद

खानासँगै संगीतको स्वाद

पछिल्लो समयमा युवापुस्तामाझ रुचाइएका गायक रोहित जोन क्षेत्री शनिबार राजधानीमा युवापुस्तामाझ देखिँदा हुटिङ र ताली राम्रै पाए । उनी युवा...