प्रहरीको संरक्षणमा जुवातास

मङ्गलबार, १० असोज २०७४, १५ : १३ दिलबहादुर छत्याल


धनगढी- दसैंको मुखमा कैलालीको धनगढी, अत्तरिया, वलिया, चिसापानी लगायत बिभिन्न ठाउँमा प्रहरीको संरक्षणमा जुवातास खेलाइएको खुलासा भएको छ।

प्रहरीले प्रत्येक जुवाघरबाट लाखौ रकम लिएर खेल्न छुट दिएको खुलासा भएको हो। दसैंको चहलपहल सँगै लाखौंका जुवा लाख चल्न थालेका छन्। जुवातास खेलाइने एक ठाउँवाट प्रहरीले १ लाख देखि ४ लाख रुपैयाँ सम्म लिएको छ। प्रहरीले जुवातासवाट मात्र २०, ३० लाख रुपैयाँ भन्दा बढी संकलन गर्ने गरेको श्रोतले बताएको छ । बाह्यै महिना जुवातास हुने बलियाको एक होटलवाट दसैंमा जुवा खेल्न छुट दिन जिल्ला प्रहरी कार्यालयका प्रहरी प्रमुखले १ लाख र क्षेत्रीय प्रहरी कार्यालयका प्रमुखले डेढ लाख रकम लिएको प्रहरी श्रोतले बताएको छ। ‘एसपी र एआईजीका घुमुवा प्रहरीले चार दिन अघि उक्त रकम लिएर आएका हुन’ स्रोतले भन्यो। यसैगरी धनगढीको हसनपुरमा बाह्रै महिना जुवातास हुने जुवाघरवाट जिल्लाका प्रहरी प्रमुख र क्षेत्रीय प्रमुखलाई १ , १ लाखका दरले दसैंमा जुवातास खेलाउन पैसा दिएको छ। ‘धनगढीका २ जुवाअड्डावाट प्रहरीले २, २ लाख लगेको छ,’स्थानीय एक युवकले भने। कैलालीको अत्तरियामा पनि एक समूहले ठूलो जुवा खेलाउने गरेको छ। बिभिन्न स्थान बदलेर यहाँ जुवा खेलाउने गरिएको छ । जंगलमा समेत लगेर जुवा खेलाइने गरेको बुझिएको छ । यसैगरी चिसापानीको एक होटलमा पनि प्रहरीलाई लाखौं रुपैयाँ दिएर जुवा खेलाउन शुरु भएको एक प्रहरीले बताए । कैलालीका बिभिन्न ठाउँमा गरेर १ दर्जन भन्दा बढी स्थानमा जुवा हुने गरेको छ । प्रहरीले यी सवै ठाउँवाट लाखौं रकम लिने गरेको छ। प्रहरीको स्थानीय इकाई, जिल्ला प्रहरी कार्यालय र क्षेत्रिय प्रहरी कार्यालय तीन ठाउँमा जुवा खेलाउनेले पैसा बुझाउने गरेका छन।

‘कैलालीमा बिभिन्न ठाउँमा प्रहरीलाई लाखौं रुपैयाँ बुझाएर दशैका लागी लाखौंको जुवाको खेल शुरु भएको छ’उनले भने । प्रहरीले जुवातासमा कडा गरेको देखाउन दसैंमा रमाइलो गरीरहेकालाई समातेर मुद्दा चलाउने गरेको र करोडौंको जुवा खेल्न दिने गरेको स्थानीय बताउँछन।

 ‘सर्वसधारणले दसैं र तिहारमा रमाइलो गर्न कुनै ठाउँमा जुवा खेलेमा प्रहरीले समातेर सार्वजनिक मुद्दा लगाउँछ,' स्थानीय प्रमोद पाठक भन्छन,‘तर लाख, करोडौंका जुवा निर्वाद रुपमा खेलाउन दिन्छन।’ प्रहरीलाई मोटो रकम दिएर जुवातास खेल भइरहेको अनुसन्धान प्रहरीका एक पूर्व उच्च अधिकारीले बताए। ‘प्रहरीले दसैंमा ३५ लाख जती जुवातासबाट कैलालीमा उठाएको छ’उनले भने,‘जुवा खेलाउने व्यक्तीले खेलाउँदैन भनेपनि प्रहरीले खेलाउन दवाब दिने गर्छ यहाँ।’

'धेरैलाई घरवार बिहिन बनाएर जुवाको पैसाले प्रहरीका हाकिम र केही व्यक्ती मोटाउने गरेका छन्’ स्थानीय बुद्धीजिवी तीर्थ पाण्डेय भन्छन्। जुवा खेलाउनेहरुले पैसा दिएर चुन्द्रमुन्द्रे पाल्ने समेत गरेका छन्। कैलाली जिल्ला प्रहरी कार्यालयका प्रहरी प्रमुख जनकराज पाण्डेयले आफु हिजो मात्र जिल्लाको प्रमुखको जिम्मेवारी सम्हालेको र कुनै जुवाघरवाट प्रहरीले पैसा लिएको जानकारी नभएको बताए। जिल्लाका बिभिन्न ठाउँमा भइरहेका जुवातास बन्द गराउने उनको भनाई छ । प्रदेश नम्वर ७ का प्रहरी प्रमुख प्रहरी अतिरिक्त महानिरिक्षक बिजय भट्टले जुवा अड्डावाट पैसा प्रहरीले उठाएको जानकारी नभएको बताए ।‘कसैले पैसा उठाएको भए, नाम पाउँ म कारवाही गर्छु’उनले भने । जिल्ला, अंचल, प्रदेश प्रहरी प्रमुखले छुट्टाछुट्टै व्यक्तीगत घुमुवा राखेका छन् । यी घुमुवाहरुले नै विभिन्न ठाउँवाट पैसा असुल गरेर ल्याउने गरेको श्रोतले बताएको छ।

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...