डाक्टर अान्दोलन असर : बाजुराका बेखर्ची सबल दमाई छट्पटिँदै

मङ्गलबार, १० असोज २०७४, १९ : २६ रमेशकुमार पौडेल


चितवन—सबल दमाई बाजुराको जगन्नाथ, हुनी घर भएका ४० वर्षीय विपन्न व्यक्ति हुन्। उनी पाँच दिनयता चितवनको भरतपुर क्यान्सर अस्पताल हातामा यता उता ओहर दोहर गर्दै दिन बिताएका हुन् । साढे तीन वर्षको छोरा नोकेन्द्रलाई क्यान्सर भएको छ । उपचारका लागि जुन दिन अस्पताल छिरे त्यही दिनदेखि चिकित्सकले बिरामी हेर्न बन्द गरे । सरकार विरुद्ध चिकित्सकले गरेको आन्दोलनले उनलाई पिडामाथि पिडा थप्यो ।

‘डाक्टरहरुले हरिताल (हड्ताल) गरेका रहेछन् । छोरो भित्र बिछ्यौनामा लडेको लड्यै छ । कुन दिन हेर्ने हुन्, केही थाहा भएन’ सबलले भने । बाजुराको विकट गाउँबाट आएका उनीसँग खल्तीमा भएको थोरै पैसा सकिँदै छ । उनको नाजुक अवस्था देखेर अस्पतालकै केहीले सर सहयोग पनि गर्न थालि सके । तर छोराको उपचार सुरु नहुँदा उनी निकै छटपटिएका छन् ।

‘अब म अहिले यत्तिकै दशैं मान्न घर गए भने फेरि आउन समस्या छ । आउला नआउला थाहा छैन । त्यसैले कुरेरै उपचार गराउँ भनेर बस्न खोजेको छु’ उनले भने ।

‘बाजुराबाट नेपालगञ्ज ल्याए । त्यहाँबाट काठमाडौं लगे । काठमाडौंमा पहिले कान्ति वाल अस्पताल र त्यसपछि बीरमा लगे । बीरमा टाउँकोमा ट्युमर पलाएको छ क्यान्सर भएको छ भन्यो । बीर अस्पतालमै अप्रेशन (शल्यक्रिया) भयो । त्यसपछि यहाँ आएको हो’ सबवलले भने । रेडियोथेरापी दिन वीर अस्पतालले उनलाई भरतपुर क्यान्सर अस्पताल पठाएको हो । 

अहिले उनको छोरा अस्पतालको अब्जरभेसन बार्डमा छन् । सिकिस्त भएको बिरामीलाई केही समयका लागि मात्रै सो बार्डमा राख्ने हो । ‘तर डाक्टरलाई देखाउनै पाइएन । बाहिर होटलमा लगेर राखौं खर्च छैन । टिो बाहिर जाउ नभनेका हैनन् तर म पाँच दिनदेखि यही छु’ सवलले भने । छोराको टाउको चिरेर सिलाएको डोब अझै प्रष्ट देखिन्छ । छोराले टाउको राम्रोसँग उठाउन सक्दैनन् । त्यसैले सुति रहने छोरा कुर्दै बसेका छन् उनी।

‘नेपालगञ्जका दुई र काठमाडौंका दुई अस्पतालमा उपचार गर्दा मेरो डेढ लाख रुपैयाँ खर्च भयो। अहिले त गोजीमा खाना खाने पैसासमेत सकिन लाग्यो । तर छोराले डाक्टर देख्नै पाएन’ सबलले भने । आफ्नो साथमा पैसा नभएको गुनासो गरेपछि अस्पतालका नर्सहरुले उठाएर १५ सय रुपैयाँ दिएको उनले बताए । मागेरै खाना खानु पर्ने अवस्थामा छोरोको उपचार सुरु नहुँदा उनी निकै दुखित छन्।

‘डाक्टरले मेरो बिरामी छोरालाई कहिले हेर्ने हुन् ? हेरेपछि दुबाई (औषधि) पानीले ठिक हुने हो वा होइन । दुबाई किन्न पनि पैसा नै लाग्ने होला । के कति लाग्ने हो’ सबलले पिडा पोखे । दशैंको दिन नजिकै आउँदा उनी घरदेखि पर बिरामी छोरोसँग छन् । घरको सम्झना आउँदा मन पोल्छ, आडमा रहेको छोरो हेर्दा पिडा हुन्छ र उपचार सुरु नभएका कारण रुनै मन लाउँछ भन्छन उनी।

घर जान नेपालगञ्जबाट जहाज चढे १० हजार रुपैयाँ खर्च हुन्छ भन्छन् । खर्च जोगाउन जहाज नचढेर बसमा गए दुई दिन हिँड्नु पर्छ भन्छन् । ‘अब म अहिले यत्तिकै दशैं मान्न घर गए भने फेरि आउन समस्या छ । आउला नआउला थाहा छैन । त्यसैले कुरेरै उपचार गराउँ भनेर बस्न खोजेको छु’ उनले भने ।

सामान्य खेती किसानी गरेर गुजारा गरेका सबलले दशैंको बेलामा कपडा सिलाउने काम पनि पाउँथे। तर छोरा बिरामी भएपछि उनी पाँच महिनादेखि घर छाडेर नेपालगञ्ज र काठमाडौंमा हिँड्नु प¥यो । ‘अब त घरमा तेल भुटुन किन्ने पैसा पनि छैन होला। त्यसैले मागेरै भए पनि छोराको उपचार गर्छु भनेर बस्या छु । हेरौं उपचार गराएर ठिक भएको छोरो घर लान्छु कि लाश लान्छु’ सबलले आँशु झार्दै भने। 

 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...