महंगो फिल्ममा दिशा

बुधबार, ११ असोज २०७४, ०९ : ३८ नागरिक


मुम्बई, असोज १० (एजेन्सी)– भारतमा विशेषतः तमिल भाषामा महंगो बजेटमा फिल्म बनाउने एक किसिमको प्रतिस्पर्धा नै चल्छ । यस्तो प्रतिस्पर्धात्मक फिल्ममा कसले अभिनय गर्लान् भन्ने चर्चा पनि उत्तिकै हुन्छ । केही समय अघि तमिल ऐतिहासिक फिल्म ‘संघमित्रा’का लागि कमल हसन पुत्री श्रुति फाइनल भएको खबर सार्वजनिक भएको थियो । तर अहिले श्रुतिको स्थानमा अभिनेत्री दिशा पटानी अनुबन्धित भएकी छन् ।
भारतीय सञ्चारमाध्यमका अनुसार फिल्मका लागि दिशाले निर्माण कम्पनीसँग सम्झौता पत्रमा हस्ताक्षर गरिसकेकी छन् । फिल्म निर्माण कम्पनीले यो विषयमा केही नबताए पनि निर्माताले भने चाँडै पत्रकारमाझ यो समाचार सार्वजनिक गर्ने बताएका छन् । फिल्मको निर्देशन सुन्दर सीले गर्नेछन् भने निर्माण श्री थेनान्डल फिल्म्स् कम्पनीले गर्नेछ । फिल्म तेलुगू र हिन्दी भाषामा बन्नेछ ।
निर्देशक सुन्दरका अनुसार हिन्दी संस्करणमा छुट्टै कलाकार हुनेछन् । ‘हिन्दी भर्सनमा अन्य कलाकार राखिने भएपछि त्यसमा को को हुनेछन् भन्ने अहिलेसम्म फाइनल भइसकेको छैन । यसको प्रक्रियामा समय लाग्नेछ,’ उनले भने ।
झण्डै १ सय ५० करोडको लगानीमा बन्ने फिल्ममा जयम रवि र आर्याको पनि अभिनय रहनेछ । फिल्ममा ए.आर. रहमानले संगीत भर्नेछन् । ‘यो एक निकै महत्वकांक्षी फिल्म हो । ६ महिना पहिला जब मैले फिल्मको बारेमा केबल ३० मिनेट मात्र कुरा सुने । त्यो सुनाई नै फिल्ममा आबद्ध हुनका लागि मेरा लागि अवसर थियो,’ उनले भनेका छन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...

नेपाल भारतका कला ‘एकै छाँया’मुनी

नेपाल भारतका कला ‘एकै छाँया’मुनी

फाइन आर्टमै पिएचडी गरेकी भारतकी कलाकार डा.सरोज रानीको कला यसबेला नेपाल कला परिषदमा प्रदर्शन भइरहेको छ । सोमबारदेखि सुरु भएको...

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...