७०० भन्दा बढी टावरबाट एनसेलको फोरजी

बिहिबार, १९ असोज २०७४, ११ : २९ नागरिक


काठमाडौं- निजी क्षेत्रको मोबाइल सेवा प्रदायक एनसेलले सात सयभन्दा बढी टावर जडान गरी आधुनिक चौथो पुस्ताको मोबाइल इन्टरनेट सेवा (फोरजी) प्रदान गरेको छ । कम्पनीको प्रमुख लगानीकर्ता मलेसियन कम्पनी आजियाटाले सार्वजनिक गरेको सन् २०१७ को दोस्रो त्रैमासिकको वित्तीय विवरण अनुसार एनसेलले गत जुन (असारको मध्य) सम्ममा ६ सय ९९ वटा फोरजी टावर जडान गरिसकेको छ ।
बिटिएस टावर मोबाइल नेटवर्क विस्तारको लागि प्रमुख पूर्वाधार हो । मोबाइल टावरले ग्राहकलाई सञ्चार सेवा प्रदान गर्न उनीहरुको मोबाइललाई फ्रिक्वेन्सीका माध्यमबाट सेवा प्रदायकको नेटवर्कसँग जोड्ने काम गर्छ । टावर निर्माण तथा जडानमा हुने खर्च सेवा प्रदायकहरुको प्रमुख पुँजीगत खर्च तथा लगानीका रुपमा लिइन्छ ।
फोरजी सेवा सञ्चालनमा आएपछि बढेको इन्टरनेट प्रयोगले डाटा खपतमा उल्लेख्य रुपमा वृद्घि भएको पनि उक्त प्रतिवेदनमा उल्लेख छ । दोस्रो त्रैमासमा एनसेलको डाटा खपत ६८ लाख जिबी पुगेको छ । गत वर्षको दोस्रो त्रैमासमा एनसेलको कुल डाटा खपत २७ लाख जिबी थियो ।
प्रतिवेदन अनुसार जेठ १८ बाट सञ्चालनमा ल्याइएको फोरजी सेवा र विभिन्न अफरले गर्दा पहिलो त्रैमासको तुलनामा डाटा आय ११.५ प्रतिशतले वृद्घि भएको कम्पनीले जनाएको छ । यसले एनसेलको आय ३.९ प्रतिशतले बढाएको छ । दोस्रो चौमासमा एनसेलको खुद नाफा ३५ प्रतिशतले बढेको जनाएको छ ।
दोस्रो त्रैमासमा कम्पनीको कुल आय १४.४७ अर्ब रहेकोमा डाटा योगदान १८ प्रतिशत रहेको प्रतिवेदनमा उल्लेख छ । एनसेलको तथ्यांक अनुसार कुल एक करोड ५६ लाख ग्राहक रहेकोमा ४४.४ प्रतिशत ग्राहकले डाटा सेवा लिएका छन् ।
डाटाको ग्राहक संख्यामा भएको वृद्घि, तुलनात्मक रुपमा सस्तिएको डाटा शुल्क, स्मार्टफोनको प्रगोगमा वृद्घि लगायत कारणले पनि नेपालमा डाटा खपत बढ्दो क्रममा छ । प्रतिवेदन अनुसार एनसेलका डाटा ग्राहकले प्रतिमहिना औसत तीन सय ४१ एमबी डाटा प्रयोग गरेका छन् । गत वर्ष सोही अवधिमा प्रतिमहिना औसत डाटा उपयोग प्रतिग्राहक एक सय ६० एमबी थियो ।
पछिल्लो समय फोरजी सेवाको विस्तारसँगै एनसेलले डाटाको शुल्क घटाउदै नयाँ प्याकहरू ल्याएको छ । यस अन्र्तगत ग्राहकले कुनै पनि डाटा प्याक सुचारु गर्दा जति भोल्युमको प्याक खरिद गरेको हो त्यत्ति नै भोल्युम बराबर फोरजी डाटा बोनस स्वरुप प्राप्त गर्न सक्छन् र कर सहित न्यूनतम दुई पैसा प्रतिएमबी सम्ममा डाटा सेवाको मज्जा लिन सक्छन् ।
एनसेलले जेठ १८ देखि फोरजी सेवा सञ्चालनमा ल्याएको थियो । पहिलो चरणमा काठमाडौं उपत्यका (नगरकोट सहित), बनेपा र धुलिखेलमा फोरजी सेवा सञ्चालनमा ल्याएको थियो । त्यसपछि सेवा विस्तार गर्दै हाल पूर्वदेखि पश्चिमसम्म देशका विभिन्न १९ सहरमा फोरजी सेवा उपलब्ध गराउँदै आएको छ । सन् २०१८ को अन्त्यसम्ममा ४० सहरमा यो सेवा पु¥याउने लक्ष्य रहेको बताएको छ ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...