उम्मेद्वार छान्दै सिन्धुका दल

बिहिबार, १९ असोज २०७४, १६ : ०६ ध्रुव दंगाल


सिन्धुपाल्चोक – दशैँ अवधिभर चुनाव केन्द्रीत छलफल र बैठकमा व्यस्त सिन्धुपाल्चोकमा क्रियाशील राजनीतिक दलहरूले आशन्न प्रतिनिधिसभा र प्रदेशसभा निर्वाचनका लागि धमाधम उम्मेद्वार छनोट र सिफारिस गर्न थालेका छन्। 

जिल्लामा सक्रिय तीन ठूला राजनीतिक दल कांग्रेस, एमाले र माओवादी केन्द्रले दुबै तहका प्रत्यक्ष र समानुपातिक उम्मेदवार छनोट र सिफारिस गर्न थालेसँगै राजनीतिक सरगर्मी बढ्दो छ । केन्द्रमा बामपन्थी र प्रजातन्त्रिक शक्तिबीच ध्रुविकरण प्रयास भइरहँदा जिल्लाका प्रमुख दलका नेतामा द्विविधा र अन्योल सिर्जना गरे पनि स्थानीय राजनीति भने थप रोमाञ्चक बनिरहेको छ । स्थानीय तह निर्वाचनको पारो सेलाउन नपाउँदै संघारमै आइपुगेको केन्द्र र प्रदेशसभाको निर्वाचनले जिल्लाको राजनीतिक ह्वात्तै तातिन पुगेको छ। 

दुबै निर्वाचनमा चुनावी तालमेल गर्दै त्यसपछि एउटै कम्युनिष्ट पार्टी बनाउने घोषणा गरेकामध्ये माओवादी केन्द्रले सबैभन्दा पहिला उम्मेदवार छनोट गर्दै केन्द्रमा सिफारिससमेत पठाइसकेको छ । अर्को कम्युनिष्ट शक्ति एमाले उम्मेदवार छनोटको अन्तिम तयारीमा जुटेको छ । दशैँ अवधिभर उम्मेद्वार छान्न बैठक, भेला र छलफल गरेको कांग्रेसले सम्भावित उम्मेदवारको नाम सिफारिस गरिसकेको छ। 

माओवादी केन्द्रले प्रत्यक्षतर्फ प्रतिनिधिसभा निर्वाचन क्षेत्र नं. १ का लागि स्थायी समिति सदस्य अग्निप्रसाद सापकोटा, युवा नेता सरल सहयात्री पौडेल र पूर्वसभासद् राजकुमार पौडेललको नाम सिफारिस गरेको छ । उसले प्रतिनिधिसभा निर्वाचन क्षेत्र नं. २ बाट पूर्वसभासद् दावा तामाङको एकल नाम सिफारिस गरेको छ । केन्द्रीय निर्वाचनतर्फ समानुपातिक उम्मेदवारका लागि झम्क बराइली र बलराम बिकको नाम सिफारिस गरिएको केन्द्रका जिल्ला नेता युवराज दुलालले बताए। 

माओवादी केन्द्रले प्रदेशतर्फ प्रत्यक्षमा प्रतिनिधिसभा निर्वाचन क्षेत्र नं. १, प्रदेशसभा १ बाट लालकान्छा तामाङ र २ बाट माधव सापकोटाको नाम सिफारिस गरेको छ । त्यस्तै प्रतिनिधिसभा निर्वाचन क्षेत्र नं. २, प्रदेश सभा १ का लागि युवराज दुलाल र २ का लागि चन्द्रबहादुर थापाको एकल नाम सिफारिस गरेको छ । उसले नेत्र दंगाल, अमृता थापा, रोहिणी बिक, चन्द्र धिमालकोटी, श्यामकृष्ण श्रेष्ठ, श्यामसुन्दर श्रेष्ठ, लम्लम शेर्पा र उत्तम आलेलाई प्रदेशसभा समानुपाति उम्मेदवार सिफारिस गरेको छ। 

कांग्रेसले गाउँ र क्षेत्रीय समितिबाट आएका नाममा अझै थप गर्दै केन्द्रमा जम्बो उम्मेद्वारको सूची पठाएको छ । उसले प्रत्यक्षतर्फ प्रतिनिधिसभा निर्वाचन क्षेत्र नं. १ बाट सूचना तथा सञ्चारमन्त्री तथा केन्द्रीय सदस्य मोहनबहादुर बस्नेत र सोनामकुमार योञ्जन लामाको नाम सिफारिस गरेको छ । २ बाट भने पार्टी सभापति विकास लामा, तारानाथ दाहाल र आइतमान तामाङ सिफारिसमा परेका छन्। 

प्रदेशमा प्रत्यक्षतर्फ प्रतिनिधिसभा निर्वाचन क्षेत्र नं. १, प्रदेशसभा १ बाट विष्णुबहादुर खत्री, भूपेन्द्रबहादुर थापा, बालकृष्ण बस्नेत, भोला बोहरा, बलदेव तिमल्सिना र लक्ष्मी श्रेष्ठको नाम कांग्रेसले सिफारिस गरेको छ । प्रदेशसभा २ मा कृष्णप्रसाद न्यौपाने, भिष्मप्रताप भण्डारी, जंगबहादुर लामा र राजेन्द्रकुमार श्रेष्ठसहित सात जना सिफारिसमा परेका छन् । 

कांग्रेसले प्रत्यक्षतर्फ प्रतिनिधिसभा निर्वाचन क्षेत्र नं. २, प्रदेशसभा १ का लागि महासमिति सदस्य विकास तामाङ, बिलबहादुर तामाङ, यज्ञप्रसाद दंगाल र टंकबहादुर कार्कीसहित सात जना र २ का लागि पाशाङ दोङ, जिमी लामा, मधुसुदन सिग्देल, सागरकुमार श्रेष्ठ र गंगाकुमारी चापागाईसहित सातै जनाको नाम पठाएको छ। 

उसले केन्द्रका लागि समानुपातिकतर्फ हरिहरण श्रेष्ठ, भोजराज श्रेष्ठ, विनोद मोक्तान, राजेन्द्रमान ताल्चाभँडेल, कान्छा लामा, श्यामबहादुर श्रेष्ठ, चेतकुमार घोरासैनीसहित १४ जना र प्रदेशतर्फ प्रेमध्वज लामा, लीला नेपाल, विष्णुप्रसाद न्यौपाने, ज्ञानु तिमल्सिना, शिव सुनार, मिरा लामा, सुदर्शन आचार्य, इन्द्रलोचन धिताल, कर्मातोप्के लामा, हरिकुमार शर्मासहित ३७ जनाको नाम सिफारिस गरेको छ । आकांक्षी धेरै हुँदा उम्मेद्वारको सूची लामो भएको कांग्रेस प्रचार समिति संयोजक अनुप न्यौपानेले बताए। 

एमालेले बुधबार चारवटै प्रदेश समितिको बैठक राखेर प्रदेशसभाका लागि सम्भावित उम्मेदवारको प्रारम्भिक नाम संकलन गरेको थियो । क्षेत्रीय समितिको बैठकले बिहीबार प्रतिनिधिसभाका सम्भावित उम्मेदवारको नाम सिफारिस गरेको एमाले प्रचार संयोजक यज्ञ सापकोटाले बताए । ‘शुक्रबार बस्ने जिल्ला समिति बैठकले आएका नाममा छलफल गरी उम्मेद्वारको अन्तिम नाम सिफारिस र सार्वजनिक गर्छ,’ उनले भने।





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

कविशिरोमणि रचनावली प्रकाशित

कविशिरोमणि रचनावली प्रकाशित

कविशिरोमणि लेखनाथ पौड्यालका सम्पूर्ण कृतिहरूको संगालोका रुपमा कृति ‘कविशिरोमणि रचनावली’ बजारमा आएको छ । पाँच खण्डमा समेटिएको कृति कवि शिरोमणिको...

राजधानीमा थपियो नयाँ नाटक घर

राजधानीमा थपियो नयाँ नाटक घर

चिनियाँ कथाकार लु स्युनको कथामा आधारित ‘म्याड म्यान्स डायरी’को मञ्चनसँगै राजधानीमा नयाँ नाटघकर खुलेको छ। ...