खेत जोतिरहेका बेला फेला परे ‘मोस्ट वान्टेड’

शुक्रबार, २० असोज २०७४, ०८ : २६ केपी ढुंगाना  | @kpdhungana


काठमाडौं- तीन जनाको हत्या, दर्जनौं डकैती र उपत्यकामा बम पड्काएको आरोप लागेर १० वर्षदेखि फरार रहेका सशस्त्र भूमिगत समूहका सदस्य प्रकाशसिंह ठकुन्ना पक्राउ परेका छन् ।
दर्जनौं अपराधमा संलग्न रहेको आरोपमा प्रहरीले १० वर्षदेखि खोजी गरिरहेका उनी बिहीबार महेन्द्रनगरको तिलाचौरमा ट्याक्टरले खेत जोतिरहेको अवस्थामा फेला परेका हुन् ।

हत्या, बलात्कार, डकैती र विस्फोटको घटनामा पक्राउ परे पनि प्रहरीको सेटिङमा भागेका मोस्ट वान्टेड अभियुक्त १० वर्षपछि महेन्द्रनगरमा खेतमा भेटिए ।

ठकुन्ना राष्ट्रिय विभूति सेना नामक सशस्त्र भूमिगत समूह गठन गरी उपत्यकाका तीन जनाको हत्या गरेको, १ करोड ७ लाख डकैती भएको ११ वटा शृंखलाबद्ध डकैतीमा संलग्न भएको र भोटाहिटीमा बम विस्फोट गराएको आरोपमा प्रहरीको मोस्ट वान्टेड सूचीमा थिए ।
१० वर्षअगाडि पक्राउ परे पनि प्रहरीसँग सेटिङ मिलाएर भागेका उनलाई खोज्न प्रहरीको विभिन्न निकाय खटिएको थियो । उनलाई बिहीबार खेत जोत्दाजोत्दै पक्राउ गरेर महानगरीय प्रहरी अपराध महाशाखाले शुक्रबार काठमाडौं ल्याएको छ ।
महाशाखाका प्रमुख एसएसपी दिवेश लोहनी हत्या र सशस्त्र गतिविधिको आरोपमा ठकुन्ना फरार रहेको सूचनाको आधारमा पक्राउ गरी उनको आपराधिक पृष्ठभूमिबारे अनुसन्धान सुरु भएको बताए ।
लोहनीका अनुसार ठकुन्नाको नाममा उपत्यकाका विभिन्न प्रहरी कार्यालयमा रहेका हत्या, विस्फोट र डकैतीको आरोपसँग सम्बन्धित मिसिल मगाएर अध्ययन थालिएको जानकारी दिए ।
प्रहरी रेकर्डअनुसार हत्या, डकैती, र विस्फोट अभियोगमा २०६४ असार २१ मा महानगरीय प्रहरी वृत्त बौद्धले उनलाई पक्राउ गरेको थियो । प्रहरीसँगको मिलेमतोमा उनी हिरासतकक्षबाट मध्यरातमै भागेका थिए ।
ठकुन्नाले बयानमा आफूलाई बौद्धको हिरासत हेर्ने प्रहरीले बेलुका २ बजेतिर हिरासतकक्षको ढोका खोलेर भगाएको दाबी गरेका छन् ।
पूर्वजवानदेखि सशस्त्र समूहसम्म
ठकुन्ना नेपाली सेनाका पूर्वजवान हुन् । जवानका रूपमा सेनाको उच्च अधिकारीको घरमा सहयोगीका रूपमा कार्यरत रहँदा घर नजिकैको खाजाघरकी युवतीलाई बलात्कार गरेको आरोपमा उनी सेवाबाट बर्खास्त भएका थिए ।
जागिर खोसिएपछि उनले सेनाका अर्का जवान कैलाशबहादुर सिंहसँग मिलेर काठमाडौं र तराईमा दर्जनौं आपराधिक घटना गराएको प्रहरी रेकर्डमा उल्लेख छ । यसै क्रममा उनीहरूले राष्ट्रिय विभूति सेना नामक भूमिगत समूहको नाममा आपराधिक गतिविधि गर्दै आएका थिए ।
२०५८ मा माओवादी अपहरणमा परेर २ महिनापछि सम्पर्कमा आएका सिंहलाई सेनाले शंका गरेर जागिरबाट निष्कासन गरेको थियो ।
जागिर खोसिएपछि विदेश जाने प्रयास गर्दा उनलाई दलाल समूहले चार लाख ठगेको थियो । त्यसपछि उनी आफैं रकम असुलीको धन्दामा संलग्न हुँदै ठकुन्ना भूमिगत समूहको सम्पर्कमा पुगेको प्रहरीले जनाएको छ ।
जनतान्त्रिक तराई मुक्ति मोर्चासँग मिलेर चन्दा संकलन, बम विस्फोट र अपहरणमा संलग्न रहेका उनी केही समयपछि नेपाल डिफेन्स आर्मीमा संलग्न भएर उपत्यका इन्चार्ज भएका थिए ।
महाशाखाले २०६४ फागुन ८ मा सिंहलाई गोली हानेर डिल्लीबजारमा नियन्त्रणमा लिएपछि उनी नेपाल डिफेन्स आर्मीका उपत्यका इन्चार्ज र विभूति सेनाका प्रमुख रहेको खुलेको थियो । ठकुन्ना सिंहभन्दा अगाडि नै पक्राउ परे पनि फरार भइसकेका थिए ।

तीन जनको हत्या, ११ डकैती
२०६४ जेठ २१ मा त्रिभुवन विमानस्थलको गल्फचौरमा गोली हानेर शंकर अधिकारीको हत्या, असार १० मा अजिम फेसन होम लाजिम्पाटका सञ्चालक सुरवीर श्रेष्ठको सिफलमा भएको हत्या र असार २२ मा बत्तीसपुतलीमा मेरीरोज श्रेष्ठको हत्यामासंलग्नता देखिएपछि महाशाखाले सिंहलाई पक्राउ गरेको थियो ।
उपत्यकाका व्यापारीलाई धम्क्याएर पैसा असुल्न सक्रिय उनीहरूले भोटाहिटीमा बम विस्फोट गराएका थिए । यी तीनवटै हत्या घटना र विस्फोटमा ठकुन्ना समेत संलग्न रहेको महाशाखा अधिकारीको दाबी छ ।
२०६४ मा पक्राउ परेपछि सिंह कारागार पुगे । राष्ट्रपतिले कैद मिनाहा गरेपछि उनी हालै कारागारमुक्त भएका थिए । प्रहरीसँगको मिलेमतोमा फरार भएका ठकुन्ना कहिले भारत त कहिले नेपालमा बस्दै आएका थिए । २०७१ वैशाख २८ मा महाशाखाले ९ वर्षदेखि उपत्यकामा शृंखलाबद्ध डकैतीमा संलग्न तेजबहादुर थापामगरलाई पक्राउ गरेको थियो ।
मगरको बयानमा उनको समूहमा राजेश गुप्ता, मिलन सुवेदीसँगै ठकुन्नासमेत संलग्न रहेको खुलेको थियो । महाशाखामा रहेको रेकर्डअनुसार मगरसहितको समूह २०६३ भदौदेखि २०६४ जेठसम्म उपत्यकामा भएका ११ वटा डकैतीमा समेत संलग्न रहेको खुलेको थियो ।
रेकर्डअनुसार उनीहरुले यसबीचमा शान्तिनगरस्थित रीता शाहको घरमा १६ लाख, बानेश्वर पञ्चकुमारी मार्गस्थित  बाबुकाजी कार्कीको घरबाट १९ लाख, गोंगबु महादेवटारमा कटकबहादुर गुरुङको घरबाट १ लाख डकैती गरेका थिए ।
सामाखुसीमा रहेको अर्चना गौतमको घरबाट २ लाख, लैनचौरस्थित रवीप्रसाद कसजुको घरबाट ३२ लाख, खड्काभद्रकालीस्थित जोनी लामाको घरबाट १२ लाख, बाँसबारीस्थित पाकिस्तानी नागरिक मोहमद अन्जाम फारुकको डेराबाट २ लाख डकैतीको घटनामा समेत मगर समूहकै संलग्नता खुलेको थियो ।
प्रहरी रेकर्डअनुसार सरस्वतीनगरमा रहेको प्रेमप्रसाद गेलालको घरमा भएको ६ लाख डकैती, बूढानीलकण्ठमा योगनाथ पौडेलको घरमा भएको ३ लाख डकैती, मन्डिखाटारमा प्रवीण अधिकारीको घरमा ९ लाख डकैती र कुलेश्वरमा प्रमोदप्रसाद चौधरीको घरमा ५ लाख डकैतीमा समेत मगर र ठकुन्नाको संलग्नता खुलेको थियो ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...