अफ्रिकी क्षेत्रमा रोचक भिडन्त

शुक्रबार, २० असोज २०७४, १० : १९ नागरिक


जोहानेसबर्ग- रूस विश्वकप २०१८ का लागि अफ्रिकाबाट पाँच राष्ट्रले मात्र प्रतियोगितामा सहभागिता जनाउन पाउँछन् ।   विश्वकप छनोट प्रतियोगितामा आआफ्नो खेल जित्दै शनिबार नाइजेरिया, ट्युुनिसिया र इजिप्ट पाँचमध्ये तीन स्थान ओगट्ने लक्ष्यमा हुनेछन् ।
अफ्रिकी छनोटका प्रत्येक समूहका शीर्ष टोलीले विश्वकप यात्रा तय गर्नेछन् ।
समूह ‘बी’ मा रहेको नाइजेरियाले जाम्बियाको चुनौती पन्छााउन सके छनोट चरणको अन्तिम खेलअगावै विश्वकपमा स्थान सुरक्षित गर्नेछ । ४ खेलको समाप्तिमा १० अंक जोडेको नाइजेरिया शीर्ष स्थानमा छ भने समान खेलमा ७ अंक जोडेको जाम्बिया ७ अंकका साथ दोस्रो स्थानमा छ । त्यस्तै ३ अंक जोडेको क्यामरुन तेस्रो र १ अंक जोडेको अल्जेरिया पुछारमा छन् । तर जाम्बियाविरुद्धको बराबरी अथवा हारले नाइजेरियालाई छैटौं पटक विश्वकपमा स्थान सुरक्षित गर्नका लागि अन्तिम खेलसम्म कुर्नुपर्नेछ । यसअघि गत वर्ष सम्पन्न अवे खेलमा नाइजेरियाले जाम्बियालई २–१ ले पराजित गरिसकेको छ ।
बलियो मानिएको अफ्रिकन च्याम्पियन क्यामरुनविरुद्ध घरेलु तथा अवे खेलमा नतिजा आफ्नो पक्षमा पारेको नाइजेरियाले विश्वकप सम्भावना बलियो पारेको थियो । चेल्सीका मिडफिल्डर भक्टिर मोसिस र जोन मिकेल ओबीको प्रदर्शनप्रेरित नाइजेरियाले घरेलु मैदानमा ४–० को जित तथा अवे खेलमा १–१ को बराबरी खेल्दै क्यामरुनको चुनौती समाप्त पारेको थियो । समूह ‘बी’ को अर्को खेलमा क्यामरुनले अल्जेरियाको समाना गर्दै छ ।
यता समूह ‘ए’ मा १० अंक जोड्दै शीर्ष स्थानमा भएको ट्युनिसियाले पनि शनिबारको खेलमा गुयनाको चुनौती पाखा लगाउन सके विश्वकप टिकट पक्का गर्नेछ । समान ४ खेलमा ७ अंक जोडेको डेमोक्य्राटिक रिपब्लिक अफ कंगोले पुछारको टोली लिबियाको सामना गर्दै छ ।
त्यस्तै समूह ‘इ’ मा रहेको इजिप्ट घरेलु मैदानमा हुने खेलमा कंगोलाई पराजित गर्दै २८ वर्षपछि विश्वकपमा छनोट हुने लक्ष्यमा हुनेछ । तर कंगोविरुद्धको जितले मात्र पनि इजिप्टको एक खेलअगावै विश्वकप यात्रा पक्का नबन्न सक्छ । त्यसका लागि समूहको अर्को खेलमा घानाले युगान्डालाई पराजित गर्नुपर्नेछ । ४ खेलको समाप्तिमा ९ अंक जोडेको इजिप्ट शीर्ष र समान खेलमा ७ अंक जोडेको युगान्डा दोस्रो स्थानमा छन् । ५ अंक जोडेको घाना तेस्रो र १ अंक जोडेको कंगो पुछारमा छन् ।
यता समूह ‘सी’ र ‘डी’ को भिडन्त भने रोचक बन्दै गएको छ । दुवै समूहका  शीर्ष तीन टोलीबीच एक अंकको दूरी भएकाले तीनै टोलीको विश्वकप सम्भावना जीवितै छ । समूह ‘सी’ मा ४ खेलको समाप्तिमा ७ अंक जोडेको आइभोरी कोस्ट शीर्ष स्थानमा रहँदा ६ र ५ अंक जोडेका मोरोक्को र गावोन क्रमशः दोस्रो तथा तेस्रो स्थानमा छन् । २ अंक जोडेको माली समूहको पुछारमा छ । शनिबार हुने खेलमा आइभोरी कोस्टले मालीको समाना गर्दा मोरक्कोले र गाबोनसँग खेल्नेछ ।
समूह ‘डी’ मा  बुर्किना फासोले दक्षिण अफ्रिकाको सामना गर्दा केप भार्डेले सेनेगलसँग प्रतिस्पर्धा गर्दै छ ।
४ खलको समाप्तिमा ६ अंक जोडेको बुर्किना फासो शीर्ष स्थानमा छ ।  समान खेलमा समान ६ अंक जोडे पनि गोलअन्तरमा पछि परेको केप भार्डे दोस्रो स्थानमा छ । ५ अंक जोडेको सेनेगल तेस्रो र १ अंक जोडेको दक्षिण अफ्रिका अन्तिम स्थानमा छन् ।
विश्वकप छनोट प्रतियोगितामा आआफ्नो खेल जित्दै शनिबार नाइजेरिया, ट्युुनिसिया र इजिप्ट पाँचमध्ये तीन स्थान ओगट्ने लक्ष्यमा हुनेछन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

धुर्मुस सुन्तलीले निर्माण गरेको एकिकृत नमूना मुसहर बस्तीमा बसिरहेका स्थानीयहरुले उनीहरुको तस्बिरमा पुजा गर्दै लक्ष्मी भित्र्याएका छन् । धुर्मुस सुन्तली...

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...