तीन स्रष्टालाई पद्यमश्री सम्मान

शुक्रबार, २० असोज २०७४, १० : ४२ चाँदनी हमाल


काठमाडौं- पद्यमश्री साहित्य पुरस्कार २०७३ कवि नवराज पराजुलीको कविता संग्रह सगरमाथाको गहिराइलाई प्रदान गरिएको छ । खेमलाल हरिकला लामिछाने समाजकल्याण प्रतिष्ठानद्वारा प्रदान गरिँदै आएको सो पुरस्कारको पछिल्लो संस्करण कविता संग्रहलाई प्रदान गरिएको हो । दुई लाख रुपैयाँ नगद राशी तथा कदरपत्रसहित संग्रहका कवि नवराज पराजुलीलाई संस्थाका अध्यक्ष जीवा लामिछाने र उनकी आमा हरिकला लामिछानेले बिहीबार एक समारोहबीच संयुक्त रुपमा प्रदान गरेका हुन् । नेपाली साहित्यमा वर्षभरी प्रकाशित उत्कृष्ट कृतिलाई प्रदान गरिँदै आएको सो पुरस्कार पाउने पराजुली पहिलो कवि हुन् । यसअघि गणेश रसिकको संस्मरण, भानुभक्त पोखरेलको महाकाव्य, अमर न्यौपानेको आख्यान, झमक घिमिरे र खगेन्द्र संग्रौलाको निबन्ध, कृष्ण बराल, धु्रव सापकोटा, शारदा शर्माको उपन्यास, मनु ब्राजाकी र उपेन्द्र सुब्बाको कथा, रविन्द्र समिरको लघुकथा तथा मोहन मैनालीको नियात्रा संग्रहलाई यो पुरस्कार प्रदान गरिएको थियो ।

राजधानीमा आयोजित कार्यक्रममा पद्यमश्री साधना सम्मानबाट साहित्यकार तथा पत्रकार नगेन्द्रराज शर्मा र रोचक घिमिरेलाई संयुक्त रूपमा प्रदान गरिएको थियो । सो सम्मानको राशी दुई लाख नगद तथा सम्मानपत्र रहेको थियो । दुवैजनालाई जनही एक लाख र सम्मानपत्र प्रदान गरिएको थियो ।
२०६७ देखि प्रदान गर्न थालिएको सम्मान यसअघि राष्ट्रकवि माधप्रसाद घिमिरे, वरिष्ठ आख्यानकार मदनमणि दीक्षित, संस्कृतीविद् सत्यमोहन जोशी, साहित्यकार धु्रवचन्द्र गौतम, कलाकारद्वय मदनकृष्ण श्रेष्ठ र हरिवंश आचार्य, साहितयकार वैरागी काँइलालाई प्रदान गरिएको थियो ।
आपूm जन्मेको चितवनको गाउँ पदमपुरका नाममा आफ्ना मातापिताको सम्झनामा स्थापित संस्थाद्वारा साहित्यक्षेत्रमा योगदान दिएकालाई सम्झेर पुरस्कृत गर्नु लामिछानेको जन्मथलोप्रतिको सद्भाव रहेको संस्थाका सदस्य सचिव रविन्द्र समिरले बताए । संस्थाका अध्यक्ष जीवा लामिछानेले कविताको क्षेत्र सेलाउँदै गएका बेला लाखौंले कविता सुन्न सकिने व्यवस्था मिलाउँदै रोमहर्षक कविता लेख्ने कविको संग्रहलाई पुरस्कृत गरिएको उल्लेख गरे । कवि पराजुली सरल भाषालाई मनभित्रैबाट बोलेर उत्कृष्ट वाचनशैली अपनाउन सक्ने कवि रहेको उनले बताए । यसवर्षदेखि संस्थाले उत्कृष्ट कृतीहरूको सूची पनि निकाल्न थालेको जानकारी दिँदै आगामी वर्षदेखि उत्कृष्ट दशसूची निकाल्ने लामिछानेले बताए । यस वर्ष भने पाँच उत्कृष्ट पुस्तकको सूची सार्वजनिक गरिएको उनले जनाए ।
पुरस्कार प्राप्त गरेपछि साहित्यकार नगेन्द्रराज शर्माले उतिबेला साहित्य सृजना सहज भए पनि समाचार लेख्नु र छाप्नु निकै कठिन कार्य रहेको सुनाए । निरन्तर काम गरिरहँदा र सम्मानित हुन पाउँदा योगदानको कदर भएको उनले बताए ।
कवि नवराज पराजुलीले कविता संग्रह एउटी आमाको छोरीजस्तै भएको उल्लेख गरे । छोरीका राम्रा नराम्रा कुरा कसैले मन पराउने कसैले मन नपराउनेसँग कविता संग्रहलाई तुलना गर्दै उनले संस्थाले मन पराइदिएको बताए । आपूmले पाएको पुरस्कार युट्युबमा सुन्ने लाखौं स्रोताको देन भएको उनले दाबी गरे । उनको सगरमाथाको गहिराइमा ३६ वटा कविता छन् । कार्यक्रममा उनले वृद्धवृद्धाको कथा बोल्ने रुख कविता वाचन गरेका थिए ।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...