समाजवादी फोरम र राजपाबीच चुनावी तालमेल

शनिबार, २१ असोज २०७४, ०७ : ५१ भुवन शर्मा


काठमाडौं- प्रदेशसभा र प्रतिनिधिसभा निर्वाचनमा संघीय समाजवादी फोरम नेपाल र राष्ट्रिय जनता पार्टी नेपालबीच तालमेल हुने भएको छ । एमाले, माओवादी केन्द्र र नयाँ शक्ति नेपालबीच गठबन्धन भएको तेस्रो दिन ती दुई मधेस केन्द्रित दलबीच चुनावी सहकार्यका लागि सहमति भएको हो ।

शुक्रबार तीनुकनेस्थित समाजवादी फोरमको कार्यालयमा भएको बैठकमा ती दुवै दलका नेताबीच प्रदेशसभा र प्रतिनिधिसभा चुनावमा साझा उम्मेदवार बनाएर अघि बढ्ने सहमति भएको छ ।
समाजवादी फोरमका अध्यक्ष उपेन्द्र यादव र राजपा नेपालका अध्यक्ष महन्थ ठाकुरले संयुक्त विज्ञप्ति जारी गरी प्रदेशसभा र प्रतिनिधिसभा निर्वाचनमा आपसी समझदारीका आधारमा दुवै पार्टीले साझा उम्मेदवारको रूपमा भाग लिने जनाएका छन् ।
दुई पार्टीको सो चुनावी गठबन्धनले नेपाली कांग्रेस नेतृत्वको लोकतान्त्रिक गठबन्धनसँग चुनावी तालमेल हुने बाटो पनि खुला गरेको छ । विज्ञप्तिमा कुनै पार्टीको नाम उल्लेख नभए पनि अरू पार्टी वा मोर्चासँग गठबन्धन या तालमेल गर्नुपरेमा संयुक्त रूपमा सहभागी हुने जनाइएको छ ।
राजपाका अध्यक्ष मण्डलका सदस्य राजेन्द्र महतोले नेपाली कांग्रेसले नेतृत्व गरेको लोकतान्त्रिक गठबन्धनसँग चुनावी तालेमल हुने सम्भावना रहेको बताए । वामपन्थी गठबन्धनसँग भने तालमेल हुन नसक्ने उनले प्रस्ट पारे ।  ‘लोकतान्त्रिक गठबन्धनसँग चुनावी तालमेल हुने सम्भावना छ  । तर, वामपन्थी गठबन्धनसँग भने तालेमल हुँदैन,’ महतोले भने ।

००
तराई मधेसमा आधाआधा
गठबन्धनका नेताहरूको शुक्रबार बसेको बैठकमा तराई मधेसका २० जिल्लामा दुवै पार्टीले आधाआधा उम्मेदवारी दिने सहमति भएको छ । फोरमले उम्मेदवारी दिएको ठाउँमा राजपाले सहयोग गर्ने र राजपाले उम्मेदवारी दिएको ठाउँमा समाजवादी फोरमले सहयोग गर्ने सहमति भएको हो ।  
यसैगरी दुवै पार्टीका शीर्ष नेतालाई विजयी गराउन प्रयास गर्ने सहमति पनि भएको छ । महतोले  पचास–पचास प्रतिशतका आधारमा उम्मेदवारमा भागबन्डा गर्ने सहमति भएको बताए ।  
स्रोतका अनुसार संघीय फोरम  र राजपाबीचको चुनावी गठबन्धन दुई नम्बर प्रदेश र पाँच नम्बर प्रदेशमा केन्द्रित हुनेछ । अन्य प्रदेशमा भने लोकतान्त्रिक गठबन्धनसँग तालेमल गर्ने तयारी दुई दलको छ । ‘आवश्यकता हेरेर अन्य दलसँग पनि  तालमेल हुन्छ । कुनै स्थानमा हामीसँग तालमेल गर्न अरूलाई आवश्यक पर्ला, कुनै ठाउँमा हामीलाई आवश्यक पर्छ,’ महतोले भने ।
फोरम नेपालका सहअध्यक्ष राजेन्द्र श्रेष्ठले भने दुई पार्टीले साझा उम्मेदवार उठाउने निर्णयमात्र भएको दाबी गरे । उनले भने, ‘यो गठबन्धन होइन, तालमेलमात्रै हो । अन्य पार्टीसँग पनि हामीले तालमेल गर्छौं ।’
स्रोतका अनुसार दुवै दलका नेताहरू तराई मधेसका २० जिल्लामा अन्य पार्टीसँग तालमेल गर्न तयार छैनन् । दुई नम्बर प्रदेशका सबै जिल्ला र पाँच नम्बर प्रदेशका केही जिल्लामा संघीय फोरम र राजपाबीच मात्रै तालेमल गर्ने, अन्य ठाउँमा लोकतान्त्रिक गठबन्धनसँग तालमेल गर्ने उनीहरूको तयारी रहेको स्रोतको भनाइ छ ।
तराई मधेसमा समाजवादी फोरम र राजपाबीच मात्रै तालेमल भए पनि अधिकांश स्थानमा विजयी हुने ती दलका नेताहरूको बुझाइ छ । बैठकमा दुई पार्टीले एउटै चुनाव चिह्न लिएर चुनाव लड्ने बारेमा पनि छलफल भएको थियो । तर, एउटै चुनाव चिह्न लिएर छलफल गर्नेमा सहमति जुट्न सकेन । उनीहरूले अलगअलग चुनाव चिह्न लिएर चुनाव लड्ने तर उम्मेदवार साझा हुने सहमति गरेका छन् । समानुपातिकमा भने दुवै पार्टीले आफ्नै किसिमबाट नाम पठाउने भएका छन् । राजपाका नेता केशव झाले दुई पार्टीको चुनावी तालमेल प्रत्यक्ष निर्वाचनका लागि मात्र भएको बताए । उनले भने, ‘यो तालमेल देशभर हुन्छ । आवश्यकता हेरेर हामीले अन्य दलसँग पनि तालमेल गर्छौ ।’
चुनावपछि एकीकरण प्रयास
बैठकमा दुई पार्टीबीच एकीकरण गर्ने विषयमा समेत कुराकानी भएको छ । ‘चुनावसम्म साझा उम्मेदवार बनाउँछौं । चुनावपछि दुई पार्टी एकीकरण गर्न छलफल सुरु गर्छौं,’ उनले भने ।
पहिलो चरणको स्थानीय चुनावमा सहभागी भएपछि समाजवादी फोरमको राजपा नेपासँग सम्बन्ध बिग्रिएको थियो । राजपाका नेताहरूले समाजवादी फोरमका नेतालाई मधेसको मुद्दा बिर्सिएको आरोप लगाउँदै आएका थिए । तर, तेस्रो चरणको स्थानीय तह निर्वाचनमा राजपा सहभागी भएपछि दुवै पार्टीबीचको सम्बन्धमा केही सुधार भएको थियो ।
००
दुवै गठबन्धनसँग कुरा गर्दै संघीय फोरम
संघीय समाजवादी फोरम नेपालका अध्यक्ष उपेन्द्र यादवले दुवै गठबन्धनसँग कुराकानी अघि बढाएका छन् ।
लोकतान्त्रिकसँग चुनावी तालमेल गर्न गठन गरिएको कार्यदलमा पार्टीबाट रामसहाय यादव खटिएका छन् । कार्यदलको शुक्रबार बसेको बैठकमा यादव सहभागी भएका थिए । यादवले वाम गठबन्धनसँग पनि कुराकानी गरेका छन् । उनले शुक्रबार नै वामपन्थी गठबन्धनसँग कुराकानी गर्न पार्टीका सहअध्यक्ष राजेन्द्र श्रेष्ठलाई खटाएका छन् ।  श्रेष्ठले शुक्रबार वामपन्थी गठबन्धनसँग चुनावी तालमेलका बारेमा कुराकानी भएको बताए । उनले भने, ‘सबैसँग कुराकानी गर्ने पार्टीको नीति नै हो । छलफल र संवाद गर्न  हामी खुला छौं ।’
वामपन्थी गठबन्धनसँग चुनावी तालेमल गर्नेबारेमा प्रारम्भिक कुराकानी भएको उनले  बताए । श्रेष्ठले भने, ‘हामी लोकतान्त्रिक गठबन्धनसँग पनि तालेमल गर्र्न सक्छौं, वामपन्थी गठबन्धनसँग पनि तालमेल गर्न सक्छौं ।’ कुन तहका नेतासँग कुराकानी भयो भन्नेबारे उनले केही बताएनन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...