फुटबल खेलाडीको बिदाइ

शनिबार, २१ असोज २०७४, ०९ : १४ नागरिक


काठमाडौं- एएफसी एसिया कप छनोट फुटबल खेल्न नेपाली पुरुष फुटबल टोली त्यसतर्फ गएको छ । शुक्रबार राष्ट्रिय खेलकुद परिषद्का सदस्यसचिव केशवकुमार विष्ट, अखिल नेपाल फुटबल संघ (एन्फा) का अध्यक्ष नरेन्द्र श्रेष्ठ, वरिष्ठ उपाध्यक्ष मणि कुँवरलगायतले टोलीलाई बिदाइ गरे ।

नेपालले एसिया कप छनोटअन्तर्गत समूह ‘एफ’ को खेलमा ताजकिस्तानसँग अवे खेल खेल्दै छ ।

खेल  असोज २४ गते ताजकिस्तानको घरेलु मैदान हिजोर सेन्ट्रल रंगशालामा हुनेछ । समूह चरणको तीन खेल सकिँदा नेपालले १ अंक मात्र जोडेको छ । तीनमध्ये दुई खेल घरेलु मैदानमा खेलेको नेपालले यमनसँग गोलरहित बराबरी खेलेको थियो । यमनसँग बराबरी नतिजा नै नेपालले हालसम्म गरेको गतिलो प्रदर्शन हो ।

छनोट चरणको पहिलो खेलमा नेपाल फिलिपिन्ससँग ४–१ ले पराजित भएको थियो । अर्को खेलमा नेपाल ताजकिस्तानसँग २–१ ले पराजित भएको थियो । ताजकिस्तानविरुद्धको खेलले नेपालको एसिया कप खेल्ने सम्भावनालाई थप प्रस्ट पार्नेछ ।

अर्को वर्ष हुने एसिया कप छनोट फुटबलमा २४ टिमलाई  ६ समूहमा विभाजन गरेर एएफसीले प्रतिस्पर्धा गराइरहेको छ ।

एउटा समूहमा ४ टोली छन् । प्रत्येक टोलीले होम एन्ड अवे गरी ६ खेल खेल्नेछ । हरेक समूहको विजेता र उपविजेता टोलीले सन् २०१९ मा एसिया कप फुटबल प्रतियोगिताको उपाधिका लागि प्रतिस्पर्धा गर्नेछन् ।

हालसम्म नेपाल समूह ‘एफ’ को पुछारमा छ । समूहमा फिलिपिन्स शीर्ष स्थानमा छ । फिलिपिन्सले तीन खेलबाट ७ अंक, दोस्रो स्थानमा रहेको यमनले ५ र ताजकिस्तानले ३ अंक जोडेका छन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...

नेपाल भारतका कला ‘एकै छाँया’मुनी

नेपाल भारतका कला ‘एकै छाँया’मुनी

फाइन आर्टमै पिएचडी गरेकी भारतकी कलाकार डा.सरोज रानीको कला यसबेला नेपाल कला परिषदमा प्रदर्शन भइरहेको छ । सोमबारदेखि सुरु भएको...

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...