मेसीको विश्वकप खेल्ने सपना धुमिल

शनिबार, २१ असोज २०७४, ०९ : १७ नागरिक


मोन्टेभिडियो- दक्षिण अमेरिकी विश्वकप छनोट प्रतियोगिताअन्तर्गत विहीबार पेरूसँग अंक बाँडेपछि लियोनल मेसी र अर्जेन्टिनाको विश्वकप २०१८ खेल्ने सपना अझ धुमिल बनेको छ ।

ब्युनर्स आयर्समा पेरूसँग गोलरहित बराबरीमा रोकिएपछि दुई पटकको विश्वविजेता अर्जेन्टिनाले शीर्ष चारमा रहँदै स्वतः विश्वकपमा छनोट हुने लक्ष्यमा गम्भीर धक्का लागेको छ ।

घरेलु मैदानमा बल पोजेसन राम्रो बनाए पनि पाएका अवसरलाई गोलमा परिणत गर्न नसक्दा अर्जेन्टिनाले फेरि एक पटक निराशाजनक नतिजामा चित्त बुझाउनुप¥यो । बार्सिलोनाका स्टार मेसीले दोस्रो हाफमा विपक्षी पोस्टमा थुप्रै प्रहार गरे पनि पेरूका गोलकिपरले बचाउ गरेपछि निराश बन्नुपरेको थियो ।

बराबरीपछि १७ खेलको समाप्तिमा २५ अंक जोडेको अर्जेन्टिना छैटौं स्थानमा झरेको छ । समान २५ अंक नै जोडेको पेरू पाँचांै स्थानमा छ । दक्षिण अमेरिकाबाट शीर्ष चार टोलीले विश्वकपमा स्थान बनाउनेछन् । पाँचौं स्थानमा रहनेले नोभेम्बरमा न्युजिल्यान्डविरुद्ध प्लेअफ खेल्न पाउनेछ । तर, तेस्रो स्थानमा रहेको चिली र सातौं स्थानमा रहेको पाराग्वेबीच २ अंकको मात्र भिन्नता भएकाले मंगलबार हुने अन्तिम खेलले समीकरणमा व्यापक फेरबदल ल्याउन सक्छ ।

३८ अंकका साथ शीर्ष स्थानमा रहेको ब्राजिलले यसअघि नै रूसको टिकट पक्का गरिसकेको छ । दोस्रो स्थानमा रहेको उरुग्वेले २८ अंक जोडेको छ । समान २६÷२६ अंक जोडेका चिली र कोलम्बिया क्रमशः तेस्रो र चौथो स्थानमा छन् ।

अर्जेन्टिनाले छनोट चरणमा बराबरी खेलेको यो लगातार तेस्रो खेल हो । यसअघि अर्जेन्टिनाले उरुग्वेसँग गोलरहित र भेनेजुएलासँग १–१ को बराबरी खेलेको थियो । छनोट प्रतियोगिताको अन्तिम खेलका लागि अर्जेन्टिना मंगलबार छोटो हवाई दूरीमा रहेको इक्वेडरको राजधानी क्विटो भ्रमणमा निस्कनेछ, जहाँ अर्जेन्टिनाको विगत सुखद छैन । पछिल्लो तीन विश्वकप छनोट खेलमध्ये दुईमा अर्जेन्टिना पराजित भएको थियो भने बाँकी बराबरी खेलेको थियो । क्विटोमा अर्जेन्टिनाले पछिल्लो पटक २००१ मा विश्वकप छनोट खेल जितेको थियो । 

तथापि अर्जेन्टिनाले मंगलबार इक्बेडरलाई पराजित गरे कम्तीमा पाँचांै स्थान पक्का गर्न सक्छ । तर, त्यसका लागि पेरू र कोलम्बियाले एकअर्कासँग अंक बाँड्नुपर्छ ।

विश्वकप पक्का गरिसकेको ब्राजिलले बिहीबार बोलिभियासँग गोलरहित बराबरी खेल्यो । दोस्रो स्थानमा रहेको उरुग्वेले पनि भेनेजुएलासँग गोलरहित बराबरी खेलेपछि रसियाको टिकट पक्का गर्ने मौका गुमायो । पेरिस सेन्ट जर्मनका फरवार्ड इडिसन काभानीले ८३औं मिनेटमा गोल गर्ने सुन्दर अवसर खेर फाल्दा उरुग्वे विश्वकप यात्रा सुनिश्चित गर्नबाट चुक्यो । अन्तिम खेलमा कमजोर मानिएको बोलिभियाविरुद्ध खेल्ने उरुग्वेको विश्वकप यात्रा सहज मानिएको छ । उरुग्वेलाई रसिया भ्रमण पक्का गर्न बराबरी पर्याप्त हुनेछ ।

दक्षिण अमेरिकी च्याम्पियन चिलीले सान्टियागोमा इक्वेडरमाथि २–१ को विजय हासिल गर्दै विश्वकप २०१८ को सम्भावना कायम राखेको छ । २०१५ र २०१६ को कोपा अमेरिका विजेता चिलीले फरवार्ड इडुवार्डो भार्गेसले २२औं मिनेटमा गरेको गोलबाट अग्रता लिएको थियो । ८२औं मिनेटमा एलेक्स इबाराले बराबरी गोल फर्काएपछि चिली संकटमा परेको थियो । तर, त्यसको तीन मिनेट नबित्दै आर्सनलका स्टार एलेक्सिस सान्चेजले गरेको गोल चिलीलाई ३ अंक बटुल्न पर्याप्त भयो । आर्टुरो भिडालले हानेको पेनाल्टी प्रहार विपक्षी गोलकिपरले बचाएपछि रिबाउन्डमा प्राप्त बललाई सान्चेजले पोस्टको दिशा दिएका थिए । जितपछि छैटौं स्थानमा रहेको चिली तेस्रो स्थानमा उक्लिएको हो । छनोट प्रतियोगिताको अन्तिम खेलमा चिलीले ब्राजिललाई पराजित गरे विश्वकपमा स्वतः छनोट हुनेछ ।

कोलम्बियाले शुक्रबार पाराग्वेलाई २–१ को नतिजा सुम्पिएपछि विश्वकप छनोटको सम्भावना बलियो बनाउने मौका गुमायो । राडामेल फल्काओको गोलबाट ७९औं मिनेटमा अग्रता लिएको कोलम्बियाले अन्तिम दुई मिनेट सम्हालिन नसक्दा अंक गुमायो । अस्कर कार्डोजोले ८९औं मिनेटमा बराबरी गोल फर्काए । त्यसको एक मिनेट नबित्दै एन्टोनियो सानब्रियाले अर्को गोल थपेपछि पाराग्वेले नाटकीय रूपमा तीन अंक पक्का ग¥यो ।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...