सडक कालोपत्रेकालागि दवाब समूह गठन

शनिबार, २१ असोज २०७४, १७ : ०१ नागरिक


महेन्द्रनगर – भीमदत्त नगरपालिका– १६ स्थित बन्द अवस्थामा रहेको विमानस्थल पश्चिमको सडक कालोपत्रे गर्नु पर्ने माग राख्दै स्थानीय बासिन्दाले दवाब समूह गठन गरेका छन्। 

लामो समयदेखि विवादास्पत तथा ग्राभेलसम्म नहालिएको सडक कालोपत्रे गर्नुपर्ने भन्दै मझगाउँ बजार व्यवस्थापन समितिको पहलमा दवाब समूह गठन गरिएको छ।
 
शनिबार बिहान मझगाउँ चोकको पिपल चौतारीमा बसेको भेलाले दिपेन्द्रबहादुर बिष्टको संयोजकत्वमा पाँच सदस्यीय दवाब समूह गठन गरेको छ । समितिका सदस्यमा ज्ञानेन्द्र धानुक, महेन्द्र प्रसाद भट्ट, गौरी दत्त जोशी र रमा रसाइली रहेका छन्। 

कञ्चनपुरकै गौरबका रुपमा रहेका शुक्लाफाँटा राष्ट्रिय निकुञ्ज र महाकाली नदीको झोलुङ्गे पुल जोड्ने सडकको मध्यभाग यति लामो समयसम्म कालोपत्रे नभएको भन्दै दवाब समूह गठन गरिएको बजार व्यवस्थापन समितिका सचिव राजेन्द्र चन्दले बताए । झण्डै डेढ किलोमिटर सडकमा निर्माण भएयता ग्राईभेल समेत हालिएको छैन्। 

पर्यटकीय स्थल घुम्न आउने यात्रुले सडकको जिर्ण अवस्थाका कारण सास्ती व्यहोर्नु परेको स्थानीयको भनाई छ। 

अबको एक साताभित्र हस्ताक्षर संकलन गरी भीमदत्त नगरपालिकालाई बुझाउने समेत दवाब समूहले निर्णय गरेको सचिव चन्दले बताए।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

धुर्मुस सुन्तलीले निर्माण गरेको एकिकृत नमूना मुसहर बस्तीमा बसिरहेका स्थानीयहरुले उनीहरुको तस्बिरमा पुजा गर्दै लक्ष्मी भित्र्याएका छन् । धुर्मुस सुन्तली...

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...