सौलमा नेपथ्य गुञ्जन

आइतबार, २२ असोज २०७४, १० : ०५ नागरिक


काठमाडौं- दसैंको अवसरमा लोक–रक ब्यान्ड नेपथ्यले कोरियाको राजधानी सोलस्थित ओलम्पिकपार्कको हलमा  कन्सर्ट प्रस्तुत गरेको छ । ‘ओलपार्क’का रुपमा बहुचर्चित यो ओलम्पिक हल सन् १९८८ मा दक्षिण कोरियाले ओलम्पिक आयोजना गर्दा तयार पारेको थियो । वर्षभरि नै व्यस्त हुने हलमा पहिलो पटक नेपालीले कार्यक्रम गर्ने अवसर पाएका हुन् । सोही हलमा यसअघि  बहुचर्चित सांगीतिक ब्यान्ड ‘डिप पर्पल’, ‘जुडास प्रिस्ट’, ‘मारिया क्यारे’ र ‘एयर सप्लाइ’ले समेत कन्सर्ट प्रस्तुत गरिसकेका छन् ।

कोरियाको राष्ट्रिय पर्व ‘चुसोक फेस्टिभल’कै अवसर पारेर सौलको कास्की परिवारले नेपथ्य कन्सर्टको आयोजना गरेको हो । खेतिकिसानीको मौसमलाई ध्यानमा राखेर मनाइने यो पर्वका बेला कोरियाली समाजका मानिस अघिल्ला पुस्ता र मान्यजनसँग भेटघाट गर्छन् ।
तर, त्यही मुलुकमा कमाउन पुगेका आप्रवासीहरूका  निम्तिभने यो पर्व साथीभाइसँग भेटघाट गर्ने र स्वदेशका सम्झनाहरु ताजापार्ने अवसर बन्न पुग्छ । यतिबेला दक्षिण कोरियामाचालिस हजारभन्दा बढी नेपाली कामदारहरू रोजगारीका निम्ति पुगेका छन् ।
‘स्वदेशमै तपाईँहरूलाई रोजगारीको प्रवन्धगर्न नसकेकै कारण सबैजना यो ठाउँ आइपुग्नुभएको हो । आफन्त, साथीभाइ र मान्यजनहरुबाट यसरी टाढिएर बाँच्नुपर्दाको पीडा म बुझ्दछु,’ कन्सर्टकै क्रममा नेपथ्यका मुख्य गायक अमृत गुरुङले भने, ‘जे जस्तो भए पनि यहाँ रहँदाको क्षणलाई अवसरका रुपमा लिइदिनुस् र सकेसम्म आफूमा स्वदेशका निम्ति काम लाग्ने सीप विकास गर्नुस् । हाम्रा नेताहरुमा यी तमाम तन्नेरीहरूले राष्ट्रनिर्माणमा सघाउन सक्ने वातावरण तयार पार्ने दृष्टिकोणका लागि हामी अनुरोध गर्छौं ।’
यति भनिसकेपछि अमृतले केहि वर्षअघि मात्र तयार पारेको एउटा मार्मिक गीत प्रस्तुत गरे जसको भाव आफ्नो प्रिय मानिस छाडेर हिँडेका आप्रवासी कामदार नेपालीको पीडामाथि उभिएको थियो–

‘मै मरि जाउँला, जीवन छोटो छ
लेखेको सम्झना, चेतेर नफाल
सिरानमाफोटो छ...’

यसरी केही सदाबहार गीत प्रस्तुत गरिसकेपछि अमृत फेरि दर्शकसँग गफिए ।
‘यो ओलम्पिक पार्कमा उभिएर गीत गाइरहँदा मलाई यतिबेला विधान लामाको याद आइरहेको छ जसले १९८८ को ओलम्पिकमा मुलुकका निम्ति पदक हासिल गरेका थिए,’उनले थपे, ‘दुर्भाग्य, त्यस्ता प्रतिभाशाली खेलाडीलाई पनि हाम्रो मुलुकले रोकेर राख्न सकेन र अहिले उनी विदेशिएका छन् । यस्ता धेरै प्रतिभाशाली विधानहरूलाई यतिबेला नेपालले गुमाइरहेको छ । म हाम्रा नेतालाई मुलुकभित्रै राम्रो अवसरको सिर्जना गरेर यस्ता प्रतिभालाई स्वदेशमै आकर्षित गर्न आव्हान गर्छु ।’

त्यसपछिको चरणमा ‘यो जिन्दगानी’बाट अघि बढेको कन्सर्ट ‘कोशीको पानी’, ‘गाउँ गाउँबाट उठ’ हुँदै नेपथ्यका सुपरहिट गीतहरु ‘रेशम’ र ‘तालको पानी’मा प्रवेश गरेको थियो ।
‘रातो र चन्द्रसूर्य’ गाउँदै नेपथ्यले कन्सर्टको बिट मारेको थियो । कन्सर्टमा सँधैझैँ अमृतलाई स्टेजमा  ध्रुव लामाले ड्रमसेटमा, सुरज थापाले किबोर्डमा, सुविन शाक्यले बेस गितारमा, निरज गुरुङले गितारमा र शान्ति रायमाझीले मादलमा सघाएका थिए ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...