‘डण्डिबियो’ खेल्दै खगेन्द्र र मेनुका

आइतबार, २२ असोज २०७४, १० : १५ नागरिक


काठमाडौं- हालसालै राष्ट्रिय खेलबाट बर्खास्तगीमा परेको डण्डीबियोलाई केन्द्रमा राख्दै फिल्म बन्ने भएको छ । ‘डमरुको डण्डिबियो’ शीर्षकमा बन्न लागेको फिल्मको शुक्रबार घोषणा गरिएको छ । फिल्मलाई छेतन गुरुङले निर्देशन गर्न लागेका हुन् । तीन फिल्ममा पटकथा लेखनको जिम्मेवारी सम्हालेका छेतनले चौथो फिल्ममा निर्देशनको अभिभारा लिएका हुन् । उनले लेखनको अनुभवलाई निर्देशनमा खन्याउने बताए ।
‘पटकथा लेखकको रुपमा जे जति जानेको छु त्यसलाई निर्देशनमा उतार्ने छु । सबै मिलर एउटा राम्रो सामाजिक फिल्म दर्शकलाई दिनेछौं,’ घोषणा कार्यक्रममा छेतनले भने । फिल्मको शीर्ष भूमिकामा खगेन्द्र लामिछाने देखा पर्नेछन् । पछिल्लो समय निर्माणसँगै अभिनय गर्दै आएका खगेन्द्रले यो फिल्ममा कलाकारको भूमिका मात्र निर्वाह गर्नेछन् ।
‘मलाई सधैं आफ्नै फिल्म मात्र खेल्दै आएको आरोप लाग्न थालेको थियो । यो फिल्मसँगै म ती आरोपबाट मुक्त भएको छु,’ उनले भने, ‘ लोपोन्मुख खेल डण्डिबियोलाई केन्द्रमा राखेर सामाजिक कथा पस्कनेछौं । दर्शकलाई नबिझाउने फिल्म दिने हाम्रो प्रयास रहनेछ ।’ फिल्ममा खगेन्द्रसँगै अनुप बराल, मेनुका प्रधान, अंकित खड्का, बुद्धि तामाङ, लक्ष्मी वर्देवा आदि कलाकारको अभिनय रहनेछ ।
लमजुङको घले गाउँ र काठमाडौंका विभिन्न स्थानमा खिचिने फिल्मको सुटिङ असोज २२बाट सुरु हुनेछ । फिल्मलाई सुमी श्रेष्ठ र विनोद गुरुङ मिलेर निर्माण गर्न लागेका हुन् । डेढ करोड लगानी रहने भनिएको फिल्मलाई ४० दिनमा खिच्ने लक्ष्य रहेको कार्यक्रममा जानकारी गराइएको थियो ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

धुर्मुस सुन्तलीले निर्माण गरेको एकिकृत नमूना मुसहर बस्तीमा बसिरहेका स्थानीयहरुले उनीहरुको तस्बिरमा पुजा गर्दै लक्ष्मी भित्र्याएका छन् । धुर्मुस सुन्तली...

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...