नौ दिनमा सय करोड

सोमबार, २३ असोज २०७४, ११ : २८ नागरिक


मुम्बई- वरुण धवनको दोहोरो भूमिका रहेको फिल्म ‘जुडवा २’ले प्रदर्शनको नवौं दिनमा सय करोड कमाएको छ । फिल्मले शनिबारको दिन ५ करोड कमाइ गरेसँगै फिल्मले कुल कमाइ १ सय चार करोड पु¥याएको हो । ‘जुडवा २’ सय करोड क्लबमा पुग्ने बरुण धवनको तेस्रो फिल्म हो । यसअघि यही साल प्रदर्शनमा आएको धवनको फिल्म ‘बद्रिनाथ कि दुल्हनिया’ र अघिल्लो साल प्रदर्शनमा आएको ‘एबिसिडी २’ ले  सय करोड कमाएका थिए । शुक्रबार सैफअलि खान अभिनित ‘सेफ’ रिलिज भए पनि ‘जुडवा २’लाई यसले खासै असर गर्न सकेन । फिल्मले शुक्रबार ४ करोड र शनिबार ५ करोड कमाउँदै कमाइमा कीर्तिमानी आँकडा छोएको हो ।
बक्स अफिस इन्डिया डटकमले ‘जुडवा २’ धवनको करियरको सर्वाधिक कमाइ गर्ने फिल्मको रूपमा स्थापित हुने आंकलन गरेको छ । धवन अभिनित सय करोड क्लबमा छिरेका फिल्ममध्ये यसअघि ‘एबिसिडी २’ ले १ सय ७ करोड र ‘बद्रिनाथ कि दुल्हनिया’ले १ सय १६ करोड कमाइ गरेका थिए । दिपावलीमा आमिर खानको फिल्म ‘सेक्रेट सुपरस्टार’ रिलिज नहुँदासम्म पनि ‘जुडवा २’ले दर्शक पाइरहने आंकलन गरिएको छ ।
‘जुडवा २’ २० वर्षअघि सलमान खान अभिनित फिल्म ‘जुडवा’को रिमेक हो । फिल्मलाई पहिलो शृंखलाका निर्देशक डेविड धवनले निर्देशन गरेका हुन् भने फिल्म बरुण धवनसँगै ज्याकलिन फर्नान्डिज र तापसी पन्नु मुख्य भूमिकामा रहेका छन् । फिल्ममा सलमान खानको पनि केमियो रहेको छ ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...