रसुवामा स्वदेशी पर्यटकको तथ्याङ्क राखिने

बुधबार, २५ असोज २०७४, १८ : ४७ हिमनाथ देवकोटा


रसुवा— रसुवामा कार्तिक महिनादेखि स्वदेशी पर्यटकको पनि तथ्याङ्क राखिने भएको छ। जिल्लामा पछिल्लो समय स्वदेशी पर्यटकको आगमनमा वृद्धि हुन थालेपछि लाङटाङ राष्ट्रिय निकुञ्जले तथ्याङ्क राख्न लागेको हो। 

जिल्ला भित्रिने स्वदेशी पर्यटकको तथ्याङ्क नराख्दा पर्यटक हराउने, असुरक्षा बढ्ने, यकिन तथ्याङ्क नभेटिने लगायतका समस्या आउने गरेका छन्। हिमाली राष्ट्रिय निकुञ्ज नियमवाली २०३६ अनुसार नेपालीलाई शुल्क नलाग्ने भएकाले तथ्याङ्क राख्ने नगरिएको निकुञ्जले जनाएको छ।

वार्षिक २५ करिब हजार स्वदेशी पर्यटक जिल्ला भित्रिने गरेको अनुमान छ। अन्य क्षेत्रमा होटल व्यवसायीले स्वदेशी पर्यटकको तथ्याङ्क राख्ने गरेको तर यहाँ त्यो अवस्था नरहेको बताउँदै उनले अबका दिनका होटललाई समेत तथ्याङ्क राख्नका लागि निर्देशन दिने बताएका छन्। 

कुञ्जका प्रमुख संरक्षण अधिकृत युवराज रेग्मीले भने, ‘विदेशी तथा सार्क राष्ट्रका पर्यटकले निकुञ्ज प्रवेशका लागि प्रवेश शुल्क तिर्नुपर्ने भएकाले तथ्याङ्क राख्ने गरिए पनि नेपालीले शुल्क तिर्नु नपर्ने हुँदा तथ्याङ्क राख्ने नगरिएको हो। समस्या देखिन थालेकाले अर्को महिनाबाट स्वदेशी पर्यटकको पनि तथ्याङ्क राख्न सुरु गर्छौं।’ 

वार्षिक २५ करिब हजार स्वदेशी पर्यटक जिल्ला भित्रिने गरेको अनुमान छ। अन्य क्षेत्रमा होटल व्यवसायीले स्वदेशी पर्यटकको तथ्याङ्क राख्ने गरेको तर यहाँ त्यो अवस्था नरहेको बताउँदै उनले अबका दिनका होटललाई समेत तथ्याङ्क राख्नका लागि निर्देशन दिने बताएका छन्। 

स्वदेशी पर्यटक बढे, होटल व्यवयासी उत्साही
रसुवामा स्वदेशी पर्यटक बढेपछि होटल व्यवसायी उत्साही बनेका छन्। दशैँ सकिए लगत्तै जिल्लामा स्वदेशी पर्यटकको आगमन बढेपछि जिल्लाको होटलहरु भरिभराउ भएका छन्। केही वर्षअघिसम्म नेपाली राख्न नरुचाउने होटल व्यावसायीले अहिले नेपाली आउँदा उत्साहित हुने गरेका छन्। विदेशी पर्यटकले भन्दा नेपालीले बढि खर्च गर्ने गरेका व्यवसायी बताउँछन्। 

दशैँपछि जिल्लामा दैनिक डेड सय स्वदेशी पर्यटक आइरहेको अनुमान छ । जिल्ला सदरमुकाम धुन्चे, स्याफ्रु, गोसाइँकुण्ड पदमार्ग र लाङटाङ पदमार्गमा सञ्चालित होटलहरु अहिले पर्यटकले भरिएका छन्। केही वर्ष पहिलेसम्म मेला पर्वको अवसरका मात्र पर्यटक भित्रने गरेपनि अहिलेका युवा पुस्ता अन्य समयमा घुमफिर गर्न मन पराउने भएका कारण पनि बाह्रै महिना पर्यटक आउन थालेका छन् । 

सामुहिक रुपमा घुम्न मन पराउने युवाहरु न्युनतम पाँच जनादेखि १५ जनासम्मको समुहमा आउने गरेका छन् ।  पर्यटकीय क्षेत्र लाङटाङमा विदेशी पर्यटक भन्दा पनि स्वदेशी पर्यटक बढेको सोही क्षेत्रका पर्यटन व्यवसायी दिण्डुप तामाङले बताए । ‘यहाँ दैनिक करिब ५० जना आउने गरेका छन्, जसको कारण भूकम्पले थिलोथिलो पारेको व्यवसाय विस्तारै उठ्दै गएको छ’, उनले भने।

जिल्लामा सञ्चालित होटल व्यवसायीले स्वदेशी पर्यटकबाट मनग्य आम्दानी गरिरहेका छन्। स्वदेशी पर्यटकले न्युनतम पाँच हजारदेखि १५ हजारसम्म खर्च गर्ने गरेका छन् । जसका कारण पर्यटन व्यवसायी र होटल व्यवसायीलाई फाइदा पुगेको छ । यो समयमा धार्मिकस्थल गोसाइँकुण्ड, तेस्रो गन्तव्यस्थल लाङटाङ, ऐतिहासिकस्थल रसुवागढी, कालो गाउँको रुपले परिचित गत्लाङ र थुमनको नागथलीमा जाने स्वदेशी पर्यटक बढी छन्।

पर्यटकीय जिल्ला रसुवामा धार्मिक, सांस्कृतिक, प्राकृतिक, ऐतिहासिकस्थल हुनुका साथै विश्व कै दुर्लभ रेडपाण्डा, हिमचितुवा लगायतका जीवजन्तुको अध्ययन, अवलोकन गर्नका लागि स्वदेशी तथा विदेशी पर्यटक भित्रने गरेका छन् । जिल्लामा साना–ठूला गरी डेड सयको हाराहारी होटल सञ्चालनमा रहेका छन् । 

 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...