सेयर बजार ओरालो लाग्ने क्रम रोकियो

बिहिबार, २६ असोज २०७४, ०८ : ३९ विष्णु बेल्वासे


काठमाडौं- केही दिनयता निरन्तर ओरालो लागेको सेयर बजारमा पछिल्ला दुई दिनमा सुधार आएको छ । मंगलबार ०.७४ बिन्दुले सुधार आएको सेयर बजार बुधबार ३.३६ बिन्दुले बढेको हो ।

बैंकिङ प्रणालीमा लगानीयोग्य पुँजी पर्याप्त हुन थालेपछि सेयर धितो राखेर लिने कर्जाको ब्याज दर घट्ने अनुमान कारण सेयर बजार मापक नेप्से दुई दिनदेखि सुधारोन्मुख अवस्थामा छ ।

दुई दिनयता नेप्से परिसूचक धेरै नबढे पनि ओरालो लाग्ने क्रम रोकिएको स्टक ब्रोकर एसोसिएसनका पूर्वअध्यक्ष नरेन्द्रराज सिजापतिले बुधबार नागरिकलाई बताए । ‘बाम एकताले तर्सिएका साना लगानीकर्ताले सेयर बिक्री गरिसकेका र ठूला लगानीकर्ता पर्ख र हेरको स्थितिमा रहेकाले पनि सेयर बजार धेरै बढ्न नसकेको हो,’ उनले भने, ‘आगामी दिनमा बजार धेरै नबढे पनि ओर्लिने क्रम रोकिने छ ।’
बाम एकताले डराएका ठूला लगानीकर्ता केही दिन हेरौ न त भन्न थालेकाले पनि सेयर बजारमा धेरै सुधार आउन नसकेको एक विश्लेषकको भनाइ छ । ‘बाम एकताको त्रास सकिएको छ,’ ती विश्लेषकले भने, ‘अत्तालिएका साना लगानीकर्ताले बिक्री गरिसकेको र ठूला लगानीकर्ता केही दिन राजनीतिक माहोल हेरेर अगाडि बढ्ने अवस्थामा रहेका छन् ।’ चुनाव बिथोलिने अवस्था आयो भने सेयर बजार घट्न सक्छ, अन्यथा धेरै घट्ने अवस्था नभएको उनको विश्लेषण छ ।
सेयर धितो राखेर लिएको कर्जाको ब्याजदर घट्ने संकेत देखिएकाले पनि सेयर बजार ओरालो लाग्ने क्रममा कमी आउने अनुमान गरिएको सिजापतिको भनाइ छ । ‘सेयर धितो राखेर लिइने कर्जाको ब्याजदर बढेका कारण सेयर बजार ओरालो लागेको थियो,’ उनले भने, ‘कात्तिकदेखि सेयर बजारको ब्याज दरमा भारी गिरावट आउने अनुमान गरिएको छ । यसले पनि सेयर बजार धेरै घट्न दिँदैन ।’
बैंकमा लगानी गर्न आवश्यक रकम (तरलता) पर्याप्त हुन थालेकाले पनि ब्याज घट्ने निश्चित छ । त्यसैले पनि सेयर बजारमा सुधारको संकेत देखिएको हो ।
बुधबार नेप्से ३.३६ बिन्दुले उकालोे लागेर १५०५.९९ मा पुगेको छ । ब्याजदर र सेयर बजार एक अर्कासँग सम्बन्धित हुने गरेको विश्लेषक बताउँछन् । ब्याजदर बढ्दा सेयरको मूल्य घट्ने गर्छ, ब्याजदर घट्दा बढ्छ ।
यसअघि बैंकको ब्याजदर बढेकाले सेयर बजारमा गिरावट आएको थियो । ‘यसअघि ब्याजदर बढी थियो । सेयरको भाउ पनि घटेको थियो,’ सिजापतिले भने, ‘ब्याजदर घटेसँगै सेयर मूल्यमा बढने देखिन्छ ।’
तीव्र गिरावटको क्रम रोकिएपछि लगानीकर्ताको मनोबलमा सुधार आएको विश्लेषकको भनाइ छ । लगानीकर्ता बजारप्रति आशावादी बन्न थालेको उनीहरुको टिष्पणी छ ।
सेयर बजारमा झिनो सुधार आए पनि कारोबार रकममा भने खासै वृद्धि हुन सकेको छैन् । दैनिक ७०–८० करोडको सेयर कारोबार हुने गरेकोमा अहिले त्यसको आधा रकमको मात्रै कारोबार हुँदै आएको छ ।
बुधबार १ सय ६३ कम्पनीको सेयर कारोबार भएको बुधबारको बजारमा ३२ करोड २३ लाख रुपैयाँ बराबरको ७ लाख ५४ हजार ५३ कित्ता सेयर तीन हजार सात सय ९४ पटक कारोबार भएको छ । अघिल्लो दिन मंगलबार ३० करोड ७० लाख रुपैयाँको सेयर किनबेच भएको थियो ।
बुधबार बाणिज्य बैंक, फाइनान्स, उत्पादन समूह बाहेक अरु सबै सूचक बढेको छ । सबैभन्दा बढी बिमा समूहको ६० बिन्दुले र सबैभन्दा कम व्यापार समूहमा २.११ बिन्दुको वृद्धि भएको छ । उत्पादन समूहमा सबैभन्दा बढी १४.३३ बिन्दुको गिरावट आएको छ । फाइनान्स ०.१४ बिन्दु तथा वाणिज्य बैंक ०.६ बिन्दुले ओरालो लागेको छ ।
सिर्जना फाइनान्सको सेयर मूल्य सबैभन्दा बढी ७.८५ प्रतिशतले बढेर पाँच सय ७७ रुपैयाँमा कारोबार बन्द भएको छ । बुधबार रिडी हाइड्रोपावर, सहयोगी विकास बैंक र कैलाश विकास बैंकको सेयर मूल्य पाँच प्रतिशतभन्दा धेरैले बढेको छ । सूर्योदय लघुवित्त, युनाइटेड मोदी, प्रुडेन्सियल इन्स्योरेन्स, चिलिमे हाइड्रोपावर र वोमी माइक्रोफाइनान्सका सेयरधनीले तीन प्रतिशतभन्दा धेरै कमाए ।
नेपाल कम्युनिटी डेभलपमेन्ट बैंक, काबेली विकास बैंक, खानीखोला हाइड्रोपावर र गोर्खाज फाइनान्सको सेयर मूल्य पाँच प्रतिशतभन्दा धेरैले घटेको छ । त्यसैगरी आइसिएफसी फाइनान्स, कन्काई विकास बैंक,जनरल फाइनान्स, हिमालय डिस्टीलरी, रुरल माइक्रोफाइनान्स र बरुण हाइड्रोपावरका सेयरधनीले समेत तीन प्रतिशतभन्दा धेरै गुमाए ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...