शरीरिक सुगठनका खेलाडीको स्वागत

बिहिबार, २६ असोज २०७४, ०९ : १३ नागरिक


काठमाडौं- नवौं विश्व शारीरिक सुगठन च्याम्पियनसिपमा पदक जितेको नेपाली टोली बुधबार नेपाल आइपुगेको छ । प्रतियोगितामा नेपालले एक रजत र एक कांस्य पदक जितेको थियो ।
अक्टोबर ६ देखि ९ सम्म मंगोलियाको उलन्बटारमा भएको च्याम्पियनसिपमा ननिता महर्जनले १६० सेन्टिमिटर उचाइमा रजत पदक जितेकी थिइन् । पुरुष ६० किलोमा रुजेश शाहीले कांस्य पदक जितेका थिए ।
अन्तराष्ट्रिय स्पर्धामा ननिताले दोस्रो पटक पदक जितेकी हुन् । उनले थाइल्यान्डमा भएको प्रतियोगिताको आठौं संस्करणमा कांस्य जितेकी थिइन् । र उनी नेपाली शारीरिक सुगठनमा अन्तर्राष्ट्रिय पदक जित्ने पहिलो खेलाडी हुन् । टोलीलाई नेपाल शारीरिक सुगठन तथा फिट्नेस संघले स्वागत गरेको हो ।
यसै गरी कांस्य जितेका रुजेश थाइल्यान्डमा भएको सातौं  विश्व च्याम्पियनसिपको रजत पदक विजेता हुन् । उनले त्यति बेला ५५ किलोमा प्रतिस्पर्धा गरेका थिए । मंगोलियामा भएको प्रतियोगितामा नेपालबाट ननिता, रुजेशसँगै कमल भण्डारीले ५५ किलोमा प्रतिस्पर्धा गरेका थिए । कमल गत अगस्टमा दक्षिण कोरियाको सिओलमा भएको ५१ औं एसियाली शारीरिक सुगठनका कांस्य विजेता हुन् ।
बुधबार पदक विजेता टोलीलाई राष्ट्रिय खेलकुद परिषद् (राखेप) का सदस्य–सचिव केशवकुमार विष्ट, शारीरिक सुगठन संघका महासचिव राजन श्रेष्ठलगायतका पदाधिकारीले बधाई दिदै स्वागत गरेका थिए । सदस्यसचिव विष्टले पदक जित्ने खेलाडीलाई नगद पुरस्कार प्रदान गर्नका लागि सरकारलाई सिफारिस गर्ने बताए ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...