च्यासल मैदानलाई सहयोग गर्ने प्रतिबद्धता

बिहिबार, २६ असोज २०७४, ०९ : २२ नागरिक


काठमाडौं- नेपाल भ्रमणमा आएका एसियाली फुटबल महासंघ (एएफसी) अध्यक्ष शेख सलमानले सहिद स्मारक लिग फुटबल र च्यासल फुटबल मैदानलाई तयारी गर्न सहयोग गर्ने प्रतिबद्धता व्यक्त गरेका छन् ।
फिफाको सहयोगमा च्यासलमा अन्तर्राष्ट्रिय स्तरको फुटबल रंगशाला निर्माणमा सहयोग गर्ने अध्यक्ष सलमानले बुधबार नेपाली फुटबल अधिकारीसमक्ष बताए । अध्यक्ष सलमानले बुधबार सातदोबाटोस्थित एन्फा कम्प्लेक्समा अखिल नेपाल फुटबल संघ (एन्फा) अध्यक्ष नरेन्द्र श्रेष्ठलगायतका पदाधिकारीसँग छलफल गरेका थिए ।
एन्फा सिइओ इन्द्रमान तुलाधरका अनुसार एएफसी अध्यक्ष सलमान दशरथ रंगशाला मर्मत, च्यासल फुटबल मैदान, धरान र बुटवलको एकेडेमी मर्मत गर्न सकारात्मक देखिएको बताएका छन् ।
यसै गरी नेपालको लिग सञ्चालन गर्न फिफाले सहयोग गर्ने रकमलाई समयमा उपलब्ध गराउन पनि पहल गर्ने सलमानले बताएका छन् ।
अध्यक्ष सलमान दुईदिने भ्रमणका लागि मंगलबार नेपाल आएका थिए । सलमानले खेलमिलेमतोको घटनामा नेपालले राम्रो काम गरेको बताउँदै अन्तर्राष्ट्रिय प्रतियोगिता आयोजनामा नेपालले राम्रो गरिरहेको बताए । भूकम्पले दुखद अवस्थाको सृजना गरेपछि पनि नेपालले फुटबलको विकासमा बिस्तारै राम्रो गर्दै गएको सलामानले बताएका थिए ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...

नेपाल भारतका कला ‘एकै छाँया’मुनी

नेपाल भारतका कला ‘एकै छाँया’मुनी

फाइन आर्टमै पिएचडी गरेकी भारतकी कलाकार डा.सरोज रानीको कला यसबेला नेपाल कला परिषदमा प्रदर्शन भइरहेको छ । सोमबारदेखि सुरु भएको...

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...