एमाले र माओवादी प्रारम्भिक सहमति

प्रदेश २ र ६ मा आधा–आधा सिट

बिहिबार, २६ असोज २०७४, ०९ : ३४ प्रकाश तिमल्सिना  | @prakashujyalo


काठमाडौं- नेकपा एमाले र माओवादी केन्द्र गठबन्धनको कार्यदलमा प्रदेश नम्बर २ र प्रदेश नम्बर ६ मा प्रतिनिधिसभा सदस्य निर्वाचनका लागि बराबरी हुनेगरी सिट संख्या बाँडफाँट गर्ने प्रारम्भिक सहमति भएको छ ।
प्रारम्भिक सहमति अनुसार प्रदेश २ मा एमालेले १६ र माओवादीले १६ सिट तथा प्रदेश ६ मा एमालेले ६ र माओवादी केन्द्रले ६ सिट पाउने छन् । प्रदेश २ र ६ सहित अन्य प्रदेशका बारेमा निर्णय लिन बिहीबार बिहान संयुक्त कार्यदलको बैठक बस्दैछ ।
‘प्रदेश नम्बर २ मा एमाले र माओवादीबीच बराबर हुनेगरी प्रतिनिधिसभाका लागि निर्वाचन क्षेत्र भागबन्डा गर्ने सहमति भइसकेको छ,’ माओवादी नेता भरत साहले नागरिकसँग भने, ‘जसअनुसार प्रदेश नम्बर २ मा एमालेले १६ र माओवादीले १६ वटा सिट पाउने छ । त्यसका लागि कुनकुन निर्वाचन क्षेत्र भन्ने विषयमा कार्यदलको बैठकले अन्तिम टुंगो लगाउनेछ ।
‘प्रदेश २ बाट  प्रतिनिधिसभाका कम्तीमा १५ वटा सिट जित्ने उद्देश्यसहित भागबन्डा गरिँदैछ,’ स्रोतले भन्यो । जसअनुसार सप्तरी, वारा र पर्सामा एमालेले बढी क्षेत्र पाउने छ भने माओवादीले सिरहामा बढी क्षेत्र पाउने छ । ६४ वटा प्रदेशसभा सदस्यको हकमा एमालेले जितेका स्थानीय तह रहेका प्रदेशमा एमालेले नै प्राथमिकता पाउने छ भने माओवादीको हकमा पनि यही नीति लागू हुनेछ ।
प्रदेश नम्बर ६ बाट प्रतिनिधिसभामा १२ सदस्य निर्वाचित हुनेछन् । त्यसमध्ये एमालेलाई ६ र माओवादीलाई ६ वटा बाँटफाँट गर्ने प्रारम्भिक सहमति जुटेको छ । तर, ६ नम्बर प्रदेशसभाका बारेमा भने सहमति हुन सकेको छैन ।
एमालेको भागमा दैलेखका २ वटा निर्वाचन क्षेत्रसहित मुगु, डोल्पा र सुर्खेत–१ परेको छ भने माओवादी केन्द्रलाई जाजरकोट, रुकुम, सल्यान, कालिकोट, जुम्ला परेको छ । तर, सुर्खेत–२ र हुम्ला कसलाई दिने÷लिने भन्ने विषयमा टुंगो लाग्न सकेको छैन ।
‘सुर्खेत–२ र हुम्ला कुन पार्टीले लिने र प्रदेशसभा सदस्य सिट संख्या बाँडफाँट टुंगिन बाँकी छ,’ एमाले प्रचार विभागका सचिव विष्णु रिजालले भने । उनका अनुसार केही दिनभित्र यो विषय टुंगो लाग्दैछ ।
प्रदेश नम्बर १ मा माओवादीलाई प्रतिनिधिसभाका लागि ५ सिट दिइने प्रस्ताव एमालेबाट गएको छ । प्रदेश ४ मा  माओवादीलाई अन्य प्रदेशमा भन्दा बढी सिट दिने विषयमा मोटामोटी सहमति भएको छ । तर, प्रदेश नम्बर ३ मा सिट बाँडफाँटमा सबैभन्दा बढी जटिलता देखिएको छ । एमालेले ६० र माओवादी केन्द्रले ४० प्रतिशत सिट पाउने सहमतिअनुसार निर्वाचन क्षेत्र भागबन्डा गरिँदैछ । कार्यदललाई असोज २२ गते नै बाँडफाँट टुंग्याउनुपर्ने निर्देशन भए पनि दुवै दलले आन्तरिक तयारी पूरा नगर्दा बुधबारसम्म पनि टुंगिन सकेको छैन् ।
 

संयुक्त घोषणापत्रको तयारी
एमाले र माओवादीले संयुक्त रुपमा चुनाव घोषणापत्र निर्माण कार्यलाई अन्तिम चरणमा पु¥याएका छन् । आत्मनिर्भरतासहितको आर्थिक विकास र समृद्धिको मूल अजेन्डासहितको घोषणापत्र लेखन कार्य भने अन्तिमतिर पुगेको बताइएको छ । ‘सामाजिक समानता र न्यायसहितको आर्थिक समृद्धि र विकास मुख्य अजेन्डा रहनेछ,’ माओवादी नेता नारायणकाजी श्रेष्ठले भने, ‘घोषणापत्र लेखन कार्य अन्तिमतिर पुगिसकेको छ ।’ उनका अनुसार कार्यदलका सदस्यलाई विभिन्न विषय बाँडफाँट गरेर घोषणापत्र लेखन कार्य भइरहेको छ ।  






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...