चार धर्मका गूरुको एकै मञ्च

सोमबार, ३० असोज २०७४, १७ : ४५ गिरिराज बाँस्कोटा


जोरपोखरी (पाँचथर)- हरियालीले ढाकेको जोरपोखरी  बजार सजाएर झकिझकाउ थियो । घरघरमा घडा राखिएका थिए । सफा चिटिक्क परेको पोखरी । पोखरी आसमापसमा धार्मिक अनुष्ठान । पोखरीको छेउमै किरातहरुको ‘माङहिम’ अर्कोपर्टी संस्कृत पाठशाला । जोरपोखरी बजारमा झाकिसहितको र्‍याली निस्कियो।

र्‍यालीमा विभिन्न धर्म तथा जातसम्बन्धी झाकिहरु थिए । साथमा थिए चार धर्मका ख्याती कमाएका गुरुहरु । गुरुहरु एउटै लाईनमा माल र खादामा सझिएर हिडिरहेका देखिन्थे । झण्डै दुई किलोमीटर टाढा रहेको चतुरे बजारबाट र्याली निस्कियो । चतुरेबजारवासिको सम्मान पछि र्‍याली अघि बढ्यो । मौसम खुलेर छर्लङ देखिएको कुम्र्भकण लगायतका हिमशृखला, निलाम्ब्य आकाश, ढकमक्क फूलेको सयपत्रि फूलका साथमा घडाराखेर स्वागत गरिएको थियो । वाहुन, क्षेत्री, लिम्बु, राई, तामाङ, शेर्पा लगायतका सास्कृतिक झाँकिहरु थिए । विभिन्न ठाँउमा माला, खदा ओडाएर गुरु र विशिष्ट पाउनाको स्वागत गरे स्थानीयले ।

र्‍यालीमा थिए हिन्दु, वौद्ध, किरात र इसाई (क्रिष्टियन)का गुरुहरु । र्‍याली जोरपोखरीको छेउमा पुगेर मञ्चतर्फ लाग्यो। ‘बहुधार्मिक ज्ञान सागर’ नामकरण गरिएको कार्यक्रमको उद्घाटन यहि भयो । तीन दिनसम्म यो कार्यक्रम चल्ने छ। संगीनी, केलाङ, डम्फू नाच लगायतका प्रस्तुती राखिए । विभिन्न दर्शनमा आधारीत धर्मगुरु एउटै मञ्चमा देखा पर्दा सहभागि निक्कै उत्सुक समेत देखिए ।  ज्ञानसागरसँगै सास्कृतिक मेलासमेत राखिएको छ । तीनै दिन परम्परागत स्थानीय सस्कृतिको प्रस्तुती हुने बताइएको छ । यहिवाट चारधर्मका गुरुहरुले एकै ठाँउवाट पालैपालो आफ्नो प्रवचन गर्ने कार्यक्रम राखिएको छ । यहि मञ्चबाट लोभलाग्दो प्रकृति भएको सुन्दर जोरपोखरीमा समाजिक सद्भाव प्रवद्र्धन गर्ने भन्दै चार धर्मका ख्याती प्राप्त गुरुहरुले प्रवचन दिने कार्यक्रम राखिएको हो । धार्मिक अनुष्ठानहरुले घेरीएको जोरपोखरीमा धार्मिक गुरुहरुले प्रवचन दिईरहेका छन ।

धर्मको अन्तिम सार एउटै रहेको सन्देश दिलाउन गुरुहरुले पालैपालो प्रबचन दिईरहेका छन । हिन्दुधर्मका दुर्गा प्रसाद खतिवडा, डा.पुन्य प्रसाद पौडेल, किरातका डा. चन्द्रकुमार शेर्मा, देउवहादुर तुम्बापो, बौद्धका लामा ङावाङ तेन्जीङ शेर्पा र क्रिष्ट्रियनका एनडी थुलुङ तथा कविर गुरुङले प्रवचन दिईरहेका छन । चार घर्मका आठ गुरुहरुले विभिन्न विषयमा प्रवचन दिईरहेका हुन ।

उद्घाटन समारोहका बक्ताहरुले विभिन्न धर्मका गुरुहरुले एकैठाँउमा बसेर प्रवचन दिदा समाजमा सकारात्मक सन्देश जाने बताएका थिए । पालैपालो प्रवचन गर्ने कार्यक्रम बनाइएको छ । प्रवचनमा स्थानियहरुले सहभागिता छ । गुरुहरुले एकको प्रवचन अर्कोले सुन्दै छन ।  पहिलो चरणमा इलाईवाट प्रवचन सुरु भएको छ । प्रवचन दुई चरणमा गर्ने कार्यक्रम रहेको आयोजक जनउद्वार संघका अध्यक्ष वालकृष्ण ओझाले जानकारी दिए ।  यस्ता कार्यक्रमले धर्महरुविच सद्भावको सृजना गर्ने डा. शेर्माको बुझाई छ । प्रवचन सुन्न सहभागिको संख्या उलेख्य रहेको छ । युनएडिपिको सहयोगमा ज्ञानसागर आयोजना भएको हो । स्थानियले उत्सहापूर्वक कार्यक्रमलाई भव्यता दिएका छन ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...

श्रेयाको ‘मनचरी’ सार्वजनिक

श्रेयाको ‘मनचरी’ सार्वजनिक

गायिका श्रेया सोताङको मनचरी बोलको गीत सार्वजनिक भएको छ । गायिका सोताङको एल्बम प्रेलुडमा समावेश गरिएको उक्त गीतलाई कल्याण सिंहले...

आकाशमा धुलो धुवाँको संगीत

​ गार्इ पाल्यो रेलीमाई बनको बाघलाई छोरो पाल्यो रेलीमाई जर्मनको धावालाई... ...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...