तिहारलाई कोसेली ‘रानी’ र ‘रुद्रप्रिया’

बिहिबार, ०२ कार्तिक २०७४, ११ : ५२ नागरिक


काठमाडौं- तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन गर्ने क्रम पछिल्लो समयमा बढिरहँदा यसपटकको तिहारमा यी दुई फिल्म प्रदर्शन हुन लागेका हुन् ।
नायिका रेखा थापाको रेखा फिल्मस्ले नायक आर्यन सिग्देलको आर्यन सिग्देल इन्टरटेनमेन्टसँग सहकार्य गर्दै निर्माण गरेको फिल्म ‘रुद्रप्रिया’मा रेखा र आर्यनको अनस्क्रिन जोडी दर्शकले हेर्न पाउनेछन् । फिल्ममा गायक तथा संगीतकार राजन इसानको पनि अभिनय छ ।
सात वर्ष अघि फिल्म ‘कसले चो¥यो मेरो मन’ मा अभिनय गरेपछि अलग्गिएका आर्यन र रेखाको जोडी ७ वर्षपछि ‘रुद्रप्रिया’मार्फत् पुनरागमन गर्न लागेका हुन् । एसिड आक्रमणमा परेपछि  युवतीले भोग्ने विषयलाई प्रस्तुत गरिएको फिल्म ‘रुद्रप्रिया’को लेखन तथा निर्देशन सुदीप बबी भुपाल सिंहले गरेका हुन् । फिल्मले गत सोमबार राजधानीमा प्रिमियर सो गरेको थियो । प्रिमियरमा फिल्म हेर्नेले फिल्मको विषय र कलाकारको अभिनय राम्रो रहेको प्रतिक्रिया दिएका छन् ।
एमके पौडेल कार्यकारी निर्माता रहेको फिल्ममा संजय लामाको छायांकन, सुरेश अधिकारी, अर्जुन पोख्रेल र राजनराज सिवाकोटीको संगीत छ । त्यस्तै त्रिकोणात्मक प्रेमकथामा निर्माण गरिएको फिल्म ‘रानी’को निर्देशन दयाराम दाहालले गरेका हुन् । फिल्ममा मलिना जोशी, अनुपविक्रम शाही, सारुक ताम्राकार, मनिष सुन्दर श्रेष्ठलगायतका कलाकारको अभिनय छ ।
भानु महर्जनको प्रस्तुतिमा विमल गुभाजुले निर्माण गरेको फिल्ममा सुशन खड्काको पनि अभिनय रहेको छ । फिल्ममा अष्ट महर्जनको द्वन्द्व, अर्जुन जिसीको सम्पादन, बब्बु थापाको नृत्य, यम थापाको लेखन र पुरुषोत्तम प्रधान र मानकृष्ण महर्जनको छायांकन छ । फिल्मबाट मनिष सुन्दर श्रेष्ठ र शारुक ताम्राकारले डेब्यु गर्दैछन् । मनिष अभिनेता शिव श्रेष्ठका भतिजा हुन् भने शारुक चरित्र अभिनेता सानु ताम्रकारका छोरा हुन् ।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

नयाँ मिस नेपालको खोजी

नयाँ मिस नेपालको खोजी

मिस नेपालको आयोजना गर्दै आएको द हिडेन ट्रेजरले नयाँ संस्करणको मिस नेपालको तयारी थालेको छ । ...

‘पशुपति’ मा नीताको ‘हुर्रे’

‘पशुपति’ मा नीताको ‘हुर्रे’

आगामी फागुन २५ गतेबाट प्रदर्शनमा आउने फिल्म ‘हुर्रे’को दोस्रो गीत ‘पशुपति’ सार्वजनिक भएको छ । राजधानीमा आइतबार आयोजित कार्यक्रममा फिल्म...

ट्रेलर लिएर आइन् ‘कान्छी’

फागुन ४ मा प्रदर्शनमा आउन लागेको फिल्म ‘कान्छी’को ट्रेलर सार्वजनिक भएको छ । झन्डै तीन वर्षअघि फिल्म ‘कोहिनूर’मा अभिनेता श्रीकृष्ण...

‘कान्छी’को ट्रेलर सार्वजनिक

‘कान्छी’को ट्रेलर सार्वजनिक

अभिनेत्री श्वेता खड्काको फिल्म ‘कान्छी’ को ट्रेलर सार्वजनिक गरिएको छ। आफै निर्माता रहेकी श्वेताले बुधबार पत्रकार सम्मेलन गरी ट्रेलर सार्वजनिक...