सिंहपुर पर्यटकीय गाउँ बन्दै

बिहिबार, ०२ कार्तिक २०७४, १३ : ३६ नागरिक


कञ्चनपुर –थारु संस्कृतिले समृद्ध कञ्चनपुरको कृष्णपुर नगरपालिका–६ स्थित सिंहपुर गाउँ पर्यटकीय गाउँका रुपमा विकसित हुन थालेको छ ।लोप हुँदै गएका परम्परागत मनमोहक नृत्य, गीत, पहिरन र आभूषण जगेर्नामा यस गाउँका बासिन्दा लागिपरेका छन् ।

'गाउँमा थारु संस्कृति, पहिरन र परिकारको स्वाद लिनका लागि आउने आन्तरिक र बाह्य पर्यटकसँग गरिने व्यवहारबारे युवालाई जानकारी दिने गरेका छैं,' गाउँका बुद्धिराम चौधरीले भने,' थारु नाच, संस्कृति, रीतिरिवाज, बोलीभाषा र परिकार पर्यटक तान्ने साधनका रुपमा परिचित हुँदैछन् । गाउँलाई होमस्टेका रुपमा विकास गर्न पूर्व तयारीका लागि नगरपालिकाले  दुई लाख सहयोग गरेको छ ।'

बजारका होटल तथा रेस्टुरेन्टमा नपाइने थारु परिकार सिंहपुरको थारु होमस्टेमा पाइन्छ । स्थानीयवासी बाबुराम चौधरी होमस्टेमा एक पटक एक सय जना पर्यटकलाई राख्न सकिने बताए । थारु नाचलाई नयाँ ढंगले प्रस्तुत गरी पर्यटकलाई मनोरञ्जन दिनका लागि एक महिनामै पाँचभन्दा बढी नाच टोली गठन गरिएको छ । परम्परागत सीपको प्रयोग गरी पौवा, पिर्का, चक्या, कोल्ह, गैंजा, सुप्पा, खटया, व्याना, गोन्ड्री, बेर्रा, भौंका, भोक्टी वा गागरी, चटवा, डब्ला, छत्तरी, खोङ्ध्या, डेह्री, ढेंकी, ढकिया र डेलवालगायत निर्माण गरी प्रदर्शन र पर्यटकलाई थोरै शुल्कमा उपलब्ध गराउन होमस्टे संञ्चालन गरिएको उनले जानकारी दिए ।

थारु महिलाले लगाउने परम्परागत पहिरन फरिया, दैनाहा, झुल्वा, चोल्या, गोटबन्हा तथा गहनामा गुरिया, गटैया, ककनी, कारा, भिच्छा, मुन्द्री, मगौरी, झुम्का, झिमल्या, टर्की, वीर, टौका, सुट्या, झुम्का माला, हातमा लगाउने बिजाइत, बाजु, बाँका, टँर्या आदिको जोर जम्मा गर्न थालिएको छ । थारु समुदायका मुख्य चाडपर्व अष्टिम्की, अट्वारी, डस्या, डेवारी, माघी, होरीलगायतका बारेमा जानकारी दिने र यस अवसरमा पस्कने मीठा परिकार पर्यटकलाई दिने व्यवस्थाका लागि योजना निर्माण गरिएको छ । पूर्व–पश्चिम राजमार्गको कृष्णपुर नगरपालिकाको गुलरिया बजारबाट झण्डै दुई किलोमिटिर दक्षिणतर्फ सिंहपुर गाउँ रहेको छ । गाउँमा ५२ परिवार थारु समुदायको बसोबास छ ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...

श्रेयाको ‘मनचरी’ सार्वजनिक

श्रेयाको ‘मनचरी’ सार्वजनिक

गायिका श्रेया सोताङको मनचरी बोलको गीत सार्वजनिक भएको छ । गायिका सोताङको एल्बम प्रेलुडमा समावेश गरिएको उक्त गीतलाई कल्याण सिंहले...

आकाशमा धुलो धुवाँको संगीत

​ गार्इ पाल्यो रेलीमाई बनको बाघलाई छोरो पाल्यो रेलीमाई जर्मनको धावालाई... ...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...