ह्वाट्सएप प्रतिबन्धको विरोध

आइतबार, १९ कार्तिक २०७४, ११ : ३४ एजेन्सी


काबुल– अफगानिस्तान सरकारले गरेको ह्वाट्सयाप र टेलिग्राम म्यासेजिङ सेवामा प्रतिबन्ध लगाउने निर्णयको व्यापक विरोध भएको छ। 

अफगानिस्तानमा लोकप्रिय सन्देशवाहक इन्टरनेट सेवा प्रयोगमा रोक लागेपछि पत्रकार, सञ्चार समूह र सामाजिक सञ्जाल प्रयोगकर्ताले सरकारले नियन्त्रणको नीति लिएको आरोप लगाएका छन् ।

अफगानिस्तानका सरकारी अधिकारीहरुले भने सुरक्षाका कारण ह्वाट्सयाप र टेलिग्राममाथि अस्थायी प्रतिबन्धको आदेश दिइएको बताएका छन् । अफगानिस्तानमा सन्देशवाहक इन्टरनेट सेवा खासगरी ह्वाट्सयाप अहिले निकै लोकप्रिय रहेको छ । तर यो साता सरकारले टेलिग्रामसहित त्यसमा २० दिने प्रतिबन्ध लगाएपछि सामाजिक सञ्जाल प्रयोगकर्ता आक्रोशित भएको बिबिसीले उल्लेख गरेको छ। सरकारको पछिल्लो निर्णयबाट वरिष्ठ पत्रकारसहित मिडिया स्वतन्त्रता समूहहरु क्रुद्ध बनेका छन् । अफगानिस्तानको एक प्रमुख पत्रिकाका प्रधानसम्पादक पर्विज कावाले वर्षौं लामो नियन्त्रणपछि अफगानिस्तान खुला समाज भएको उल्लेख गर्दै सामाजिक सञ्जालमाथिको कुनै खालको प्रतिबन्ध सह्य नहुने बताए।

‘यदि तालिवान वा अरुले ती सेवाको प्रयोग गरिरहेका छन् भने कसले प्रयोग गरेको छ, त्यो पत्ता लगाउनु पर्छ, प्रतिबन्ध लगाउने होइन । अफगानिस्तानको विकासको विन्दुमा सामाजिक सञ्जालमातिथ प्रतिबन्ध लगाउनु निकै संवेदनशील कुरा हो,’ कावालाई उल्लेख गर्दै बिबिसीले जनाएको छ । सरकारको पछिल्लो कदमलाई पश्चगामी कदमको संज्ञा दिँदै उनले त्यसको विरोध गरिने बताए।

सरकारले सुरक्षा संवेदनशीलता देखाउँदै ह्वाट्सयाप र टेलिग्राममा अस्थायी रोक लगाउने निर्णय गरेपनि त्यस निर्णय लागू भएको कुनै प्रमाण नदेखिएको बिबिसीले उल्लेख गरेको छ । तर दूरसञ्चार सेवा नियामक निकायका अधिकारीहरुले सेवाप्रदायकहरुलाई ती सेवामा अस्थायी रोक लगाउन लेखेको पुष्टि भने गरेका छन्।

अफगानिस्तानका कार्यवाहक सञ्चारमन्त्री सहजाद अर्योबीले पनि फेसबुकमा एउटा सन्देश लेख्दै असंख्य गुनासो प्राप्त भएपछि नियामक निकायलाई प्रविधिक समस्या सुल्झाउन सन्देशवाहक सेवामा क्रमिक रोक लगाउन आदेश दिइएको जनाएका छन् । ‘सरकार अभिव्यक्ति स्वतन्त्रताप्रति प्रतिवद्ध छ र यो हाम्रा जनताको आधारभूत नागरिक अधिकार हो भन्ने पनि जानेको छ,’ उनले लेखेका छन् । अफगाननिस्तानमा सक्रिय आतंकवादी समूह तालिवानले पनि आफूबीचको सामूहिक सन्देश आदानप्रदान गर्न ह्वाट्सयाप लगायतको सेवा प्रयोग गरिरहेको बताइन्छ। 

सन् २००१ मा अमेरिकी नेतृत्वमा सैन्य कारबाही सुरु भएयता अफगानिस्तानमा भएका सकारात्मक विकासमध्ये मोबाइल सेवाको विस्तारलाई पनि एक मानिन्छ । तर मोबाइलको ‘नेटवर्क’ र आवाजको स्पष्टताबारे प्रयोगकर्ताहरुले बारम्बार गुनासो गर्दै आएका छन्।

ह्वाट्सयाप, फेसबुक म्यासेन्जर र भाइबर अफगान नागरिक र राजनीतिज्ञहरुले व्यापक रुपमा प्रयोग गर्ने गरेका छन्।





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

कविशिरोमणि रचनावली प्रकाशित

कविशिरोमणि रचनावली प्रकाशित

कविशिरोमणि लेखनाथ पौड्यालका सम्पूर्ण कृतिहरूको संगालोका रुपमा कृति ‘कविशिरोमणि रचनावली’ बजारमा आएको छ । पाँच खण्डमा समेटिएको कृति कवि शिरोमणिको...

राजधानीमा थपियो नयाँ नाटक घर

राजधानीमा थपियो नयाँ नाटक घर

चिनियाँ कथाकार लु स्युनको कथामा आधारित ‘म्याड म्यान्स डायरी’को मञ्चनसँगै राजधानीमा नयाँ नाटघकर खुलेको छ। ...