काठमाडौं– भियतनामको हो चि मिन शहरमा भैरहेको एसियन वुमन एलिट बक्सिङ च्याम्पियनसिपमा नेपाली बक्सर ललिता महर्जन पदक जित्न असफल भएकी छिन्। 

शनिबार क्वार्टरफाइनलमा ललिता मंगोलियाकी जार्गन ओर्छिबाटसँग अंकको आधारमा पराजित भइन । 
४८ केजी तौल समुहमा प्रतिस्पर्धा गरेकी ललिता र ओर्छिबाटबीचको खेल तेस्रो चरण सम्म बराबरी अवस्था थियो । तर तेस्रो चरणको अन्त्यतिर अंक आधारमा ललिता कांस्य पदक जित्न असफल भइन । जारी प्रतियोगितामा ललिताले यसअघि सिगांपुरकी लिना हुँ जिन ईलाई पराजित गर्दै क्वार्टरफाइनल पुगेकी थिइन। 

आइतबार क्वार्टरफाइनलमा नेपालकी पुनम रावलले ६४ केजी तौल समुहमा थाइल्यान्डकी पेमालिन लाकपेनसँग प्रतिस्पर्धा गदैछिन । प्रतियोगितामा यसअघि नेपाली खेलाडी विमला श्रेष्ठ र संगीता सुनारले आ–आफ्नो खेलमा हार सामना गरिसकेका छन् । विमलाले  ५४ केजी तौल समुहमा र संगीताले ६० केजी तौल समुहमा प्रतिस्पर्धा गरेका थिए ।

प्रकाशित: १९ कार्तिक २०७४ ०६:०७ आइतबार