दुई महिनामा विदेशी पर्यटकबाट आठ अर्ब रुपैयाँ भित्रियो

आइतबार, २६ कार्तिक २०७४, ११ : २५ अर्जुन तामाङ


काठमाडौं- चालु आर्थिक वर्ष ०७४÷७५ को पहिलो दुई महिनामा विदेशी पर्यटकबाट आठ अर्ब रुपैयाँ नेपाल भित्रिएको छ । नेपाल राष्ट्र बैंकको तथ्यांक अनुसार चालु आवको साउन र भदौ महिनामा नेपाल घुम्न आउने पर्यटकबाट आठ अर्ब ११ करोड रुपैयाँ भित्रिएको हो ।
गत आवको सोही अवधिको तुलनामा यो करिब ६१ करोड रुपैयाँ बढी हो । नेपाल घुम्न आउने पर्यटकबाट गत आवको पहिलो दुई महिनामा सात अर्ब ५० करोड रुपैयाँ आर्थिक उपार्जन भएको थियो ।
राष्ट्र बैंकको तथ्यांक अनुसार सन् ०१६÷१७ मा नेपालमा विदेशी पर्यटकबाट ५८ अर्ब ५२ करोड ६९ लाख रुपैयाँ भित्रिएको थियो, जुन ०१५÷१६ मा नेपाल घुम्न आएका विदेशी पर्यटकले गरेको खर्चभन्दा ४० प्रतिशत बढी हो । सो अवधिमा ४१ अर्ब ७६ करोड रुपैयाँ भित्रिएको थियो ।
नेपाली पर्यटकले विदेश भ्रमणमा गर्ने खर्च वार्षिक रुपमा घटेको छ । गत आवको दुई महिनामा १४ अर्ब ५० करोड रुपैयाँ बाहिरिएको थियो भने यस आवमा ७९ खर्ब ९२ करोड रुपैयाँमात्रै बाहिरिएको छ ।
यसैगरी, चालु आर्थिक वर्षको पहिलो दुई महिनामा नेपाल आएर विदेशीले गर्ने खर्चको तुलनामा नेपालीले विदेश भ्रमणमा गर्ने खर्च वृद्धि भएको देखिन्छ । चालु आवको दुई महिनामा नेपालीले विदेशमा गएर १३ अर्ब ६३ करोड रुपैयाँ खर्च गरेको राष्ट्र बैंकको तथ्यांकमा उल्लेख छ ।
विदेशी आगमन २३ प्रतिशत बढ्यो
नेपाल भ्रमणमा आउने विदेशी पर्यटकको संख्या २३ प्रतिशतले वृद्धि भएको छ । चालु वर्ष सन् २०१७ को १० महिनामा गत वर्षको यसै अवधिको तुलनामा पर्यटकको संख्यामा बढेको हो ।
सन् २०१७ को १० महिनामा नेपाल भ्रमणमा आउने पर्यटकको संख्या सात लाख ५७ हजार चार सय ४८ पुगेको अध्यागमन विभागले जनाएको छ । यो वर्षको अक्टोबरसम्म नेपाल आउने पर्यटकको संख्या २०१६ मा आएका कुल पर्यटक संख्याभन्दा बढी हो ।
सन् २०१६ मा सात लाख ५३ हजार विदेशीले नेपाल भ्रमण गरेका थिए । यस्तो संख्या सन् २०१७ को १० महिनामै सात लाख ५७ हजार पुगिसकेको छ ।  ।
सन् २०१६ को अक्टोबरसम्म पाँच लाख ८४ हजार एक सय चार विदेशीले नेपाल भ्रमण गरेका थिए । २०१४ मा पर्यटक आगमन संख्या आठ लाख हाराहारी थियो । सन् २०१५ मा भने भूकम्प र भारतीय नाकाबन्दीका कारण पाँच लाख ४० हजारले मात्रै नेपाल भ्रमण गरेको तथ्यांक छ ।
सन् २०१५ मा कुल ४० प्रतिशतले गिरावट आएको पर्यटक आगमन सन् २०१६ मा ३२ प्रतिशतले वृद्धि भएको थियो । सन् २०१७ मा १० लाखभन्दा बढी विदेशीले नेपाल भ्रमण गर्ने नेपाल पर्यटन बोर्डले अनुमान गरेको छ ।
बोर्डका अनुसार अक्टोबरसम्म अमेरिकाबाट ६५ हजार, श्रीलंकाबाट ४१ हजार, बेलायतबाट ४० हजार र थाइल्यान्डबाट २८ हजार पर्यटक नेपाल आएका छन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डमा नेपालको अहिलेसम्मकै राम्रो प्रदर्शन

मिस वर्ल्डमा नेपालको अहिलेसम्मकै राम्रो प्रदर्शन

विश्वभरिका सुन्दरीहरुका लागि एउटा सपना हो– मिस वर्ल्ड। यस वर्षको मिस वर्ल्ड उपाधि भारतकी मानुसी छिल्लरले जितेपछि सामाजिक सञ्जालमा विभिन्न...

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...