कसरी बनाउने फिल्म ?

सोमबार, २७ कार्तिक २०७४, ०९ : ५३ नागरिक


काठमाडौं- बिहीबारबाट एकादेशमा सर्ट फिल्म फेस्टिभल सुरु हुँदैछ तर त्योभन्दा ५ दिनअघि नै फिल्म फेस्टिभलले नेपालका ९ फिल्मलाई अन्तर्राष्ट्रिय बजारमा लैजाने सीपका बारेमा तयार गराउने अभिप्रायले कार्यशाला सुरु गरिएको छ ।

आइतबारबाट सुरु भएको ‘एकादेशमा फिल्म ल्याब’ १२ जना निर्माता निर्देशक आफ्ना ९ फिल्मसहित फिल्म बनाउने सीप सिक्न कार्यशालामा सहभागी भएका छन् । ४ दिनसम्म चल्ने कार्यशालाले फिल्म निर्माणसँगै बनेका फिल्मलाई अन्तर्राष्ट्रिय बजारमा बजारीकरण सिकाउनेछ ।

फेस्टिभलले लोकार्ना फिल्म फेस्टिभल र स्वीजरल्यान्डको राजदूतावासको सहयोगमा आइतबार सानेपाको ग्रिनविच होटलमा कार्यशाला सुरु गरेको हो । ‘एकादेशमा फिल्म ल्याब’ नाम दिइएको कार्यशालामा १२ निर्माता तथा निर्देशकका ९ फिल्म सहभागी छन् । सहभागी फिल्म तथा फिल्मकर्मीलाई सोफी बर्डन, मरिएटा बन हाउसवुल्फ र पाउलो बेर्टोलिनले ४ दिनसम्म प्रशिक्षण दिनेछन् ।
प्रशिक्षकमध्येकी एक सोफीले ४ दिने कार्यशालाको समय आफूले फिल्म बनाउन सिकाउने नभइ फिल्मकर्मीले अगाडि सारेका पटकथाका सबल र दुर्बल पक्षको विवेचना गर्ने बताइन् । ‘छानिएका ९ फिल्मलाई फिल्मकर्मीले फ्लोरमा प्रस्तुत गर्नेछन् । ती कथामा हामी सामूहिक रूपमा छलफल गर्नेछौं र अन्तर्राष्ट्रिय बजारमा यस्ता फिल्मले कसरी र कुन बाटोबाट प्रवेश पाउन सक्छन् तिनका बारेमा हाम्रो अनुभव बाँड्नेछौं,’ सोफीले भनिन् ।
उनले लोकार्ना फिल्म फेस्टिभलमा नेपाल जस्ता देशका फिल्मले कसरी प्रवेश पाउन सक्छन् र त्यो फिल्टभलमा कस्ता कस्ता प्रावधान छन् भन्ने विषयमा पनि जानकारी दिने बताइन् ।
सोफीले फेस्टिभलसम्बन्धी ज्ञान बाँडिरहँदा अर्की प्रशिक्षक मरिएटाले भने लेखन केन्द्रित अनुभव सहभागी माझ बाँड्नेछिन् । ‘कुनै पनि कथा आफैंमा गलत हुँदैनन् । तर, कथालाई कसरी प्रस्तुत गर्ने भन्ने कुराले धेरै फरक पार्छ । लेखक तथा निर्देशकले कथा के हो र त्यसलाई कसरी प्रस्तुत गर्दा फरक पर्छ भन्ने कुरा थाहा पाउन जरुरी छ,’ मरिएटाले भनिन्, ‘हामीले उनीहरूलाई गलत ग¥यौ सच्याउ भन्ने छैनौं, खाली त्यही कथालाई नयाँ नजरले हेर्न उत्प्रेरित गर्नेछौं ।’
सहभागीले प्रशिक्षकको उपस्थितिमा सामूहिक रुपमा छलफल गर्नेछन् र यसरी माझिएको विचारलाई फेरि प्रशिक्षकसँग एक्लै बसेर पनि छलफल गर्नेछन् । उनीहरूलाई अन्तर्राष्ट्रिय बजारमा गएर यसको दाउपेच थाहा पाएका नेपाली फिल्मकर्मीले पनि आफ्नो अनुभव बाँड्छन् । चारदिने कार्यशालाका दौरान दीपक रौनियार, आशा मगराती, रामकृष्ण पोखरेल तथा ओपन डोर्स अलमुनीका सदस्यले पनि आफ्ना अनुभव सहभागी माझ बाँड्नेछन् ।
एकादेशमा फिल्म फेस्टिभलले इच्छुक थुप्रै फिल्मकर्मी आवेदकबाट ९ वटा फिल्म छानेको हो । कार्यशालामा नेपालीहरू सम्पदा मल्ल, प्रनय लिम्बू, पुर्णेन्दु झा, अरुण देव जोशी, मनोजबाबु पन्त, केशव पाण्डे, केसाङ छेतेन, सरोज सापकोटा, नवनिधि दाहाल र रविन्द्रसिंह बानियाँ छनोट भएका छन् । कार्यशालामा दुई बंगलादेशी निर्देशक सफुल फैदिन र महदे हसन पनि सहभागी छन् । काठमाडौंको कुमारी हलमा चारै दिनसम्म चल्ने फेस्टिभलमा विभिन्न विधा र विषयमा बनेका सय फिल्म प्रदर्शन हुनेछन् । बलिउड अभिनेत्री मनिषा कोइरालाले फेस्टिभलको उद्घाटन गर्नेछिन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...

धनगढी तताए हेमन्तले

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन्। रुबस होटलमा दिउँसो भएको एकल रचना वाचन कार्यक्रममा उनले...

‘बडी सेमिङ’ विरुद्ध विद्या

‘बडी सेमिङ’ विरुद्ध विद्या

हरेक प्रश्नको निरासपूर्ण उत्तर दिने बलिउड अभिनेत्री विद्या वालनको सम्बन्ध पत्रकारहरूसँग सौहाद्र रहँदैन । आगामी फिल्म ‘तुम्हारी सुलु’को प्रमोसनका बेला...

‘भैरे’ बन्दै दयाहाङ

‘भैरे’ बन्दै दयाहाङ

अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट...