पिंजडा ब्याक अगेन’ गीत सार्वजनिक

सोमबार, २७ कार्तिक २०७४, ०९ : ५५ नागरिक


काठमाडौं- आगामी माघ ४ गतेबाट प्रदर्शनमा आउने फिल्म ‘पिंजडा व्याक अगेन’को दोस्रो गीत ‘तिमी नि आधा’ सार्वजनिक भएको छ । पत्रकारमाझ सोमबार राजधानीमा पत्रकार सम्मेलन गरी गीत सार्वजनिक गरिएको हो ।
गीतमा नायक निखिल उप्रेती र नायिका सारा सिर्पालीको रोमान्स रहेको छ । गीत सार्वजनिक अघि निखिलले अघिल्लो गीत ‘कु कु’ भन्दा दोस्रो गीतमा आफूले राम्रो नाँचेको दाबी गरे । ‘अघिल्लो गीतबाट नृत्य गर्दा मेरो नाँच्ने शैली देखेर आलोचना सुनियो, यसपटक भने केही राम्रो नाँच्ने प्रयास गरेको छु,’ निखिलले भने ।
नायिका साराले फिल्म आफ्नो ड्रिम प्रोजेक्ट रहेको बताउँदै दोस्रो गीतमा आफूले निकै मेहनत गरेको जनाइन् । गीतका संगीतकार तथा गायक अर्जुन पोखरेलले आफूले स्वर दिएका फिल्मका गीतहरू दर्शकले मनपराउएकोमा खुसी व्यक्त गरे । ‘मैले अहिलेसम्म फिल्ममा तीनवटा मात्र गीत गाएको छु । अघिल्ला दुई गीतबाट जसरी राम्रो तारिफ पाएँ, यसपटक पनि त्यस्तै तारिफ पाउनेमा विश्वस्त छु,’ उनले भने ।
गीतमा मुक्त उदासको शब्द र अर्जुन तथा गायिका अञ्जु पन्तको स्वर छ । गीतमा रामजी लामिछानेको कोरियोग्राफी छ । हिमाल केसी निर्देशित फिल्ममा सुस्मिता केसी, पुकार भट्टराई, ज्याक श्रेष्ठ, कुसाग्र भट्टराईलगायतको अभिनय छ । ओम शाही भक्त मुभिज र ओम साइ मौलाकालिका पिक्चर्सको व्यानरमा सुशान्त श्रेष्ठ र वसन्त शर्मा कार्यकारी निर्माता तथा श्रीराम बराल प्रस्तुतकर्ता छन् । मौनता श्रेष्ठको कथा, सौरभ लामाको छायांकन र हिमाल केसीको द्वन्द्व रहेको फिल्ममा रोहित पुरी, गोविन्द गैरे र चन्द्रबहादुर क्षेत्रीको लगानी छ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...

धनगढी तताए हेमन्तले

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन्। रुबस होटलमा दिउँसो भएको एकल रचना वाचन कार्यक्रममा उनले...

‘बडी सेमिङ’ विरुद्ध विद्या

‘बडी सेमिङ’ विरुद्ध विद्या

हरेक प्रश्नको निरासपूर्ण उत्तर दिने बलिउड अभिनेत्री विद्या वालनको सम्बन्ध पत्रकारहरूसँग सौहाद्र रहँदैन । आगामी फिल्म ‘तुम्हारी सुलु’को प्रमोसनका बेला...

‘भैरे’ बन्दै दयाहाङ

‘भैरे’ बन्दै दयाहाङ

अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट...