गौचन हत्यामा संलग्न ५ जना पक्राउ

मङ्गलबार, २८ कार्तिक २०७४, १५ : ४१ केपी ढुंगाना  | @kpdhungana


काठमाडौं- प्रहरीले निर्माण व्यवसायी महासंघका अध्यक्ष शरदकुमार गौचनको हत्यामा संलग्न ५ जनालार्इ पक्राउ गरेको छ। मंगलबार पुलिस क्लबमा सुटर राजिव स्याङताङ, सिबजि महतो, मुकेश कुमार पाण्डे, सन्तोष गुरुङ र  प्रकाश बुढाथोकीलार्इ प्रहरिले पक्राउ गरी सार्वजनिक गरेको हो।

एआअाइजी जयबहादुर चन्दले नेपाल छोडेर भागेका समिरमान सिंह बस्नेत र मनोज पुनको योजनामा १३ जना परिचालित भएर गाैचनको हत्या भएको बताए। उनीहरुले पक्राउ पाँचसहित लोप्साङ तामाङ, गंगा लिङ्देन, श्यामबहादुर गुम्बे, अम्बरबहादुर राना, रोशन बुढाथोकी र अजय थापालाई परिचालन गरी गौचनको हत्या गरेको प्रहरीले सार्वजनिक गरेको अनुसन्धान प्रतिवेदनमा उल्लेख छ। बस्नेत, पुनसहित ८ जना फरार छन्।

सिनामङ्गल पुल पुग्दा उसले ज्याकेट र टोपी फुकालेर सडकमा फालेको दृश्य देखिन्छ। त्यसपछि ती व्यक्ति कालो र सेतो छिर्के टिसर्टमा देखिएका थिए। प्रहरीले मंगलबार सुटरको रुपमा सार्वजनिक गरेका स्याङ्तानले त्यही टिसर्ट लगाएका थिए।

अनुसन्धान समितिका प्रमुख डिअाइजी गणेश बस्नेतका अनुसार उनीहरुले भारतबाट हतियार र चोरीको मोटरसाइकल ल्याएर गौचन हत्यामा प्रयोग गरेका थिए। हत्याको प्रयोजन व्यवसायीलाई धम्क्याएर रकम असुल्ने देखिएको उनले जनाए। प्रहरीकाअनुसार हत्यामा प्रयोग भएका दुई जना नेपाली सेनाका पूर्व सैनिक हुन्। गुम्बे भगौडा सिपाही र राना पूर्व सिपाही भएको प्रहरीले पुष्टि गरेको छ।

घटनामा दुई हतियार, दुई मोटरसाइकल र दुई सुटर प्रयोग भएको प्रहरी प्रतिवेदनमा उल्लेख छ। पहिलो सुटर स्याङताङ पक्राउ परेका छन्। दोस्रो सुटर अम्बरबहादुर राना फरार छन्। उनीहरुले हत्यामा बा ३५ प २४६१ नम्बरको मोटरसाइकल प्रयोग गरेका थिए। प्रहरीले घटनामा प्रयोग भएको मोटरसाइकल र पेस्तोल बरामद गरेको छ। प्रहरीले अनुसन्धानका लागि काठमाडौंका विभिन्न स्थानमा जडान गरिएको क्लोज सर्किट टेलिभिजन (सिसिटिभी) फुटेजको उपयोग गरेको पत्रकार सम्मेलनमा सार्वजनिक गरेका तथ्यहरुमा देखिएको थियो।

प्रहरीले सार्वजनिक गरेको सिसिटिभी फुटेजअनुसार घटनास्थलबाट फरारहरु भाग्न सिनामंगल पुल, तारा हल, काठमाडौं मेडिकल कलेजको बाटो प्रयोग गरेको देखिन्छ। प्रारम्भमा घटनास्थलमा मोटरसाइकलमा भाग्ने पछाडि सिटमा बसेको व्यक्तिले टोपी र कालो ज्याकेट लगाएको देखिन्छ। सिनामङ्गल पुल पुग्दा उसले ज्याकेट र टोपी फुकालेर सडकमा फालेको दृश्य देखिन्छ। त्यसपछि ती व्यक्ति कालो र सेतो छिर्के टिसर्टमा देखिएका थिए। प्रहरीले मंगलबार सुटरको रुपमा सार्वजनिक गरेका स्याङ्तानले त्यही टिसर्ट लगाएका थिए।

गौचनको गत असोज २३ गते बानेश्वरमा गोली हानी हत्या गरिएको थियो। गोलीबाट घाइते बनेका उनलाई तत्काल सिभिल अस्पताल पुर्‍याइए पनि चिकित्सकले मृत घोषित गरेका थिए। 

पुल्चोकस्थित इन्जिनियरिङ कलेजमा अध्ययन गरेका उनी डाँफे कन्स्ट्रक्सनका सञ्चालक थिए। निर्माण व्यवसायी महासंघको पछिल्लो अधिवेशनबाट उनी अध्यक्षमा चयन भएका थिए। मोटरसाइकलमा आएका दुई व्यक्तिले उनीमाथि गोली प्रहार गरी भागेको थिए।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...