गगन थापाले मतदातालाई बुझाए विकासको फेहरिस्त, सडकमै पाँच अर्ब बजेट

शनिबार, ०२ मङि्सर २०७४, १६ : १९ दिलीप पौडेल


काठमाडौं— कांग्रेस नेता गगन थापाले आफू सांसद भएर गरेका कामको फेहरिस्त आफ्ना मतदाता समक्ष प्रस्तुत गरेका छन्। अघिल्लो पटक काठमाडौं क्षेत्र नं. ४ बाट संसदमा प्रतिनिधित्व गरेका थापाले चार वर्षे कार्यकालमा सम्पादन गरेका कामको सूची सार्वजनिक गरेका हुन्।

दस्ताबेजमा विकास निर्माणको विवरण, सांसद, संसदको कृषि तथा जलश्रोत समितिको सभापति, स्वास्थ्यमन्त्री हुँदा आफूले निर्वाह गरेको भूमिका उनले उल्लेख गरेका छन्। 

काठमाडौं क्षेत्र नं. ४ मा भौतिक पूर्वाधार सडक, खानेपानी, शिक्षा, स्वास्थ्य, खेलकुद, धार्मिक तथा सांस्कृतिक क्षेत्रको संरक्षणको क्षेत्रमा आफू जनप्रतिनिधि भएपछि विनियोजन भएको बजेट र कार्यक्रमबारे उनले प्रस्ट्याएका हुन्। जानकारी ‘मलाई निर्वाचित गराएर पठाएपछि मैले गरेका सबै काम दस्तावेज नै बनाएर मतदाता समक्ष ल्याएको छु,’ थापाले नागरिकन्युजसँग भने, ‘यसले मतदातालाई अझ स्पष्ट पार्ने अपेक्षा गरेको छु।’

‘जनप्रतिनीधि हुँदा स्वभाविक रुपमा आफ्नो क्षेत्र प्राथमिकतामा राखेर विकासको लागि पहल गर्नु मेरो दायित्व हो,’ थापाले नागरिकन्युजसँग भने, ‘क्षेत्रसँगै काठमाडौ र मुलुकको विकास गर्नुपर्छ भन्ने मेरो मान्यता छ।’

थापाको क्षेत्र काठमाडौं क्षेत्र नं. ४ को सडक निर्माणमा मात्र करिब सवा पाँच अर्ब रुपैयाँ बजेट विनियोजन भएको देखिएको छ। सडक बाहेक स्वास्थ्य, शिक्षा, खेलकुद, सांस्कृतिक संरक्षण र पार्क निर्माणका लागि पनि सो क्षेत्रमा अर्ब भन्दा बढी बजेट विनियोजन भएर काम भइरहेको उनकाे दस्तावेजमा छ।

पूर्वाधार निर्माण शीर्षक अन्तर्गत अर्थ मन्त्रालय, भौतिक पूर्वाधार तथा यातयात मन्त्रालयबाट बजेट विनियोजन गरेपछि सडक विभाग, सडक डिभिजन लगायत विभिन्न निकायले काम अघि बढाएका छन्। 

त्यस क्षेत्रका सडकमा मात्र पाँच अर्ब २१ करोड रुपैयाँ बजेट विनियोजन भएर काम अघि बढेको देखिएको छ। धोविखोला करिडोरको गोपिकृष्णसम्म कालोपत्र गर्न र गोपिकृष्णदेखि चुनीखेल भद्रकालीसम्म ट्रयाक कोल्न करिब एक अर्ब रुपैयाँ विनियोजन भएर काम भैरहेको छ। पछिल्लो पटक नेकपा माओवादी केन्द्रका अध्यक्ष पुष्पकमल दाहाल नेतृत्वको सरकारमा स्वास्थ्य मन्त्री भएपछि विभिन्न मन्त्रालयबाट थप बजेट विनियोजन गराएको देखिएको छ।

१५६ सडक अायाेजना

काठमाडौं क्षेत्र नं. ४ मा मात्र साना ठूल गरी एक सय ५६ वटा योजना सञ्चालनमा रहेको सडक डिभिजन कार्यालयका अधिकारीले बताए। ‘राष्ट्रिय राजनीतिमा आशा लाग्दा नेता आएर दवाब दिएपछि योजना नदिन मिलेन,’ सडक विभागका एक इन्जिनियरले भने, ‘पटक–पटक दवाब दिएपछि राजनीतिक पहुँचका आधारमा धेरै योजना सञ्चालन भएका छन्।’ मुलुकका दुई सय ४० क्षेत्रमध्ये सम्भबत सबैभन्दा धेरै योजना काठमाडौं–४ मै गएको उनले बताए।

राष्ट्रिय राजनीतिमा प्रभाव राख्ने नेताहरुले अर्थ मन्त्रालयबाट स्रोत सुनिश्चित गरी सडकको लागि आफ्ना जिल्ला तथा क्षेत्रमा बजेट विनियोजन गरेको सडक विभागका महानिर्देशक गोपाल सिग्देल बताउँछन्। यो कुरा थापा पनि स्वीकार गर्छन्। ‘जनप्रतिनीधि हुँदा स्वभाविक रुपमा आफ्नो क्षेत्र प्राथमिकतामा राखेर विकासको लागि पहल गर्नु मेरो दायित्व हो,’ नेता थापाले नागरिकन्युजसँग भने, ‘क्षेत्रसँगै काठमाडौ र मुलुकको विकास गर्नुपर्छ भन्ने मेरो मान्यता छ।’

कपनमा १४ ठूला र २६ साना आयोजना
सडक योजना अन्तर्गत काठमाडौं–४ मा रहेको साततले भण्डारी गार्मेन्ट आकाशेधारा बालुवाखानी सुन्दर बस्ती सडकको लागि  २८ करोड आठ लाख ६९ हजार रुपैयाँ विनियोजन भएर निर्माणको काम भैरहेको छ। कपन क्षेत्रमा मात्र १४ ठूला र २६ साना सडक योजना सञ्चालनमा छन्। धोविखोला कोरिडोर अन्तर्गत संखमुलदेखि गोपीकृष्ण, कालोपुलसम्म करिव ३५ करोड रुपैयाँ, गोपीकृष्णदेखि उत्तरतर्फ चुनिखेल भद्रकालीसम्म दायाँ–बायाँ पर्खाल लगाउन र ट्रर्‍याक निर्माण गर्न ६० करोड रुपैयाँ रहेको छ। 

बुढानिलकण्ठ गाविसको वडा नं १०, ११, १२ मा पर्ने कपन क्षेत्रको सडक निर्माणमा अर्बौं रुपैयाँ विनियोजन भएको छ। ठेकेदारको लापरवाहीले समयमै काम नहुँदा ती आयोजना पूरा हुन ढिलाई भइरहेको हो। 

गोपीकृष्ण हल सरस्वतीनगर भृकुटी चोक सडकका लागि सात करोड ४५ लाख रुपैयाँ, कपनकै सरस्वती मार्ग ज्योती बैंक साततले सडकको लागि एक करोड ८४ लाख, साततले भण्डारी गार्मेन्ट आकाशे धारा वालुवाखानी सुन्दरबस्ती सडकमा २८ करोड ८ लाख, आकाशेधारा राम मन्दिर कृष्ण मन्दिर सडकमा नौ करोड ३२ लाख, महाङ्काल भृकुटीचोक तेन्जिङ चोक फैका आनिगुम्बा कृष्ण मन्दिर चुनिखेल चपली  बुढानिलकण्ठ सडकमा ५७ करोड रुपैयाँ विनियोजन भएर निर्माण भैरहेको थापाद्वारा सार्वजनिक दस्तावेजमा उल्लेख छ।

कपन कृष्णमन्दिर चुनिखेल पौराणिकमार्गमा एक करोड, आनिगुम्बा कृष्ण मन्दिर उकालो ढलानमा एक करोड, कपन खरिबोट पैयुँटार शहिद पार्क सडकमा एक करोड लागतमा निर्माण भएको छ। सो सडकको लागि थप सात करोड ५६ लाखको लागत अनुमान भइ टेण्डर गर्ने तयारीमा रहेको छ।

कपन क्षेत्रमा मात्र १४ ठूला र २६ साना सडक योजना सञ्चालनमा छन्। धोविखोला कोरिडोर अन्तर्गत संखमुलदेखि गोपीकृष्ण, कालोपुलसम्म करिव ३५ करोड रुपैयाँ, गोपीकृष्णदेखि उत्तरतर्फ चुनिखेल भद्रकालीसम्म दायाँ–बायाँ पर्खाल लगाउन र ट्रर्‍याक निर्माण गर्न ६० करोड रुपैयाँ रहेको छ। 

साप्रेढुंगा च्यानेखोला चुनिखेल सडकमा एक करोड, बङ्लामुखी कपनटार जंगलादेवी सडक करिब ५० लाख रुपैयाँ, बङ्लामुखी कपनटार जंगलादेवी सडकमा करिब ५० लाख, बङ्लामुखी कपनटार जंगलादेवी सडक करिब ५० लाख विनियोजन भई निर्माण सम्पन्न भएका छन्।

साततले आनिगुम्बा ढल सहित सडकको १३ करोड, पञ्चकन्या चोक वासिकु वंदेली गिरिजाप्रसाद स्मृति शान्ति पार्क हुँदै तारेभीर सडकको लागि २१ करोड रकम विनियोजन गरेका छन्।

कृष्ण मन्दिर प्रहरी गण दारेगौंडा शहिद पार्क सडक, धोबिखोला कोरिडोर पाथिभरा देखि च्यानेखोला पुल सम्मको सडक विस्तारको लागि पनि विनियोजन गरेर काम भैरहेको काठमाडौं सडक डिभिजन कार्यालयले जनाएको छ । सुकेधारा न्यूकोलोनी, कुशलक मार्गको लागि एक करोड ५८ लाख, कपनमार्ग बुढानिलकण्ठ सडकमा आठ करोड ३७ लाख, सुकेधारा न्यूकोलोनी, रुद्रमति , निलोपुल सडकमा एक करोड ५४ लाख, सुन्दरबस्ती, चुनिखेल सडकमा चार करोड, कागज कारखाना माथिल्लो भंगाल सडक एक करोड, खहरे कृषि सडक एक करोड ५० रुपैयाा विनियोजन भएर काम भैरहेको उम्मेदवार थापाको दस्तावेजमा उल्लेख छ।

त्यसैगरी चुनिखेल क्षेत्रमा पर्ने गणेशचोक चुनिखेल, गाम्चा, कौडोल, सापाटार, जगडोल सडकको लागि ५२ करोड स्वीकृत भएर टेण्डर प्रक्रियामा रहेको छ । च्यानेखोला करिडोरको लागि तीन करोड ५० लाख, गणेश मन्दिर पुकुचा सडकमा एक करोड ५० लाख, चुनीखेल सापाटार सडक १३ करोड, बुढानिलकण्ठ पूर्व तौलिङ स्कुल देउवा चोकसम्म ११ करोड, पञ्चकन्या वासिकु बदेली तारेभिर २१ करोड बजेट विनियोजन भएको छ। त्यसैगरी गौशाला–चावहिल, चावहिल गोपीकृष्ण, मित्रपार्क गौरी घाट, मैतिदेवी लगायतका ठाउँमा करोडौंका योजना सञ्चालन भैरहेका छन्।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...