बम विस्फोटमा बल्लबल्ल बाँचें: रामचन्द्र पौडेल

शनिबार, ०२ मङि्सर २०७४, १६ : २२ सन्तोष पोखरेल


पोखरा- निर्वाचन विरोधी समूहको आक्रमणमा परेका कांग्रेसका वरिष्ठ नेता रामचन्द्र पौडेलले सरकारले उम्मेदवारको भरपर्दो सुरक्षा प्रबन्ध गर्न नसकेको गुनासो गरेका छन्।

तनहुँबाट लम्जुङ जाने क्रममा शनिबार दिउँसो बम विस्फोटमा परेका पौडेलले उम्मेदवारमाथि श्रृंखलावद्ध आक्रमण हुनुको कारण सुरक्षा निकायले पत्ता लगाउन नसकेको बताए। ‘मलाई चोट मात्र नलागेको हो । बल्लबल्ल बचे,’ पौडेलले टेलिफोनमा नागरिक न्यूजसँग भने, ‘गाडीको पछिल्लो सिटमा बसेको थिए, मुस्किलले जोगिए । माथिको बनमा लुकेर आक्रमण गरियो।’

उम्मेदवारमाथि आक्रमण कहाँबाट कसरी भयो भन्ने सुरक्षा निकायले मेसो पाउन नसकेको उनले बताए । ‘सुरक्षा प्रबन्ध हुनै सकेन। सरकारले सुरक्षाको तयारी गरेको भनेको थियो, तर, कमजोर व्यवस्थापन भयो ।’ उनले कांग्रेसको सरकार भएपनि सुरक्षाका लागि चनाखो हुन नसकेको बताए।

पौडेल सवार गाडीलाई लक्षित गर्दै तनहुँमा शनिबार दिउँसो साढे ३ बजेति विस्फोट गरिएको छ । विस्फोटमा परेर पौडेल चढेको गाडीमा सामान्य क्षति पुगेको छ । पौडेललाई भने कतै चोटपटक लागेको छैन । पोखरास्थित प्रदेश प्रहरी कार्यालयका एसपी बसन्त कुँवरका अनुसार तनहुँको भानु गाउँपालिका–१० नेपालडाँडामा दिउँसो बम विस्फोट भएको हो। ‘विस्फोटमा परेपनि पौडेल सकुशल हुनुहुन्छ,’ उनले भने, ‘पौडेल सवार सवारीमा सामान्य क्षति भएको छ।’ पौडेल बा १३ च ३७४६ नम्बरको जिपमा सवार थिए।

उनका अनुसार पौडेललाई स्कर्टिङ गरिरहेको प्रहरीको गाडीमा सवार एकजना प्रहरीलाई पनि सामान्य चोट लागेको छ । कुँवरका अनुसार पौडेल तनहुँमा चुनावी कार्यक्रम सकेर लम्जुङ जाँदै थिए । ‘बाटोमा लुकाई राखेको बम विद्युतीय तारमार्फत विस्फोट गराईएको हो,’ उनले भने ।

सुरक्षा निकायले पौडेलको सुरक्षार्थ स्कर्टिङमा १० जना सशस्त्र प्रहरीको टीम अगाडी थियो । त्यसबाहेक थप ११ जना नेपाल प्रहरी पनि उनको सुरक्षामा खटिएका थिए। ‘लुकेर बसेको समुहले विद्युतीय तारमार्फत बम विस्फोट गराएको हो,’ एसपी कुँवरले भने, ‘तत्काल आक्रमणकारीको खोजी भईरहेको छ।’







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...