४९ मतदाताको मतदान केन्द्र

शनिबार, ०२ मङि्सर २०७४, १७ : २४ खगेन्द्र अधिकारी


ताप्लेजुङ- प्रतिनिधि र प्रदेश सभाका लागि ताप्लेजुङमा तोकिएका ११४ मतदान केन्द्रमा सबैभन्दा कम ४९ मतदाता रहेको पाइएको छ। सबैभन्दा बढी भने १ हजार ४० जना सम्म रहेका छन्।

उत्तरी दुर्गम गाउँ ग्याब्लामा रहेको मतदान केन्द्रमा ४९ जना मतदाता रहेको पाइएको छ। यो जिल्लाकै सबैभन्दा कम मतदाता रहेको मतदान केन्द्र हो । यसैगरी खोक्लिङको मोति मावि मतदान केन्द्रमा जिल्लाकै सबैभन्दा बढी १ हजार ४० मतदाता रहेका छन्। जिल्ला निर्वाचन कार्यालयका अनुसार ७३ मतदान स्थलमा तोकिएका ११४ मतदान केन्द्र मध्ये उत्तरी दुर्गम गाउँमा सबैभन्दा बढी २२२ मतदाता रहेका छन् । फक्ताङलुङ गाउँपालिकाको ओलाङचुङगोला मतदान केन्द्रमा रहेका यि मतदाता यहाँका दुर्गम गाउँमा भएका मतदान केन्द्र मध्येका सबैभन्दा बढी हुन् । जिल्ला निर्वाचन अधिकारी महेशकुमार ठाकुरका अनुसार जिल्लाकै सबैभन्दा दुर्गम गाउँ याङ्मामा ५७ जना मतदाता रहेका छन् । दुर्गम तर पर्यटकिय थल घुन्सामा भने १३१ मतदाता रहेको निर्वाचन कार्यालयले जनाएको छ । जिल्ला निर्वाचन अधिकारी ठाकुरका अनुसार कालिखोलाको हरिसे निमावीमा १८४ तथा पापुङको किलिङमा १९४ मतदाता रहेका छन् । कालिखोला र पापुङको किलिङलाइ पनि दुर्गम क्षेत्रमै गणना गरिन्छ।

जिल्ला निर्वाचन कार्यालयका प्रदेश सभाको निर्वाचन क्षेत्र नं १ मा पर्ने फुङलिङ नगरपालिकामा ९ स्थानीय तह मध्ये सबैभन्दा बढी मतदाता रहेका छन् । १५ हजार १३७ मतदाता रहेको फुङलिङ पछि सिरीजङ्घा गाउँपालिकामा १० हजार २ सय ७१ मतदाता रहेका छन् । याङवरक गाउापालिकामा८ हजार ६०१ र सिदिङ्वा गाउँपालिकामा ७ हजार ६३३ मतदाता रहेका छन् । यि सबै निर्वाचन क्षेत्र नं १ मै पर्छन् । गएको स्थानीय तहको निर्वाचनमा फुङलिङ नगरपालिका र याङवरक गाउँपालिकामा एमाले तथा सिदिङ्वा र सिरीजङ्घा गाउँपालिककामा काँग्रेसले जित हासिल गरेका थिए । उतिबेला नगरपालिका सहित याङवरक र सिदिङ्वा गाउँपालिकामा काँग्रेस र माओवादी केन्द्र मिलेर निर्वाचन लडेका थिए भने फुङलिङ र नगरपालिकामा एमाले एक्लै तथा सिदिङ्वामा संघीय लिम्बूवान संग मिलेर चुनाव लडेको थियो । माओवादी केन्द्रले फुङलिङ नपा र सिदिङ्वा गापामा उपप्रमुख पद जितेको थियो।

प्रदेश सभाको निर्वाचन क्षेत्र नम्बर १ मा पर्ने साविकको लिङखिम गाविसलाइ गाभेर प्रदेश सभाको निर्वाचन क्षेत्र नं २ मा ५ वटा स्थानीय तह रहेका छन् । ५ मध्ये ३ स्थानीय तहमा एमाले र २ स्थानीय तहमा काँग्रेस बिजय भएको थियो । प्रदेश सभाको निर्वाचन क्षेत्र नं २ को सबैभन्दा कम मतदाता मिक्वाखोला गाउँपालिकामा रहेका छन् । जहाँ ५ हजार ६७७ मतदाता रहेका छन् । मेरिङदेनमा ७ हजार ४८७,मैवाखोलामा ६ हजार ६२५,आठराइ त्रिबेणीमा ८ हजार ५३४ तथा फक्ताङलुङमा ७ हजार ९०९ मतदाता रहेका छन् । यि मध्ये मैवाखोलाका ३२ गाउँपालिका सदस्य मध्ये एमाले एक्लैले ३१ तथा काँग्रेसले एक स्थान जितेको थियो । आठराइ त्रिबेणीमा काँग्रेसले १३ मतान्तरले एमाले उम्मेदवारलाइ पराजित गर्दा माओवादी केन्द्र मैवाखोला र आठराइ त्रिबेणीमा तेस्रो स्थानमा रहेको थियो । काँग्रेस र माओवादी केन्द्र मिलेर चुनाव लडेको मेरिङदेन गाउँपालिकाको प्रमुख पद काँग्रसले जित्दा ११५ मतान्तरले एमाले उम्मेदवार पराजित भएका थिए । मिक्वाखोलाको प्रमुख पद एमालेले जित्दा काँग्रेसले २५ मतको मात्र अन्तर व्यहोरेको थियो । राप्रपा संग मिलेर चुनाव लडेको काँग्रेस फक्ताङलुङ गाउँपालिकामा एमाले संग पराजित भएको थियो।

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

कविशिरोमणि रचनावली प्रकाशित

कविशिरोमणि रचनावली प्रकाशित

कविशिरोमणि लेखनाथ पौड्यालका सम्पूर्ण कृतिहरूको संगालोका रुपमा कृति ‘कविशिरोमणि रचनावली’ बजारमा आएको छ । पाँच खण्डमा समेटिएको कृति कवि शिरोमणिको...

राजधानीमा थपियो नयाँ नाटक घर

राजधानीमा थपियो नयाँ नाटक घर

चिनियाँ कथाकार लु स्युनको कथामा आधारित ‘म्याड म्यान्स डायरी’को मञ्चनसँगै राजधानीमा नयाँ नाटघकर खुलेको छ। ...