भरतपुरको सभामा शोकाकुल दाहाल परिवार

मङ्गलबार, ०५ मङि्सर २०७४, २० : २५ रमेशकुमार पौडेल


चितवन- आइतबार बिहान मात्रै पुत्र बियोगमा परेका माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल मंगलबार भरतपुरमा आयोजना भएको कार्यक्रममा सपरिवार सहभागि भए । तर सभामा दाहालले सम्बोधन गरेनन् । उनको शोक अनुहारमा प्रष्टै झल्कन्थ्यो । दाहाल पत्नि सीता दाहाल त बेला बेलामा भक्कानिएकी थिइन्।

                दाहालका छोरा प्रकाश दाहालको आइतबार बिहान मात्रै काठमाडौंमा आकस्मिक हृदयघातका कारण निधन भएको थियो। बाम गठबन्धनले मंसिर ५ गते भरतपुरमा चुनाबी सभा गर्ने भनेर पहिल्यै तय गरेको थियो । पुत्र प्रकाशको निधन भए पनि चुनाबी सभा नरोक्न दाहालले नै आग्रह गरेका थिए । एमाले अध्यक्ष केपी ओलीसमेतले सम्बोधन गर्ने सो सभामा प्रकाश दाहाल प्रति श्रद्धाञ्जली दिइएको थियो ।

                दाहाल चितवन क्षेत्र नं. ३ मा प्रतिनिधि सभा सदस्य पदका उम्मेदवार पनि हुन् । उनको निर्वाचन क्षेत्र भरतपुर बस पार्कमा नै सभा आयोजना भएको थियो । दाहाल र  सीतासहित छोरीहरु रेणु र गंगासमेत सभामा सहभागि भएका थिए । प्रकाशकी श्रीमती बिना मगर पनि सो सभामा सहभागि थिइन्।

                माओवादी नेता सूर्य सुवेदी पथिकले दिवंगत प्रकाशको जीवनी भन्न सुरु गरेदेखि नै आमा सीताको आँखामा आँसु देखिन थालेको थियो । उनी मुख छोप्दै रुदै गरेकी थिइन्। गोपाल ठाकुरले प्रकाशको बारेमा कविता भन्न सुरु गरेपछि उनी झनै भक्कानिन थालिन । प्रकाशको तस्बिरमा श्रद्धाञ्जली दिन जाँदा उनी डाको छाडेर रोएकी थिइन्।

                दाहाल आँखा पनि बेला बेलामा रसाउने गर्दथे । सभामा बसि रहँदा अन्तिम तिर उनी केही सम्हालिएका थिए । तर उनले सभामा सम्बोधन गरेनन् । सीता दाहाल भने सभा नसकिदै केही बेर पहिल्यै बाहिरिएकी थिइन्।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...